| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 10 من 10

  1. #1

    AMA

    الصورة الرمزية AMA

    رقم العضوية : 35810

    تاريخ التسجيل : 17Mar2009

    المشاركات : 2,111

    النوع : ذكر

    الاقامة : أسكندرية

    السيارة: جزمة geox

    السيارة[2]: مقضيها بلطجة

    الحالة : AMA غير متواجد حالياً

    Talking هل يوجد فرق بين التقفيل و التجميع المصرى و بين التوك توك الهندى !!؟ - Facebook Twitter whatsapp انشر الموضوع فى :

    hasad">




    كوميديا التقفيل المصرى و التجميع المصرى فى كل انواع السيارات
    الخامات دايما تكون رديئة و كأنها زى مابيقولوا (فرز تالت) أو (بقايا المصانع)
    ساعات التابلوه كله بيتغير و متفهمش ليــــه !؟ طبعا بتكون الخامة للأسوء دايما
    و كأن العامل المصرى لما بيحط أيدة فى عربية مهما كانت ماركتها بتكون أقل بكتيـر من لقب (سيارة)
    دايما لما حد يكون فى الخليج و ييجى يركب عربية تجميع مصرى بيقول أن الخامات مختلفة تماما حتى لو الشكل واحد
    طبعا مراكز مابعد البيع دايما تعبانه و محدش بيعتمد عليها

    طيب نيجى للموضوع أصلا الأصلــــــــى عن التقفيل المصــــــــــرى
    الوكيل طبعا بيجيب شوية فوانيس على شوية جنوط على شوية كاوتش من بلدهم على كام حته صاج و دا بيتحط هنا و دا بيتحط هنا و طبعا العمال مش فاهمين أى حاجة غير حط دى هنا و حط دى هنا هتطلع عربية و ألف شكر على مجهودك معانا
    لما بتفرج على التليفزيون بلاقى المصانع مفيش بنى أدم بيتدخل حتى فى التركيبات و التقفيل بحس بالتطور اوى لما بتفرج و ألاقى الفانوس بيتركب بأنسان ألى و ماكينات شغالة و الرش جوة ماكينات و حاجات فظيعة شغالة
    عندنا تلاقى العامل فى الوكيل بيلزق الفانوس بأى طريقة و بيلزق الفرش بتاع الأبواب بأى طريقة مش مشكلة بالنسبه لة أصل أحنا بنفرح أوى بالزيرو فهتعدى مننا مش مشكلة عادى جدا
    طيب كله هيقول أنا بخرف طبعا و أية علاقة التوك توك بالتقفيل المصرى فى السيارات
    أحب أقولك يا جماعة أن التوك توك مش بيدخل بشكلة الطبيعى المعترف عليه وسط الشوارع
    دا بيدخل بنفس الطريقة إلى وكيل السيارات بيدخل سياراتة بيها يعنى الكاوتش لوحده و الصاج لوحده و الماتور لوحدة
    و فى الأخر خالص بييجى ميكانيكى من تحت بير السلم أو صامب التوك توك بيجيب كام مفك و بيركب التوك توك كله بـ150 جنيه
    أووووووووووبا يعنى التوك توك بيتركب من ميكانيكى أو من صاحب التوك توك كأنه بيركب عجله

    طبعا أنا مش بقول أن ممكن عربية واحد ميكانيكى يجمعها و يركبها أهم حاجة قواعد السلامه و الأمان فى السيارة
    لكن للأسف عندنا أى توكيل بيجمع سيارة معينه بينسى موضوع السلامه و الأمان لكنه بيجمع و خــــــــلاص
    زى مابيقولوا بيخليها تقف على رجلها فى المعرض و خلاص
    طيب أية لزمة خدمة مابعد البيع و ورش الصيانه و غيره و غيره بما أن البدايه مليئة بالفشل

    طيب دلوقتى أية الفرق بين الورش الكبيرة بتاعة السيارات دى و المهندسين دا لو كانوا مهندسين من أصله (ممكن يطلع دكتور) و بين الميكانيكى بتاع التوك توك بما أن الأتنين بيلزقوا و خلاص و دا بيقدم الهدف نفسه بدون أى حمايه و امان

    يتهئ لى الموضوع غريب شوية بالنسبه لناس كتير
    لكن إلى شافوا التقفيل المصرى أو إلى كانوا فى الخليج و شافوا أن فيه حاجات كتيرة متغيرة فى التقفيل المصرى أو الخليكى هيحس بكلامى دا غير إلى عارف أن فيه توكيلات كتيرة إلى شغالين فيهما ليس لهم علاقة بهندسه الميكانيكا نهائيــــــــا
    و هل فعلا يستاهلوا ياخدوا توكيلات من الشركة الأم !!!؟
    وهل فعلا يستاهلوا المكسب الكبير فى التقفيل و التجميع المصرى !!!؟ (لأنهم بيكسبوا أكتر عند التجميع)



    أرجو النقاش مع التجارب المؤسفه

    [img3]http://img46.imageshack.us/img46/4245/1867717134copy.jpg[/img3]
    تحت رعاية
    أقوى جروب لحمايه المستهلك من السرقة


  2. #2

    الصورة الرمزية nimo.mimo

    رقم العضوية : 70027

    تاريخ التسجيل : 08May2010

    المشاركات : 242

    النوع : ذكر

    الاقامة : Cairo

    السيارة: Lada

    السيارة[2]: Lada

    الحالة : nimo.mimo غير متواجد حالياً

    Cool -

    اقتباس المشاركة الأصلية كتبت بواسطة AMA مشاهدة المشاركة
    وهل فعلا يستاهلوا المكسب الكبير فى التقفيل و التجميع المصرى !!!؟ (لأنهم بيكسبوا أكتر عند التجميع)
    أرجو النقاش مع التجارب المؤسفه[/CENTER]
    أولا الفرق:
    التجميع: هو إرسال الشركة الأم للسيارة فى مرحلة التجميع النهائى لمصانع أخرى لإنهاء تجميع السيارة , الهدف الأساسى هو أن المصنع الأم يستطيع إنتاج سيارات "مفككة" أكبر بكثير من قدرته على "تجميعها" أى يستطيع فى إنتاج 100,000 سيارة سنويا و لكن يجمع 75,000 سيارة فقط لذلك يستعين بمصانع فى الدول التى له أسواق بها مثل "مصر" لتقوم المصانع بتجميع السيارة و عمل التعديلات الملائمة لطلب السوق و قدرات العميل , فمثلا يتم و ضع كراسى رخيصة بدلا من الكراسى المبالغ فى رفاهيتها مثل تلك التى بها تدفئة أوتدلك الظهر عند الجلوس عليها و هكذا

    التقفيل: هو أن تأتى السيارة من المصنع الأم كمكونات نهائية و يتم تركيبها هنا فى مصر و ذلك بهدف زيادة كمية الشحن المفكك فى مقابل الشحن الكامل الذى يأخذ حيزا أكبر , مثل إرسال السيارات فى أرفف دون الكورونة و الموتور و العفشة مما يتيح نقل أكبر كمية سيارات ممكنة.

