الموضوع: ما هو الrms؟ (رحلة في عالم الصوتيات)

المشاركة الأصلية كتبت بواسطة eng_mkhalaf

بص يا معلم
أنا معايا شيرى A11 عربية ليفت باك يعنى زى الهاتش باك بس بشنطة زى العربيات السيدان - العربية فيها كاسيت شرايط بتاع الفابريقة وسمعات البيبان بتاعت الفابريقة وفى سمعاتين بيضاوى ورا ماركة سيتى ساوند وبس
أنا بقى عايز عدة صوت كويسة تخلى الصوت نقى وبيز محترم وعلى قد ما أقدر عايز أخلى الكاسيت القديم وأجيب سماعتين ورا مع جى أم بس خايف الكاسيت يكون وحش ويبوظ الدنيا وكمان السماعات الأمامية تبوظ هيا كمان الدنيا- ودة أول سيناريو
التانى أنى أجيب كاست باينوير 3950 مع سماعات باينوير 400 وات أو كيبنوود لأن البيز بتاعها محترم مع حى أم بايونير وفى ناس قالتى جيب السيمفونى لأنة كويس وزى البايونير وكمان فى ناس قالتى جيب الكينوود أحسن وأنا تهت
هية ديى الحكاية كلها شوف أنت أية الحل وقوللى

مبدأيا لا ارشح فكرة الإبقاء على كاسيت الفبريقة ولا ما يتعلق به من سماعات,نظرا لأنك مش هتستفيد منه بل و هيخليك تقول أنك معملتش حاجة مؤثرة بتاتا...و من الأفضل ترميه في الزبالة
و ممكن تعمل الآتي

الإقتراح الأول
السيدي بلاير المختار 3950 بيونير و سعره يتراوح بين 600الى 650 لو عايز نصيحتي هات ال4950 و سعره من 700الى 750 و لكن بجد تقسيمه للصوت روعة و فيه تحكمات للبيز زي ما انت عايز و هيدلعك على الآخر مع سماعتين بيونيير330 أو350وات مش 400 علشان يقوموا تمام مع سماعات أبواب كينوود MIDRANGE

الإقتراح الثاني
و لو ناوي تركب GM يبقى هات السماعات اللي ورا بيونيير 400وات أو أكتر و ممكن كمان كنوود 4WAY و مش هتحتاج أكتر من GMكنوود صغير 2 CHANNELS 350W و ده سعره في حدود ال400

و التكلفة في الحالة التانية هتكون : سي دي بلاير 700+سماعات بيضاوي 320+سماعات باب 100+ال GM 400=
1520 جنيه تقريبا بس هتدعيلي من هنا لبكرة لأنها كده هتكون عدة تمام

و لو العملية مزنقة حبتين ممكن تكتفي بالإقتراح الأول و بس و هتكون التكلفة أقل 500 جنيه

و تحت أمركوا جميعا