قـســـــم بـــروتــــــون هــيـــــــا نــعـــمـــــــل مــعـــــاً - نحن نتحدى

**Eng. Rafy Samy** · 05-06-2010 02:59 PM

أصدقائي وأخواتي الأعزاء

بعد تفكير طويل في موضوع جديد للقسم ومع اخر الاحداث القائمة خطر ببال فكرة اجدها منطقية ومفيده واريد أرائكم فيها

نظراً لزيادت عدد أعضاء ومالكين بروتون يومياُ وأنتشار المنتدى ايضاً، فكرت في كيفية تنظيم العمل بداخل القسم حتى يكون لكل عضو فيه دور فعال وليس مجرد قاريء فقط..

فخطر ببال فكرة عمل اقسام داخلية (مجموعات عمل) هذه الاقسام تكون مسئولة عن أهداف معينة تكون محددة مسبقاً ولكل عضو حق الاشتراك في مجموعة او اثنين على الاكثر وبعد اشتراك اكثر من 5 اعضاء يتم فيما بينهم انتخاب مدير للمجموعة على ان تحدد فترة معينة لعمل انتخابات اخيرى جديدة.

لنعطي مثلاُ :

مجموعة خط الدفاع - وهي المجموعة المسئولة عن الرد والدفاع عن بروتون في كافة المقارنات والمواضيع المشككة في إعتمادية بروتن او في احد مميزاتها على ان تكون المجموعة ملتزمة بالحيادية والإثباتات .- عندما يقوم عدد 5 أعضاء بالإشتراك في هذه المجموعة فيبدء إنتخاب احدهم لمنصب مدير المجموعة لمده ثلاثة اشهر .

وبهذا الشكل سننظم العمل داخل القسم ونعطي لكل عضو مسئولية جزء من منظومة بروتون الكبيرة وسنكون جميعاً مشاركين بفاعلية دائماُ.

المجموعات المقترحة :

1- مجموعة خط الدفاع :
وهي المجموعة المسئولة عن الرد والدفاع عن بروتون في كافة المقارنات والمواضيع المشككة في إعتمادية بروتن او في احد مميزاتها على ان تكون المجموعة ملتزمة بالحيادية والإثباتات.

2- مجموعة البحث والمعرفة
وهي المجموعة المسئولة عن البحث عن كل ما هو جديد ومفيد في كيفية استخدام السيارة والوصول لأفضل إداء وما هو الجديد في عالم قطع الغيار والتطويرات المتوقعة حلال الفترات المقبلة وما هو افضل الحلول للمشاكل المتعارف عليها .....الخ

3- مجموعة التعديلات والتطوير
وهي المجموعة المسئولة عن التعديلات الداخلية والخارجية والميكانيكية والكهربائية والفرش وكل ما هو قابل للتعديل لتحسين الشكل او الأداء.

4- مجموعة مراقبة الجودة
وهي المجموعة المسئولة عن مراقبة جودة المواضيع الموجودة في قسم بروتون ويكون لها الحق في الطلب بتغير محتوى الموضوع او تغيير عنوانة او حذف الموضوع من أساسة ( هذه المجموعة شبيها بمشرف القسم ولكن مننا نحن ) فهذه المجموعة هي المسئولة عن المحافظة على مستوى القسم

5- مجموعة التعارف والمقابلات
وهي المجموعة المسئولة عن تعارف كل الاعضاء الجدد والمسئولة عن المقابلات بكل تفاصيلها وترتيباتها.

6- مجموعة العروض والتخفيضات
وهي المجموعة المسئولة عن البحث عن محالات قطع غيار بروتون وورش التصليح وأفضل السمكرية والميكانيكية ...إلخ ومحاولة الاتفاق على عروض خاصة بالقسم لإفاددة الاعضاء.