    نيجى بأه للمهم هل تعلم أن الهيونداى و الكيا اللى هما أصلا إستيراد من الخارج تقفيل مصرى , همم يعنى إيه الكلام العجيب ده؟!! الكلام العجيب ده هوا ان العربية بدل ما تيجى مصر و تتجمع و تتقفل فيها بيبعتوا للشركة الأم و يطلبوا منها إحلال المواصفات الأوروبية و الخليجية الفاخرة و استبدالها بمكونات "رخيصة" تلائم المستهلك المصرى , هل تعلم أن الهيونداى i10 بمواصفات أوروبية لو جلست بداخله ستشعر و كأنها مرسيدس من الفخامة و وسائل الراحة التى بها أما التى تأتى مصر , هيونداى أو غيرها , كلها كدة بدل 12 إيرباج لا مقامك و مستواك و فلوسك كفايه عليها 8 إيرباج بس لو مررسيدس و 4 لو عايز تتوهم إنك شارى عربية أصلا.

    هذا جانب , الجانب الآخر الذى أدى لانهيار الصناعة المصرية هو إصرار الأغنياء المصريين , مثلك , على شراء سيارات استيراد دون تشجيع للصناعة المصرية , حا تقول لا أنا بشجع طوول النهار , حا قولك لا التشجيع انك تشترى و تدفع فى المحلى زى المستورد لغاية لما يحققوا تراكم "مالى" يمكن الصناعة المصرية من التطوير و الإعتماد على نفسها إلا أن المشكلة هو انك لا تشجع من جهة و أنا متأكد أن الذين أدارو المصانع المصرية هم أناس لهم نفس توجهاتك التى تحط من قدر المصرى فى مقابل الإجنبى.

    فيا أخى العزيز رجاء بادر بالهجرة خارج مصر و اتركها للمصريين الرجال الذين يحاولو الفحت فى الصخر لعمل شئ ذو قيمة بدلا من السخرية و الإستهزاء الذى لا داعى له.

    على فكرة ................ فى اليابان و كوريا و الصين عملوا اللى بقولك عليه ده عشان كده فلحوا.

    برجاء عدم التلميح بما قد يؤدي لمشاحنات والوقوع تحت طائله عقوبات قوانين المنتدي
    مشرف عام 4


  3. #3

    الصورة الرمزية elewey

    رقم العضوية : 64787

    تاريخ التسجيل : 11Mar2010

    المشاركات : 868

    النوع : ذكر

    الاقامة : alexandria

    السيارة: ربنا يكرم

    السيارة[2]: opel corsa

    دراجة بخارية: no

    الحالة : elewey غير متواجد حالياً

    افتراضي -

    يا استاذ mmmmmmmm الموضوع مفهوش اى استهازء خالص و انتا نفسك قلت العربية الهونداى المواصفات الاوربيه تختلف عن اللى بتنزل مصر خالص من حيث الخامات و كدة طيب ما تكمل بقى موضوعك وتقول ان اللى فى مصر كمان سعرها اغلى بمراحل من الاوربيه يعنى بشترى خامه تعبانه و بدفع سعر اعلى و دة عشان الجمارك و الضرايب و البلاوى اللى عندنا فى مصر و اللى فى الاخر طبعآ محدش بيستفيد بيها بساغ يبقى اشجع ليه بقى الصناعة المصرى و انا عارف انى بتسرق ؟؟؟؟؟؟؟؟؟؟؟؟؟


  4. #4

    الصورة الرمزية nimo.mimo

    رقم العضوية : 70027

    تاريخ التسجيل : 08May2010

    المشاركات : 242

    النوع : ذكر

    الاقامة : Cairo

    السيارة: Lada

    السيارة[2]: Lada

    الحالة : nimo.mimo غير متواجد حالياً

    Unhappy -

    اقتباس المشاركة الأصلية كتبت بواسطة elewey مشاهدة المشاركة
    يا استاذ mmmmmmmm الموضوع مفهوش اى استهازء خالص و انتا نفسك قلت العربية الهونداى المواصفات الاوربيه تختلف عن اللى بتنزل مصر خالص من حيث الخامات و كدة طيب ما تكمل بقى موضوعك وتقول ان اللى فى مصر كمان سعرها اغلى بمراحل من الاوربيه يعنى بشترى خامه تعبانه و بدفع سعر اعلى و دة عشان الجمارك و الضرايب و البلاوى اللى عندنا فى مصر و اللى فى الاخر طبعآ محدش بيستفيد بيها بساغ يبقى اشجع ليه بقى الصناعة المصرى و انا عارف انى بتسرق ؟؟؟؟؟؟؟؟؟؟؟؟؟
    يا أخى أنا بازعل إن إحنا بنتريق على نفسنا , يا أخى كلنا فلاحين غلابة و بنحاول نعمل حاجة كويسة بس نعمل إيه ما أن قلت
    " إن المشكلة هو انك لا تشجع من جهة و أنا متأكد أن الذين أدارو المصانع المصرية هم أناس لهم نفس توجهاتك التى تحط من قدر المصرى فى مقابل الإجنبى "

    أعلم أن الضغوط كبيرة و لا داعى لها بس ما نلومش الفلاح اللى مش قادر يتعلم و بيحاول يعمل حاجة نقعد نتريق عليه بسبب فقرة و انخفاض مستوى تعليمه لمجرد إن ربنا سهلهالك شوية و معاك تشترى عربيات غالية , مش معنى كدة إنك تهين المكافح لأن حفنة ممن لا يعرفون كيفية إدارة التصنيع و الإقتصاد هم وحدهم الذين تسببوا فى فشله حتى أصبح العامل الصينى و الهندى الآن فى مصر ذوى مكانة أعلى منهم و مرتاحين علميا و ماديا و أسريا أكثر منهم , و هؤلاء يتنعمون بالأوروبى و الأميركى و اليابانى على حساب المصرى الذى لا يجد فرصة تدريب فى أوروبا لأن "الأسهل" بدل ما نستثمر فيه , لأ , نستسهل و نصرف من اللحم الحى و ناخد قروض و عمولات و مكافآت لأننا أذكياء و وفرنا بدل ما نصرف مليون على المصرى صرفنا 20 مليون على غير المصر , فسكرن لنا , إننا نستنزف من ثروات الأجيال القادمة التى نضيع أموالهم الآن و سنتركهم لا حقا يعيشون الفقر و الذل تماما مثلما فعل آبائنا و أجدادنا معنا و تركونا أذلاء للصينيون و الهنود و الروس و حسبنا الله و نعم الوكيل فى من دمرونا و ما زالزا مستمرين فى التدمير.

