سيفيك سيدان تفوز بجائزة أفضل قيمة إجمالية, و أفضل إختيار آمن لعام 2010

**khaled_rafea** · 06-06-2010 02:56 PM

المشاركة الأصلية كتبت بواسطة horsepower

لا يا خالد بيك أنا ماليش أي نشاط سياسي ... يا باشا الموضوع ليس له علاقة بمستوى المعيشة ... الكلام عن الفرق في سعر السيارات بين مصر و الخارج ... إللي أقصده إن فيه ناس بتشوف إن سعر العربيات في مصر أغلى بدون ما يكمل الصورة ... هل فيه حد بيشتري عربية و يركنها يتفرج عليها ... مش فيه مصاريف تشغيل (صيانة - قطع غيار - وقود - تراخيص - مخالفات ... إلخ) خلينا نشوف الصورة كاملة بلاش نظلم نفسينا ونعيش إننا شهداء في كل حاجة ... وعلى رأي المثل (يا بخت من بكاني و بكى عليا ... ولا من ضحكني و ضحك الناس عليا)
بس كنت عايز أوضح إن في مستوى للعربيات في مصر ما يعتبرش غالي عن الخارج بالعكس يعتبر أرخص لو أضفنا مصاريف التشغيل و عملنا مقارنة سليمة.

على فكره يا باشا انا كنت بهزر مع حضرتك, انا فاهم كويس وجهة نظرك, و مقصدش اعترض عليها من البدايه, اسف لو كنت دايقتك

**khaled_rafea** · 06-06-2010 03:02 PM

المشاركة الأصلية كتبت بواسطة haythamkmal

أ. احمد ، مع احترامى لرايك بس بره فى شوارع نظيفة مابتبوظش عجل ومساعدين و بيض و مقصات وعلبة دريكسيون ، انا سافرت قبرص اسبوع وكنت ماجر عربية رينو والله العربية معازتش تتمسح حتى مش تتغسل طول الاسبوع، وكمان مفيش سياس وقفيين فى كلى حتة يقولولك حاسب بعد ما تركن ، ولما بتروح تخلص ورق مبتدفعش رشوة لكل واحد عدى علية الورق ده عشان تخلص ، وبعدين تنزل للمهندس فى المعاينة يقولك احنا محتاجين مطابقة بصمة ولازم تبرز تانى ، وبعديين تروح التوكيل عندك مشكلة وانت فى الضمان يشيلوهالك.
اقولك اخر تكتة ... النهاردة كنت فى التوكيل عشان حسيت ان التكيف ضعيف شوية ، بعد الكشف قالولى ان كويل الكباس عايز يتغيير وثمنة 1000 جنية ، قلتلهم انى فى الضمان ، طبعا الرد كان ان السبب فى ضعف الكويل هو النور الزينون اللى انا مركبة

عشان عمل احمال على دائرة الكهرباء بتاعت التكيف !!!!!!!!!!!!!!!
المهم عملت مشكلة ومفيش فايدة ، ولاقيت واحد جانبى بيزعق ... مشكلتة ان كنترول الفتيس عنه باظ وهو فى الضمان بردة ، بس قالولو ان سبب بوظان الكنترول انه مركب gm وطبعا اثر على الكنترول والله ده حصل !!!!!!!

مفيش فايدة

استاذ هيثم دى مشكلة الناس اللى عايشه فى البلد, تقريبا الضمير بقى عملة نادرة, كله بيدور على المكسب بغض النظر عن حرام او حلال و بغض النظر هو أطاع الله ولا لأ , قليل اوى لما تلاقى واحد بيراعى ربنا فى اكل عيشه

**Horsepower** · 06-06-2010 09:08 PM

المشاركة الأصلية كتبت بواسطة haythamkmal

أ. احمد ، مع احترامى لرايك بس بره فى شوارع نظيفة مابتبوظش عجل ومساعدين و بيض و مقصات وعلبة دريكسيون ، انا سافرت قبرص اسبوع وكنت ماجر عربية رينو والله العربية معازتش تتمسح حتى مش تتغسل طول الاسبوع، وكمان مفيش سياس وقفيين فى كلى حتة يقولولك حاسب بعد ما تركن ، ولما بتروح تخلص ورق مبتدفعش رشوة لكل واحد عدى علية الورق ده عشان تخلص ، وبعدين تنزل للمهندس فى المعاينة يقولك احنا محتاجين مطابقة بصمة ولازم تبرز تانى ، وبعديين تروح التوكيل عندك مشكلة وانت فى الضمان يشيلوهالك.
اقولك اخر تكتة ... النهاردة كنت فى التوكيل عشان حسيت ان التكيف ضعيف شوية ، بعد الكشف قالولى ان كويل الكباس عايز يتغيير وثمنة 1000 جنية ، قلتلهم انى فى الضمان ، طبعا الرد كان ان السبب فى ضعف الكويل هو النور الزينون اللى انا مركبة

عشان عمل احمال على دائرة الكهرباء بتاعت التكيف !!!!!!!!!!!!!!!
المهم عملت مشكلة ومفيش فايدة ، ولاقيت واحد جانبى بيزعق ... مشكلتة ان كنترول الفتيس عنه باظ وهو فى الضمان بردة ، بس قالولو ان سبب بوظان الكنترول انه مركب gm وطبعا اثر على الكنترول والله ده حصل !!!!!!!

مفيش فايدة

هيثم باشا أنا معاك إن الطرق عندنا وحشة جدا مقارنة بدول أخرى متقدمة عننا ... عموما ده محتاج موضوع لوحده ... معليش يا باشا أنا مش عارف إيه ال gm إللي الراجل كان مركبه و أثر على الكنترول؟ إيه ال gm ده؟

المشاركة الأصلية كتبت بواسطة khaled_rafea

على فكره يا باشا انا كنت بهزر مع حضرتك, انا فاهم كويس وجهة نظرك, و مقصدش اعترض عليها من البدايه, اسف لو كنت دايقتك

أبدا يا أستاذ خالد مفيش حاجة ... أنا سعيد بالتعرف على حضرتك جدا.

**khaled_rafea** · 06-06-2010 09:19 PM

انا اسعد يا باشا, والgm بعد اذن استاذ هيثم امبليفاير علشان يقوم الصب وفر

**Horsepower** · 06-06-2010 10:36 PM

المشاركة الأصلية كتبت بواسطة khaled_rafea

انا اسعد يا باشا, والgm بعد اذن استاذ هيثم امبليفاير علشان يقوم الصب وفر

شكرا أستاذ خالد معليش أنا أصلي ماليش في الصوتيات ... عايزين دروس عند هيثم باشا علشان كلامه يبقى على مستوى القاعدة و نفهمه على طول ...

**haythamkmal** · 07-06-2010 11:00 AM

يا باشا والله القاعدة استوت من اللى بشوفة فى الوكيل ، بس مفيش مشكلة فى الدروس بردة حصة جغرافيا مقابل حصتين صوتيات .
بس ايه رايك فى مبررات التوكيل جامدة مش كدة

المشاركة الأصلية كتبت بواسطة Horsepower

شكرا أستاذ خالد معليش أنا أصلي ماليش في الصوتيات ... عايزين دروس عند هيثم باشا علشان كلامه يبقى على مستوى القاعدة و نفهمه على طول ...