7- مجموعة الإجتماعيات
وهي المجموعة المسئولة عن التهاني والتعاذي والعمل بأسم قسم بروتون في كل المناسبات الخاصة بالاعضاء الأفاضل

8- مجموعة الإستقبال
وهي المجموعة المسئولة عن استقبال الاعضاء الجدد – والمسئولة عن الرد على كل أسألتهم المتوقعة والمتكررة وتعريفهم بالاعضاء الحاليين.

هذا كل ما أفكر فيه حالياً أتمنى ان تنال الفكرة استحسانكم وأرحب بكل الأقتراحات والمشاركات

تقبلوا تحياتي جميعاُ وأحترامي

**homos99** · 05-06-2010 08:08 PM

هذا كل ما أفكر فيه حالياً أتمنى ان تنال الفكرة استحسانكم وأرحب بكل الأقتراحات والمشاركات.

الموضوع رااااااااااااائع جدا والفكرة هايلة بجد وانا اول واحد موافق و هشارك بأذن الله بس مش عارف ممكن انفع في اى قسم لسه ... بس بجد الفكرة عظيمة,,,,,,,,

**Raul_7** · 05-06-2010 08:31 PM

فكرة حلوة قوي بصراحة, لو نجحت هتلاقي الاقسام التانية بتقلدنا. :)

**be7ee** · 05-06-2010 09:41 PM

فكرة جمدة وجديدة

**pedro732000** · 05-06-2010 09:50 PM

انا حابب انضم معاك بعد اذنك فى الفكرة الممتازة ديه فى مجموعتين هما

2- مجموعة البحث والمعرفة

3- مجموعة التعديلات والتطوير

شكرا

**Eng. Rafy Samy** · 05-06-2010 11:50 PM

[QUOTE=homos99;3872732426]

الموضوع رااااااااااااائع جدا والفكرة هايلة بجد وانا اول واحد موافق و هشارك بأذن الله بس مش عارف ممكن انفع في اى قسم لسه ... بس بجد الفكرة عظيمة,,,,,,,,

[/QUOTE]
ا/ homos شكراُ جزيلاً على مشاركتك واهتمامك وتشجيعك.. فكر كويس قبل الاختيار

المشاركة الأصلية كتبت بواسطة Raul_7

فكرة حلوة قوي بصراحة, لو نجحت هتلاقي الاقسام التانية بتقلدنا. :)

ا/ Raul المهم اننا نتفاعل ونهتم ونكون إيجابيين وميبقاش الموضوع مجرد كلام.في موضوع ويتنهي مع مرور الوقت.
تقبل تحياتي

المشاركة الأصلية كتبت بواسطة be7ee

فكرة جمدة وجديدة

ا/ be7ee شكراُ يا فندم على مشاركتك واتمنى تفاعل اكتر من الجميع

المشاركة الأصلية كتبت بواسطة pedro732000

انا حابب انضم معاك بعد اذنك فى الفكرة الممتازة ديه فى مجموعتين هما

2- مجموعة البحث والمعرفة

3- مجموعة التعديلات والتطوير
شكرا

ا/ pedro ايوة كده يا باشا أهلاً بيك وشكراُ على تفاعلك وان شاء الله الفكرة تنجح والناس تتفاعل اكتر ونكون إيجابيين دايماُ

يا شباب كل الاعضاء اللي ردوا شباب زي الفل ومتحمسين للفكرة بس النسبة بين المشاهدة والردود فيها فرق كبير قوي.. يا جماعة تعالوا نتكلم ونتحاور وأهلا بكل الاراء وأهلاً بالنقد البناء وأهلا بأختلاف وجهات النظر..
اكتب رأيك مهما كان وتعالوا ندردش شوية....

على فكرة انا جاتلي اكتر من رسالة على الخاص بخصوص الموضوع ده.. طيب ليه منتكلمش هنا مع بعض ونشوف وجهات نظرر المؤيد والمعارض " تعالوا نفتح باب الحوار بينا تاني "

شكراً لكم جميعاُ
تقبلوا تحياتي

**Raul_7** · 05-06-2010 11:58 PM

إن شاء الله قريب بس أجيب العربية الأول عشان أبقى عضو بروتوني رسمي.