    عايز تهزأ إهزاء ممن تسببوا فى الأزمة لا ممن ياحولوا حلها و بناء ما دمره الآخرون.


  5. #5

    الصورة الرمزية M.Hosni

    رقم العضوية : 9209

    تاريخ التسجيل : 19Apr2008

    المشاركات : 474

    النوع : ذكر

    الاقامة : Mokattam

    السيارة: ربنا يرزق

    السيارة[2]: Kia Cerato 2010

    دراجة بخارية: لا يوجد

    الحالة : M.Hosni غير متواجد حالياً

    افتراضي -

    طيب ماهو مرسيدس و بي إم و الشيروكي بيتجمعوا هنا في مصر
    هل العربيات دي كمات تقفيلها وحش و سيئ و التوكتوك أحسن منها ؟؟؟؟
    و هل فعلا في فرق بينها و بين العربيات اللي زيها المستوردة بالكامل من برا ؟؟؟
    كمان في حاجة مهمة , في عربيات كتير بتيجي مصر تقفيل مكسيكي و جنوب أفريقي و برازيلي , هل الدول دي متقدمة اوي عن مصر او الصناعة فيها متطورة أكتر بكتير من عندنا؟؟؟
    مش عارف ليه في ناس كتير بتحب تهاجم أي حاجة مصرية , أكيد تشجيع الصناعات المصرية هو اللي هيساعد على التطوير و التحسين مش الهجوم.

    [OVERLINE]غيرت موضع مرقدي ليلا ففارقني السكون[/OVERLINE]
    فبربك أول ليلة في القبر كيف تكون

    hamadahosniسابقاُ


  6. #6

    AMA

    الصورة الرمزية AMA

    رقم العضوية : 35810

    تاريخ التسجيل : 17Mar2009

    المشاركات : 2,111

    النوع : ذكر

    الاقامة : أسكندرية

    السيارة: جزمة geox

    السيارة[2]: مقضيها بلطجة

    الحالة : AMA غير متواجد حالياً

    افتراضي -

    أولا أحب أوضحلكم يعنى أنا لحد دلوقتى مش معايا عربية الموضوع هدفه عدم زيادة السعر بسبب حجه التقفيل لأنها كمان بتيجى بسعر أقل قبل تجميعها يعنى المكسب بيبقى دوبل زى مابيقولوا تقدروا تقولولى الفلوس دى بتروح فين ؟ يبقى خيالكم واسع أوى أوى أوى لو قولتولى بتروح فى الصناعات الوطنيه لأن معندناش صناعة وطنيه فى السيارات فأكيد هتروح فى السرقة
    و كمان أنا مش صاحب توكيل عشان أعمل الموضوع أضرب توكيل تانى بيه و يا ريت الأحترام يبقى أكتر من كدة و أقروا الموضوع كويس





    اقتباس المشاركة الأصلية كتبت بواسطة mnmmnmmnmmnm مشاهدة المشاركة
    فيا أخى العزيز رجاء بادر بالهجرة خارج مصر و اتركها للمصريين الرجال الذين يحاولو الفحت فى الصخر لعمل شئ ذو قيمة بدلا من السخرية و الإستهزاء الذى لا داعى له.

    على فكرة "........*" فى اليابان و كوريا و الصين عملوا اللى بقولك عليه ده عشان كده فلحوا.
    للرد على كل كلامك فى ملخص سريع (بلاش تناقض نفسك)(من شوية الهيونداى و الكيا كانت برا غير تجميع مصر) و كمان نقطة تانيه مين قال أننا بستهزء بالصناعات المصرية أنا قعدت فترة طويلة جدا لسانى بيدلدل على الفيس بوك و جمعت ألاف من الناس عشان المصانع الحربيه فى مصر تعمل سيارة محليه 100% يبقى أزاى بستهزء بالصناعة المصريه أنا بتكلم على أن التوكيلات عندنا بتستعبط و دا الظاهر مع كل الناس لكن أنت مختلف تماما و كلمة الأغنياء مثلى و أشتروا عربيات من برة على فكرة أنا لحد دلوقتى معنديش عربية و مقاطع تماما شراء أى سيارة مصنعة بأيد أجانب مهما كان تجميعها أو تقفيلها مصرى و لو هشترى هشترى مستعمل و لو هجيب جديد يبقى صناعة بلدى تستاهل (فى حاله إنها هتدينى نفس مستوى حتى السيارة المستعمله) لكن تكون صناعة 100% تحت أشراف مسؤلية محترمة لكن مش سرقة علنى و مفيش مراقب و لو هتتكلم عن الصين و هكـذا الناس دى أتطورت عننا فى الصناعات لأنهم رفضوا السرقة و النصب يبقى أحنا نستسلم و عايزين حالنا يتغير للأفضل !!؟
    موضوع الرجاله لو حضرتك شايف أننا مش منهم فده من ذوقك عادى جدا دى وجهة نظرك و أنا مطلبتش رأيك فيها و نصيحه منى عشان تعرف تتعامل مع المحترمين يا ريت طريقتك تبقى أفضل من كدة لأنى عمرى ماهغلط فيك لأنى بحترم كل عضو قبل الإدارة فى منتدى نايل موتورز

