الموضوع: توفرت الكاشات - هشتري كاوتش جديد - محتاج المشورة

الميشلان ممتاز والبريدجستون تستاهل عن تجربة , بجد كاوتش رائع ,,, كان عندي الكومهو وركبنا البريدجستون ,, اختلاف فظييييييع مع الفرامل والمطبات

المشاركة الأصلية كتبت بواسطة mohabsaeed

محمد باشا اخبارك ايه

ممكن يكون عندى وجهة نظر مختلفه شويه

الميشلان فعلا من احسن انواع الكواتش على مستوى العالم بس بيبقى غالى جدا بالمقارنه بالانواع الكورى ....

فى ماركات كاوتش محترمه جدا زى كونتيننتال , بيريللى , بريدجستون على نفس المستوى و برده اسعارهم غاليه .

الى اقصده ان الافضل انك تجيب كاوتش متوسط السعر كورى او تايلاندى و تغيره بدرى ... احسن بكتير من انك تجيب كاوتش غالى و تغيره متأخر ... غير ان فى بلدنا الكاوتش معرض فى اى لحظه لاقدر الله لانه يتقطع نتيجه لسيخ حديد ولا اى شى اخر .

لو عاوز تضغط النفقات و فى نفس الوقت تشترى كاوتش كويس ... الانواع الكورى او التايلندى كويسه ... حتلاقى الفرده فى حدود 280 .

لو مش فارق معاك و عاوز حاجه ممتازه .. يبقى شوف الميشلان و و بريدجستون ....


* و بلاش جودير تحت اى ظرف من الظروف .

مهاب حبيبي
انا عارف انك ناوي تجيب كومهو عشان ده اللي في العربية الاصلي، بس انا حاليا متوفر معايا 2000 بالضبط فانا ناوي اجيب حاجة تقعد شوية عشان قدام محتاج ادلع العربية شوية، يعني عداد rpm و فوجات و حاجات كده

بس و الله لو الفردة ب 280 يبقى الموضوع يستاهل يعني 800 فرق انا اعمل بيهم البدع
طب ممكن تقولي انواع و اسعار و الكاوش يستمر قد ايه و انا هصلي استخارة ان شاء الله

المشاركة الأصلية كتبت بواسطة k3a

خد بالك من حاجة مهمة جدا ان الكاوتش ايا كان نوعه قي منه v وفي من h وده بيفرق في السعر

لو انت غاوي تجري بسرعة بشكل دائم يبقى من الافضل تجيب الكاوتش اللى عليه حرف v و ده كاوتتش مخصوص عشان يتحمل السرعة العالية وده اللى بتنزل بيه البيرسونا و الجين 2

اما الكاوتش ذات الحرف h فده كاوتش يتحمل الحرارة العالية بس مش مناسب للسرعات العالية و الجري

حدود السرعة لل v و h هي ايه ... بصراحة معرفش اوي ... وكمان متسألش بتاع كاوتش في حاجة زي كده الافضل دور على النت

انا عربيتي البرسونا فردة كاوتش ادام اتخرمت من الجنب اتطريت اغيرها بفردتين ميشلان عشان يكون نفس النقشة وبصراحة ملقتش وقتها v امت جبت h وكمان دورت كتير على جود يير مقاس البيرسونا لكن لا جدوى

عموما الكاوتش رائع جدا بس لأي نوع تشتريه اهم من v , h انه ميكونش مخرون عن البائع و يكون تاريخ تصنيعه جديد

تحياتي,,,,,,,,,,,

بجد الف شكر ليك ،ده دليل السرعات

بس كويس جدا ان الجين 2 بتيجي بكاوتش يدي لغاية 240 - بسم الله ما شاء الله - ربنا يباركلك فيها
ان شاء الله ناوي اجيب حاجة H انا كده كده مش هعدي ال 200 حتى لو غيرت وش السلندر بواحد 16 صباب

المشاركة الأصلية كتبت بواسطة momopersona

تمام
خلى بالك احمد حلمى داس جامد اوى فى موضوع الكاوتش ده
وانا ركبت معاه بعد الميشلان وفعلا تحس بنعومه وفى نفس الوقت كان مدى ثبات حلو اوى على طريق السخنه
ربنا يوفق

حبيبي محمد

لازم اتحيز لرأي احمد الراجل معاه نفس الركوبة
انا لو هجيب غالي شوية بميل للبريدجستون عشان موضوع ضمان الاربع سنين و عمره الطويل (80000 كيلو و ست سنين صلاحية) و الميشلان محدش جابلي سيرة الضمان ده خالص بالنسبة للميشلان

المشاركة الأصلية كتبت بواسطة homos99

الميشلان ممتاز والبريدجستون تستاهل عن تجربة , بجد كاوتش رائع ,,, كان عندي الكومهو وركبنا البريدجستون ,, اختلاف فظييييييع مع الفرامل والمطبات

طب ليه في ناس قالتلي ان البريدجستون ناشف
مش احمد بس، كذا حد قاللي كده

شوية اسعار
185/60/14

بريدجستون ياباني 475
ميشلان اوروبي (؟) 450
فيديرال تايواني 250
مارشال تركي 260

هو توكيل بريدجستون فين بالضبط يا شباب ؟؟؟