سؤال لمحبى مطروح

**Dr Ahmed** · 05-06-2010 04:45 PM

بإذن الله هسافر مطروح الأسبوع القادم

فى العادى بروح بنفسى لأى سمسار على الكورنيش وأحجز حاجة على البحر

جربت الشقق الفندقية والعادية والشاليهات

لكن نفسى أجرب القرى السياحية والشواطئ الخاصة

حد عنده تجربة فعلية مع قرية سياحية أوشاطئ خاص؟

كل صيف وانتم طيبين

**salahlanser** · 05-06-2010 04:53 PM

يشرقنى انى اتعرف على حضرتك يا دكتور وانا على فكرة مسافر برده مرسى مطروح وبنزل فى قريه اسمها قريه خليج الكاسح
فى طريقك لشاطىء الغرام هاتلاقيها على يمينك صاحبها راجل ليبى اسمه الدكتور عادل الكاسح بس هى كويسه واعتقد سعرها معقول انا للأسف معرفش سعرها لانى بنزلها تبع الشغل بتاعى
واتمنى اننا نتقابل هناك

**mohamed_selim** · 05-06-2010 05:01 PM

انا مسافر ان شاء الله الاسبوع اللى قبل رمضان فى اغسطس
بنزل فى مصيف المقاولين فى كليوبترا
مفيش قرى بشواطئ خاصه على حد علمى - فنادق فقط زى البوسيت و الكاسح و عادة بيكونو غاليين قوى لأنه بيبعلك الشاطئ مش بس الاقامه
ساعات كنت بروح اخد شاليه فى الابيض بس معملتهاش من 4-5 سنين فأكيد الاسعار اختلفت

**Dr Ahmed** · 05-06-2010 05:05 PM

المشاركة الأصلية كتبت بواسطة salahlanser

يشرقنى انى اتعرف على حضرتك يا دكتور وانا على فكرة مسافر برده مرسى مطروح وبنزل فى قريه اسمها قريه خليج الكاسح
فى طريقك لشاطىء الغرام هاتلاقيها على يمينك صاحبها راجل ليبى اسمه الدكتور عادل الكاسح بس هى كويسه واعتقد سعرها معقول انا للأسف معرفش سعرها لانى بنزلها تبع الشغل بتاعى
واتمنى اننا نتقابل هناك

أنا عارفها وزرتها
قرية الكاسح مش على البحر ولا شاطئ لها والماء اللى فيها بسين وأسعارها غالية نسبيا
أنا كنت فاكر صاحبها مصرى بما إنه كاسح

ألف شكر لرد حضرتك وطبعا يشرفنى أقابلك هناك فخد بالك من الاستيكر والشماسة والعربية نمرها ق س ب

**م. عصام مهنى** · 05-06-2010 05:13 PM

فى قرية اندلسية بعد روميل فيها حمام سباحة وكريزى ووتر بس مفهاش شاطئ خاص

اجازة سعيدة

**salahlanser** · 05-06-2010 05:17 PM

انا ان شاء الله مسافر الخميس القادم بالليل او الجمعه الصبح حسب ترتيبات المشرف بتاع الرحله ان شاء الله نتقابل على خير
انا معرفش اسعار الشقق وصلت لكام والفنادق بس خد بالك ان السيزون السنه دى قصير عشان رمضان فاعتقد ان اى مكان سواء فندق او شقه او قريه هايكون سعره عالى