    اقتباس المشاركة الأصلية كتبت بواسطة elewey مشاهدة المشاركة
    يا استاذ mmmmmmmm الموضوع مفهوش اى استهازء خالص و انتا نفسك قلت العربية الهونداى المواصفات الاوربيه تختلف عن اللى بتنزل مصر خالص من حيث الخامات و كدة طيب ما تكمل بقى موضوعك وتقول ان اللى فى مصر كمان سعرها اغلى بمراحل من الاوربيه يعنى بشترى خامه تعبانه و بدفع سعر اعلى و دة عشان الجمارك و الضرايب و البلاوى اللى عندنا فى مصر و اللى فى الاخر طبعآ محدش بيستفيد بيها بساغ يبقى اشجع ليه بقى الصناعة المصرى و انا عارف انى بتسرق ؟؟؟؟؟؟؟؟؟؟؟؟؟
    ألف شكر على ردك وبأمانه رد فى محله تماما لكن مش عايزين ندى للرد بتاعة أهتمام أكتر من كدة هوا له وجهة نظره و الناس كلها ليها وجهات نظر و الحياة مش هتقف عليه لأنه أنهزامى و مستسلم للأمر الواقع خلاص يبقى ازاى عايز يشوف التطوير و النجاح بعينه و هوا بيقول للسرقة أهلا وسهلا
    اقتباس المشاركة الأصلية كتبت بواسطة hamadahosni مشاهدة المشاركة
    طيب ماهو مرسيدس و بي إم و الشيروكي بيتجمعوا هنا في مصر
    هل العربيات دي كمات تقفيلها وحش و سيئ و التوكتوك أحسن منها ؟؟؟؟
    و هل فعلا في فرق بينها و بين العربيات اللي زيها المستوردة بالكامل من برا ؟؟؟
    كمان في حاجة مهمة , في عربيات كتير بتيجي مصر تقفيل مكسيكي و جنوب أفريقي و برازيلي , هل الدول دي متقدمة اوي عن مصر او الصناعة فيها متطورة أكتر بكتير من عندنا؟؟؟
    مش عارف ليه في ناس كتير بتحب تهاجم أي حاجة مصرية , أكيد تشجيع الصناعات المصرية هو اللي هيساعد على التطوير و التحسين مش الهجوم.
    يا باشمهندس أقرى الموضوع الأول انا يتهئ لى كله بيرد على أساس العنوان ولا أية مش فاهم
    طبعا أنا مش بقول أن ممكن عربية واحد ميكانيكى يجمعها و يركبها أهم حاجة قواعد السلامه و الأمان فى السيارة
    يبقى أزاى بقول أن التوك توك أفضل ؟
    أنا بنتقد التقفيل المصرى السئ و الغير أدمى و إلى بيتغير فيه التابلوه والخامات (مرسيدس و بى أم إلى حضرتك بتتكلم عليهم بيبقى فيه مشرفين من بره على الحاجة دى يعنى مينفعش يتلعب فيها لأن سمعة المصنع الأم أو الشركة الأم مكسب تانى أكبر من الماديات) من النهاية أى واحد سافر بره و جمع كام مليون ممكن يفتح توكيل (مين السعودى دة إلى ماسك ليفان فى مصر؟أنا ماليش دعوة بيه فى بلده لكن أنا بقول فى مصر لأنه عارف أننا مش بنركز فى كدة يبقى بقيت أنا عامل مشكلة عشان بفهم الناس أن فيه سرقة و كمان من السعودى دة فيه شكاوى منه بالألاف رغم أن ليفان فى بلاد كتيرة تعتبر من السيارات الكويسة زى أسبرنزا لكن الخامات السيئة إلى أتجابت و أتحطيت دى تقدر تقولى فرق المبلغ مابين الخامات النضيفة و السيئة كمان راح فين؟؟) و مع ذلك البيع بسعر مضاعف عن أى دولة تانيه يبقى ازاى أنا بساعد على سرقة الناس
    و مين قال أننا مش عايز منتج وطنى 100% أقرى الموضوع كويس و أقرى الردود هتفهم و انا مقولتش أن التوك توك أحسن أنا أنتقدت طريقة معينه فى زيادة المكسب و هيا كلمة التقفيل



    و فى النهايه أحب أقول للى عايز يرد يقرى الموضوع كويس لأنه له عقليه معينه ممكن تفهمه
    الهدف من الموضوع حمايه المستهلك من دفع ألاف و ملايين على الفاضى و فى الأخــــــــر
    نوصل لصناعة وطنيه مقبولة على الأقل تبقى زى أى سيارة مستعمله و بسعر معقول مش عايزين نطلع فى العالى أوى و هتيجى واحدة واحدة للأفضل مع الوقت و دا إلى واضح من مواضيع كتير عاملها

    [img3]http://img46.imageshack.us/img46/4245/1867717134copy.jpg[/img3]
    تحت رعاية
    أقوى جروب لحمايه المستهلك من السرقة


  7. #7

    الصورة الرمزية Dr.SherifMansy

    رقم العضوية : 828

    تاريخ التسجيل : 31May2007

    المشاركات : 1,010

    النوع : ذكر

    الاقامة : Agouza

    السيارة: None

    السيارة[2]: Lancer 1.6 AT FO 2008

    دراجة بخارية: None

    الحالة : Dr.SherifMansy غير متواجد حالياً

    افتراضي -

    اقتباس المشاركة الأصلية كتبت بواسطة mnmmnmmnmmnm مشاهدة المشاركة
    يا أخى أنا بازعل إن إحنا بنتريق على نفسنا , يا أخى كلنا فلاحين غلابة و بنحاول نعمل حاجة كويسة بس نعمل إيه ما أن قلت
    " إن المشكلة هو انك لا تشجع من جهة و أنا متأكد أن الذين أدارو المصانع المصرية هم أناس لهم نفس توجهاتك التى تحط من قدر المصرى فى مقابل الإجنبى "

    أعلم أن الضغوط كبيرة و لا داعى لها بس ما نلومش الفلاح اللى مش قادر يتعلم و بيحاول يعمل حاجة نقعد نتريق عليه بسبب فقرة و انخفاض مستوى تعليمه لمجرد إن ربنا سهلهالك شوية و معاك تشترى عربيات غالية , مش معنى كدة إنك تهين المكافح لأن حفنة ممن لا يعرفون كيفية إدارة التصنيع و الإقتصاد هم وحدهم الذين تسببوا فى فشله حتى أصبح العامل الصينى و الهندى الآن فى مصر ذوى مكانة أعلى منهم و مرتاحين علميا و ماديا و أسريا أكثر منهم , و هؤلاء يتنعمون بالأوروبى و الأميركى و اليابانى على حساب المصرى الذى لا يجد فرصة تدريب فى أوروبا لأن "الأسهل" بدل ما نستثمر فيه , لأ , نستسهل و نصرف من اللحم الحى و ناخد قروض و عمولات و مكافآت لأننا أذكياء و وفرنا بدل ما نصرف مليون على المصرى صرفنا 20 مليون على غير المصر , فسكرن لنا , إننا نستنزف من ثروات الأجيال القادمة التى نضيع أموالهم الآن و سنتركهم لا حقا يعيشون الفقر و الذل تماما مثلما فعل آبائنا و أجدادنا معنا و تركونا أذلاء للصينيون و الهنود و الروس و حسبنا الله و نعم الوكيل فى من دمرونا و ما زالزا مستمرين فى التدمير.