**m.3abdel3al** · 06-06-2010 12:00 AM

فكرة جامدة يا هندسة كالعادة انا مجموعتي رقم 3 دي المجموعة المناسبة ليا و لكل مواضيعي جدا جدا

**Ayman_52** · 06-06-2010 01:15 AM

صباح الفـل يامعلــم ...

بجد انا اول ماقريت التوبيك الفكره عاجبتنى جدا جدا جدا , الفكره فى حد ذاتها اكتر من رائعه و حضرتك عارضها بشكل موسع ومدروس , 100 100 يامعلــم

نتكلـم بقى الموضوع الاساسى ...

1- مجموعة خط الدفاع :
وهي المجموعة المسئولة عن الرد والدفاع عن بروتون في كافة المقارنات والمواضيع المشككة في إعتمادية بروتن او في احد مميزاتها على ان تكون المجموعة ملتزمة بالحيادية والإثباتات.

الموضوع دا مهم جدا وفعلا بقى الفتره الاخيره فى شويه عيال غريبه بتتكلم , ومحسسه نفسها انها بتفهم ... وبالتالى لازم يكون فى حد يصحح المعلومات الغلط اللى بقيت منتشره الفتره الاخيره

والصراحه ا/توت عنح امون اظن انه افضل حد للموضوع دا , ومهاب سعيد

--------------

2- مجموعة البحث والمعرفة
وهي المجموعة المسئولة عن البحث عن كل ما هو جديد ومفيد في كيفية استخدام السيارة والوصول لأفضل إداء وما هو الجديد في عالم قطع الغيار والتطويرات المتوقعة حلال الفترات المقبلة وما هو افضل الحلول للمشاكل المتعارف عليها .....الخ

ا/احمد فتحى , ا/احمد ابراهيم , ا/رامــى , ا/اسامه شحاته , ا/رفيق , ا/مصطفى صديق , د/محمد سليمان

------------------------------

3- مجموعة التعديلات والتطوير
وهي المجموعة المسئولة عن التعديلات الداخلية والخارجية والميكانيكية والكهربائية والفرش وكل ما هو قابل للتعديل لتحسين الشكل او الأداء.

ميدو عبد العال -اكيد ومين غيره-

------------------------------

4- مجموعة مراقبة الجودة
وهي المجموعة المسئولة عن مراقبة جودة المواضيع الموجودة في قسم بروتون ويكون لها الحق في الطلب بتغير محتوى الموضوع او تغيير عنوانة او حذف الموضوع من أساسة ( هذه المجموعة شبيها بمشرف القسم ولكن مننا نحن ) فهذه المجموعة هي المسئولة عن المحافظة على مستوى القسم

اظن انه ماينفعش اى حد يعرف يعمل الكلام , الكلام دا فى سلطة منسق المنتدى فقـط

----------------------------

8- مجموعة الإستقبال
وهي المجموعة المسئولة عن استقبال الاعضاء الجدد – والمسئولة عن الرد على كل أسألتهم المتوقعة والمتكررة وتعريفهم بالاعضاء الحاليين.

المجموعه دى مهمه جدا جدا , وعاوزه تفرغ وصبر عشان الاسئله بتتعاد كتير :)

انا طبعا الاسماء اللى قولتها عشان ليهم تجارب كتيره سابقه فى المجالات دى , ونجحوا وعلموا فيهــا ... والاهم من دا كله ان الفرد يكون حابب يساعد فعــلا

واتمنى لو حتى نعمل تجمع عالضيق قريب مع الناس اللى هتواقف على الانضمام للمجموعات دى , عشان الحوار هيفيد اكتر وهيلخص كتير عن الكتابه فى المنتدى

انا مؤيد بشده للأفكـــار دى

ياريت يكون فى تفاعل من بقية البروتونـاويــه

تحيـــــــــــــاتـــى ا/رفيق عالطرح اللى جدا مميز