    عايز تهزأ إهزاء ممن تسببوا فى الأزمة لا ممن ياحولوا حلها و بناء ما دمره الآخرون.
    اقتباس المشاركة الأصلية كتبت بواسطة hamadahosni مشاهدة المشاركة
    طيب ماهو مرسيدس و بي إم و الشيروكي بيتجمعوا هنا في مصر
    هل العربيات دي كمات تقفيلها وحش و سيئ و التوكتوك أحسن منها ؟؟؟؟
    و هل فعلا في فرق بينها و بين العربيات اللي زيها المستوردة بالكامل من برا ؟؟؟
    كمان في حاجة مهمة , في عربيات كتير بتيجي مصر تقفيل مكسيكي و جنوب أفريقي و برازيلي , هل الدول دي متقدمة اوي عن مصر او الصناعة فيها متطورة أكتر بكتير من عندنا؟؟؟
    مش عارف ليه في ناس كتير بتحب تهاجم أي حاجة مصرية , أكيد تشجيع الصناعات المصرية هو اللي هيساعد على التطوير و التحسين مش الهجوم.

    ممكن يا جماعة وقفة بعيد عن الكلام الحماسى و الشعارات اللىبنقول فيها مليون سنة و مش بنفكر فى معناها..

    أولا انا عارف ان كلامى ممكن يكون سبب هجوم على لكن دى وجهة نظرى الشخصية و باعرضها عليكم.

    الأخوة اللى بيدافعوا عن الصناعة المصرية .. ماحدش ضد صناعة بلدنا ... باكرر ماحدش ضد صناعة بلدنا ... ياريت نعمل كل حاجة من الأبرة للصاروخ..

    و لكن اسمحوا لى اسوق بعض النقاط و هى دى اللى بتخلينا كمستهلكين بنكون ساخطين على صناعتنا لما بنقابل النقط دى..


    ليه زى ما حضراتكم قلتوا بنلاقى فرق بين تقفيل المصرى و التقفيل الأجنبى ؟؟؟ الكل اتكلم عن الحكاية دى ..لأن عندهم مراقبة جودة ما بترحمش و احنا هنا ساعات بنقول "يا عم قول يا باسط"..

    لو حضراتكم مش مصدقين فرق التقفيل شوفوا السلعة اللى بتنزل لينا فى بلدنا ، و شوفوا السلعة اللى بنصدرها ... مش هاتكلم عن اللى بنستوردها ، لأ .. اللى بنصدرها ...

    ليه بنصدر انتاج ممتاز 100/100 مش 10/10 ، ومانخليش انتاج سوقنا المحلى زيه ؟؟؟

    لأن عارفين ان مراقبة الجودة بره لو ماخدتش الحاجة كده مش هايستوردوا مننا و لكن فى سوقنا كله بيمشى و بيتباع..

    ليه تبص تلاقى العربية تطلع من المصنع محتاجة تربيط عفشة (والله العظيم حصلت معايا فى اول عربية جبتها 1987 نصر 128 و كتير من اللى اعرفهم جابوها كمان عملوا كده) ... هل العامل اللى بيربط المسامير هايخس لو ربطها كويس ؟؟؟ أكيد لأ و لكن المشكلة ان كله ماشى فيتعب نفسه ليه ؟؟

    ليه لما بنجمع العربية سعرها مش بيرخص ؟؟؟ ليه بيفضل زى الأجنبى و احيانا اغلى مع ان المكونات بقى فيها 45% محلى ... يعنى اقل فى التكلفة ... يبقى ليه ما انزلش سعرها و افتح سوق اكبر ... ليه جشع الوكيل اللى عايز يلهط اى وفر فى السعر على انه ربح شخصى له..

    ليه حضرتك بتتكلم و تقول على العمال فلاحين و نسيبهم يتعلموا ... عمالنا احسن عمال و مش جهلة و عارفين صنعتهم تمام ... و هم هم نفس العمال اللى لما بيسافروا بره بينضرب بيهم المثل فى الكفاءة ... عارف المشكلة فعلا ايه حضرتك ؟؟؟ غياب الضمير ... هو ده اللى بيخلى العامل يعمل الحاجة اى كلام و بيخلى المراقب عليه يعديها زى ما تكون ... و طول ما احنا ماشيين بمبدا "احمدوا ربنا ان عندنا صناعة" فلا يمكن هانتقدم..

    لما حضرتك تراجع المنتدى هاتلاقى ان فيه شكاوى من المرسيدس المتجمعة هنا .. و علشان نلغى عقدة الخواجة من تفكيرنا هاتلاقى برضه شكاوى من تقفيل عربيات زى البروتون الساجا (للمثل فقط و ليس الحصر و بدون قصد اى اساءة) و دى تقفيلها و تصنيعها بالكامل مش مصرى..الناس بتشتكى من الحاجة اللى فيها مشاكل ... مش المصرى و خلاص ... طيب ما الناس بتشكر فى النيسان الصنى ...و انا اختى لسه جايباها الأسبوع اللى فات بعد نصيحتى ليها بكده لما شفت الأعضاء اللى جابوها شكروا فيها ازاى .. الحاجة الكويسة بتفرض نفسها .. و العيوب البسيطة فى التقفيل بنفوتها مادام الحاجة كويسة فعلا ... الناس مش بتتلكك ...

    الواحد بيصعب عليه يبقى عندنا احسن عمال و خير بلدنا كتير ، و تطلع الحاجة جودتها رديئة و سعرها مبالغ فيه جدا و ده لغياب الضمير زى ما قلت..

    هل المطلوب ان الواحد يشترى حاجة جودتها 60% بسعر حاجة جودتها 100% و اقول ده لصالح الصناعة الوطنية ؟؟ و هل ده هايحسنها ... بالعكس ... طول ما الصنايعى بيعمل الحاجة اى كلام و بتتباع زى الفل ، يبقى مش هايتغير ... لكن لو حاجتة الرديئة فضلت عنده هايحسنها علشان يبيع ، او انه يلاقى اللى بيجبره يعمل الحاجة كويسة و ده اسمه مراقبة الجودة و حماية المستهلك ..

    ياريت اسواقنا المحلية يكون فيها نفس جودة السلع اللى بنصدرها زى ما قلت ... ساعتها صناعتنا تبقى a1

    دى وجهت نظرى ... ارجو انى اكون قدرت اوصلها صح ..

    و تحياتى

    Dr. Sherif Mansy
    أى سؤال أو استشارة فى طب العيون

    الصحة تاج على رؤوس الأصحاء
    لا يراه إلا المرضى


  8. #8

    الصورة الرمزية nimo.mimo

    رقم العضوية : 70027

    تاريخ التسجيل : 08May2010

    المشاركات : 242

    النوع : ذكر

    الاقامة : Cairo

    السيارة: Lada

    السيارة[2]: Lada

    الحالة : nimo.mimo غير متواجد حالياً

    افتراضي -

    اقتباس المشاركة الأصلية كتبت بواسطة dr.sherifmansy مشاهدة المشاركة

    1- لأن عارفين ان مراقبة الجودة بره لو ماخدتش الحاجة كده مش هايستوردوا مننا و لكن فى سوقنا كله بيمشى و بيتباع..

    2- ليه حضرتك بتتكلم و تقول على العمال فلاحين و نسيبهم يتعلموا ... عمالنا احسن عمال و مش جهلة و عارفين صنعتهم تمام.

    3-و هم هم نفس العمال اللى لما بيسافروا بره بينضرب بيهم المثل فى الكفاءة

    4-هل العامل اللى بيربط المسامير هايخس لو ربطها كويس ؟؟؟ أكيد لأ و لكن المشكلة ان كله ماشى فيتعب نفسه ليه ؟؟
    الرد على التقاط:
    1- الأساس حضرتك إنك تعلم العمال كيفية التصنيع و الإتقان ثم تأتى مراقبة الجودة لتأكيد الجودة و ليس لكشف العيوب و إلا مراقبة الجودة ستتحول إلى إدارة رقابة على الإنتاج و ليس رقابة الجودة

    2- موضوع الفلاحين ده مووش شتيمة أنا فلاح , الفلاح ده ابن مصر لأن أنا لو مش فلاح حبقى أجنبى وافد من خارج مصر , لذلك مصر كلها فلاحين من أكبر واحد لأصغر واحد أنا أهلى فلاحين من طنطا , مش شتيمة و لكن ده تعبير عن الغلب الذى نعيشة كى نتعلم لأن أحدا لا يهتم بتعليمنا أو الإستثمار فينا.

    3- و ذلك لأنه تم الإستثمار فيه و تعليمه و بالتالى آتى ثماره أما مصر فلا نعلم العامل إلا الفتات و هو يبذل المجهود ليتعلم بالملاحظة و التجربة و الخطأ و الممارسة و فى الآخر نهينه و نطرده و نحصل على عامل صينى و هندى إستثمر أهله فيه اللازم ليكون قادر على طرد المصرى و اسأل على وضع المصريين الآن فى الخليج.

    4- أكيد لأ بس صدقنى المهندس هوا السبب و من وراه الإدارة ما علمتوش الإتقان و إزاى يراجع نفسه و يتأكد من الجوده إن الجودة و الإتقان تأتى بالتعلم و التدريب و ليس بالخبرة.

    أنا أؤكد إنى لا أحاول إهانة أحد أو إحراج أحد و لكن كل الفكرة لا تهزأو من من تسببتم فى مصيبته و جهله و هذه حقيقة.
    كم منا يرى العامل يسف التراب و يهان و يهدد و يرفد و يقطع عيشه

    كم من مواطن مصرى , عميل أو مهندس أو مشرف أو مدير , أهان عامل و أوضح له أنه لا قيمة له و أنه لن يترك هذا المكان قبل أن يتم رفد هذا العامل بلارجعة و إذلاله إذلالا لم يذله بشر من قبل و يالسعادة عندما نرى الحسرة فى عيون العامل المضطهد الذى تم إذلاله على أيدى الرجال العظماء لأنه ظن لوهله أنه إنسان.

    فلا تنتظروا منه ما لم تعطوه له.


  9. #9

    الصورة الرمزية Dr.SherifMansy

    رقم العضوية : 828

    تاريخ التسجيل : 31May2007

    المشاركات : 1,010

    النوع : ذكر

    الاقامة : Agouza

    السيارة: None

    السيارة[2]: Lancer 1.6 AT FO 2008

    دراجة بخارية: None

    الحالة : Dr.SherifMansy غير متواجد حالياً

    افتراضي -

    اقتباس المشاركة الأصلية كتبت بواسطة mnmmnmmnmmnm مشاهدة المشاركة
    الرد على التقاط:
    1- الأساس حضرتك إنك تعلم العمال كيفية التصنيع و الإتقان ثم تأتى مراقبة الجودة لتأكيد الجودة و ليس لكشف العيوب و إلا مراقبة الجودة ستتحول إلى إدارة رقابة على الإنتاج و ليس رقابة الجودة
    أولا يا اخى العزيز الرقابة على الأنتاج مطلوبة ثم مراقبة الجودة ، و لكن اسمح لى بسؤال ... ليه حضرتك مفترض ان العمال ما حدش علمهم حاجة ؟؟؟ عندنا مدارس صناعية و مهنية و هى دى اللى بتخرج عمال المصانع ... ده غير ان فيه دورات تدريب لما بيكون فيه حاجة جديدة..

    ليه نفس العامل لما بيسافر بلاد بره (أى مكان بدون تحديد) بيبقى شغله تمام التمام مع ان ماحدش هايدى له دورة لما بيسافر ... بيطلبوا شروط و خبرة و مهارة و بتكون متوفرة فى العامل بتاعنا و بالتالى بيسافر ... ليه هنا مش عايز يشتغل بضمير و بره بيدى كل ما عنده ؟؟؟ اكيد دى مش مسألة تدريب ... لأنه مابياخدش هنا دورات قبل ما يسافر ...

    طب ليه نفس العامل اللى بينتج بره لما بيرجع هنا بتلاقى انتاحه رجع اى كلام زى قبل ما يسافر ؟؟؟ مع ان شغله هنا و بره واحد ... هل بينسى التدريب لما يرجع بلده ؟؟


    اقتباس المشاركة الأصلية كتبت بواسطة mnmmnmmnmmnm مشاهدة المشاركة
    2- موضوع الفلاحين ده مووش شتيمة أنا فلاح , الفلاح ده ابن مصر لأن أنا لو مش فلاح حبقى أجنبى وافد من خارج مصر , لذلك مصر كلها فلاحين من أكبر واحد لأصغر واحد أنا أهلى فلاحين من طنطا , مش شتيمة و لكن ده تعبير عن الغلب الذى نعيشة كى نتعلم لأن أحدا لا يهتم بتعليمنا أو الإستثمار فينا.
    مش موافق حضرتك مع كامل احترامى لسيادتك ... الفلاحين هما اساس مصر تمام و لكن التعليم موجود و البعثات و السفر للتعليم فى الخارج موجود ... مش هاقول طه حسين و مجدى يقوب علشان دول زمان ، و لكن هاضرب مثل حديث بالدكتور / أحمد زويل ... ما هو سافر بعثاته على حساب مصر ... يبقى ازاى مافيش تعليم و استثمار لينا احنا الفلاحين ؟؟

    يا عزيزى احنا عايشين فى غلب و شقاء و تعب و ده نتيجة الظروف الأقتصادية و ايقاع الحياة و لكن مش معنى كده ان الواحد مُهمل (بضم الميم الأولى) .. امال الدكاترة و الصيادلة و المهندسين و المحامين و غيرهم و غيرهم جم منين ... و لا دول جابوهم من الخارح يتعلموا و سابوا الفلاحين فى الغيطان ... ما هم دول الفلاحين المغلوبين اللى بقوا اساتذة جامعة و مهندسين و هل بقى ساعتها اتنمردوا على اصلهم و بقوا وحشين .. زى نقطة 4 اللى حضرتك بتلوم فيها المهندس ؟؟


    اقتباس المشاركة الأصلية كتبت بواسطة mnmmnmmnmmnm مشاهدة المشاركة
    3- و ذلك لأنه تم الإستثمار فيه و تعليمه و بالتالى آتى ثماره أما مصر فلا نعلم العامل إلا الفتات و هو يبذل المجهود ليتعلم بالملاحظة و التجربة و الخطأ و الممارسة و فى الآخر نهينه و نطرده و نحصل على عامل صينى و هندى إستثمر أهله فيه اللازم ليكون قادر على طرد المصرى و اسأل على وضع المصريين الآن فى الخليج.
    اسمح لى انا هنا كمان مش موافق .. بقى احنا اللى عندنا المدارس و المعاهد الصناعية و الفنية و المهنية اقل من الهند و الفلبين اللى التعليم عندهم بفلوس و احنا مجانى ؟؟

    ده احنا هنا عارفين الكومبيوتر قبل الهند بسنين ، و كليات الهندسة عندنا بتدرسه و بقى فيه كليان حاسب آلى و معلومات من سنين ، و برغم كده الهند سبقتنا فى سوق البرمجيات ... الناس هناك بتشتغل علشان تنتج ، و لكن هنا المهم المرتب يطلع آخر الشهر و مش مهم انا عملت او انتجت ايه..

    مشكلتنا الأساسية فى غياب الضمير ، و هو ده للأسف اللى خلاهم فى الخليج يفضلوا العامل الفلبينى و الباكستانى عن عمالنا ، و ان كان فيه وظائف تعتبر مازالت للعمال المصريين.

    المشكلة دى بتحصل لأن فيه بعض العمال المصريين لما بيسافروا و يقعدوا شوية و يطمئنوا انهم قاعدين بترجع ريمة لعادتها القديمة و بيبتدوا يشتغلوا أى كلام ، و لأن هناك الوضع ده غير مقبول يتم بالتالى الأستغناء عنهم ، و لما تكرر هذا التصرف من بعض العمال في حين انه تقريبا غير موجود عند الفلبينيين و الباكستانيين و الهنود و غيرهم ، اتجهوا لتوظيفهم اكتر.

    و هو ده نفس السبب ان العامل الهندى و الباكستانى و غيرهم بينتجوا فى بلدهم ... هو عنده شغل بيأديه طول فترة العمل ، و عنده راحة غداء و بيرجع لشغله ، لكن هنا تلاقى العامل كل شوية رايح يشرب شاى فى قهوة فى سيجارتين فى ساندوتش ... و كله عطلة و ضياع للوقت و مافيش انتاج ... و دى للأسف سلوكيات موجودة و مالهاش دعوة بالتدريب او التجربة و الخطأ ، و لكن سببها غياب الضمير ..


    اقتباس المشاركة الأصلية كتبت بواسطة mnmmnmmnmmnm مشاهدة المشاركة
    4- أكيد لأ بس صدقنى المهندس هوا السبب و من وراه الإدارة ما علمتوش الإتقان و إزاى يراجع نفسه و يتأكد من الجوده إن الجودة و الإتقان تأتى بالتعلم و التدريب و ليس بالخبرة.
    مش ده نفس المهندس اللى هو من الفلاحين و دخل الكلية و اتخرج و بقى مسئول عن العمال الل هم فلاحين برضه ؟؟ هل نسى اصله ؟؟؟ هل معنى كده ان كل المهندسين بينسوا اصلهم لما بيتخرجوا ؟؟؟

    طب ليه الأسطى السباك و لا الميكانيكى و لا الكهربائى هو كمان بيكلفت الزبون و يعمل شغل اى كلام لما يحس انه زبون مش فاهم ؟؟ و ليه نفس الأسطى لما بيكون زبون معرفة او مهم او واصل او متوصى عليه تمام بيعمل الشغل تمام التمام و 10/10 ؟؟؟ هل هنا تجربة و خطأ و قلة تدريب ؟؟؟ ولا غياب ضمير ؟؟؟

    و اسمح لى بسؤال تانى : ليه العامل فى مركز الصيانة مثلا بيعمل اصلاحات اى كلام .. فى حين انه لما بيروح ورشته بعد كده (فى غير ساعات العمل) بيبقى شغله احسن من اللى بيعمله فى المركز بكتير ؟؟ و فيه امثلة كتير على كده ... من اول اصلاح السيارات حتى التكييف و الألوميتال و غيره ؟؟؟ و ساعات نفس العامل اللى بتطلبه من مركز الصيانة علشان يصلح لك غسالة مثلا بيبقى التصليح مش ولا بد و بتعطل تانى ... فى حين انك لما بتتصل بيه على محموله (اللى عادة بيحرص انه يسيبه لك) و بييجى و لكن عن طريق ورشته الشخصية و ليست مركز الصيانة بيبقى شغله احسن بكتير ؟؟؟ و هو نفس العامل ... مش ده غياب ضمير ؟؟؟ و لا نسميه ايه ؟؟


    اقتباس المشاركة الأصلية كتبت بواسطة mnmmnmmnmmnm مشاهدة المشاركة
    أنا أؤكد إنى لا أحاول إهانة أحد أو إحراج أحد و لكن كل الفكرة لا تهزأو من من تسببتم فى مصيبته و جهله و هذه حقيقة.
    كم منا يرى العامل يسف التراب و يهان و يهدد و يرفد و يقطع عيشه

    كم من مواطن مصرى , عميل أو مهندس أو مشرف أو مدير , أهان عامل و أوضح له أنه لا قيمة له و أنه لن يترك هذا المكان قبل أن يتم رفد هذا العامل بلارجعة و إذلاله إذلالا لم يذله بشر من قبل و يالسعادة عندما نرى الحسرة فى عيون العامل المضطهد الذى تم إذلاله على أيدى الرجال العظماء لأنه ظن لوهله أنه إنسان.

    فلا تنتظروا منه ما لم تعطوه له.
    و ياما شفنا عمال بتدفع الناس دم قلبها فى حاجات كان ممكن تتكلف ملاليم ، و يا ما شفنا عمال بيسلموا لك عربيتك او اجهزتك اللى بتتصلح عندهم و يقولوا لك ان كل شئ تمام و تفاجأ بان الحكاية اسوأ من الأول ، و لما ترجع يهاجمك و يقول لك ان مالهمش دعوة و ان الحاجة انت جاى بيها كده ؟؟

    يا اخى العزيز ... يوجد كده و كده ... و لكن صدقنى ... ليس العامل مقهورا ذليلا على طول الخط ... و ليس المستهلك فرعونا جبارا يعشق اذلال العامل دوما...

    للأسف مشكلة عمالنا مازلت الخصها فى غياب الضمير ... و ذلك للأسف لسوء السلوكيات التى وصلنا لها ..

    شوف حضرتك الجيل القديم من صناع خان الخليلى و روعة منتجاتهم التى يضرب بها المثل ... الجيل الذى تربى على الضمير .. و الجيل الجديد الذى تربى على مبدأ "كله ماشى" و مبدأ "اللى تغلب به العب به" و شوف رداءة منتجاتهم لغياب الضمير ، فى حين ان نفس الجيل الجديد اذا ما طلبت منهم طلبية و كانت شروط الجودة قاسية (و سامحنى على هذه الكلمة) تجد الجودة تصبح مثل الجيل القديم ، و احيانا افضل لأنهم شباب عنهم و بصحتهم (و والله الكلام ده عن تجربة مش ارتجالا) ...

    ليه لازم نحط مراقب فوق راس الواحد علشان يلتزم ؟؟؟ زى الوقوف فى الأشارات ...

    امتى هايبقى الضمير موجود من جوانا بدون رقيب دائم ينبهنا له ؟؟

    عذرا للأطالة و شكرا لسعة صدركم لى

    و تحياتى

    Dr. Sherif Mansy
    أى سؤال أو استشارة فى طب العيون

    الصحة تاج على رؤوس الأصحاء
    لا يراه إلا المرضى


  10. #10

    الصورة الرمزية nimo.mimo

    رقم العضوية : 70027

    تاريخ التسجيل : 08May2010

    المشاركات : 242

    النوع : ذكر

    الاقامة : Cairo

    السيارة: Lada

    السيارة[2]: Lada

    الحالة : nimo.mimo غير متواجد حالياً

    افتراضي -

    hasad">

    دكتور شريف منسى, كلامك مظبوط على الرغم من إختلاف وجهات النظر فى بعض النقاط إلا أن المجمل متفقين عليه

    و دعنى أؤكد لك أن إنخفاض مستوى التعليم هو الأساس.

    أنا مثلا متخرج من كلية نظم معلومات و علوم إدارة كبرى بجمهورية مصر العربية و أعمل فى شركة تصنيع و أحاول جاهدا أن أطور و الناس مرتاحين لمستوى أدائى إلا أنى داخل نفسى أعانى من انخفاض مستوى التعليم و كم المواد التى لا تدرس فى مصر لمجرد أن رئيس القسم فى الجامعة يرى أنها "ملهاش لزمة" و هذا سبب انخفاض المستوى المصرى و أكبر دليل على ذلك أن المصرى الذى يبتعث فى بعثة للخارج ينطلق لأنه حصل على الكم اللازم من التعليم و التدريب و هو ما لا يتوافر فى مصر.

    أكيد أنا و حضرتك و كل المصريين اللى اتعلموا فى مدارس حكومة عارفين موضوع معمل الكيمياء اللى المجهز على أعلى مستوى إلا أنك كطالب لا تدخله لأنه عهدة و لو حاجة إتكسرت المشرفة على المعمل حتروح فى داهية لأن الجرد ما بيرحمش بالإضافة إنك لو حاولت تعمل معمل فى بيتك حتدفع فيه ما لا قبل لك به من الأموال التى ستقتطعها من قوتك أو مدخراتك القليلة.

    إن المدرسة أو المعهد ليسة مجرد كتاب و إنما منظومة لإدخال الكتاب فى وعى و ثقافة المتلقى و صدقنى هو ما لم أحصل أنا شخصيا عليه بالقدر الكافى.



 

المواضيع المتشابهه

  1. التقفيل المصرى
    بواسطة mech.power.eng في المنتدى نيـــــــــسان
    مشاركات: 37
    آخر مشاركة: 20-05-2012, 04:06 PM
  2. التوك توك الهندى ولا التوك توك المصرى ؟ حقيقة السيارة المصريه بسعر 17 ألف و490 جنيه
    بواسطة AMA في المنتدى المنتــــــدى العـــــــــــام للسيــارات
    مشاركات: 25
    آخر مشاركة: 05-04-2010, 06:06 AM
  3. شفت byd f3 التقفيل المصرى
    بواسطة islamelesswi في المنتدى BYD
    مشاركات: 33
    آخر مشاركة: 27-02-2010, 12:36 AM
  4. التجميع المصرى احسن من غيره كتيـــــــــــــــــــــــــــــــــــــــــــــر
    بواسطة احمدعبدالعزيز في المنتدى المنتــــــدى العـــــــــــام للسيــارات
    مشاركات: 31
    آخر مشاركة: 24-02-2009, 06:28 AM
  5. ما الفرق بين الفرنا المصرى و الهندى سواء 1500 او 1600
    بواسطة atamim في المنتدى هيــونــداى
    مشاركات: 2
    آخر مشاركة: 17-03-2008, 06:13 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2