اخيرا حسيت النهارده انى راكب هوندا

**khaled_rafea** · 05-06-2010 06:12 PM

طبعا انا معايا العربيه من اكتر من سنه و نصف, وكنت جايبها لسه متغيرله موتور, الموتور كان d15b JDM , الغريب ان العربية مكانتش بتسحب خالص و اخرها كان 120 و سألت هنا فى المنتدى و قالوا يمكن فتيس , المهم النهارده رحت للميكانيكى كان قايلى تعالى بدرى و نشوف ايه الحكايه, المهم قالى ان الباب التانى فى الكاربيراتير مبيفتحش, و السبس انه الكاربيراتير خراطيم, و اللى سقط المكنه مظبطش الخراطيم دى, المهم اعد اكتر من ساعة يجرب لحد ما ظبط الباب التانى, وقالى اطلع جرب, النهارده بس حسيت ياعنى ايه هوندا, بجد ما شاء الله 160 على التالت, هى اوتو, و حسيت انها بقت متوحشة بجد, شديت مع كذا عربيه محترمه مش حقول انواعها علشام محدش يعترض او يزعل, بجد توحشت و تغولت, و ده ببنزين 80, حجرب احط 92 و اشوف النتيجه ان شاء الله

**AlawnaH** · 05-06-2010 07:31 PM

مبروك عليك الهوندا الي بجد و ياريت تقولنا هي مودلها كام ؟

**khaled_rafea** · 05-06-2010 08:11 PM

موديل 93 ex , الله يبارك فيك يا باشا

**mshamy** · 05-06-2010 09:09 PM

المشاركة الأصلية كتبت بواسطة khaled_rafea

طبعا انا معايا العربيه من اكتر من سنه و نصف

يا طوووووووول بالك يا خالد

سنه ونص و انت قاعد ساكت ومستحمل العذاب ده

بس مبروك عليك الشعور الجديد....عيش يا معلم

**khaled_rafea** · 05-06-2010 09:50 PM

أستاذ محمد باشا, ازيك, والله وانا بكتب الموضوع كنت مستنى رد حضرتك مخصوص, انا كنت زهقت منها و كت بدور على اى عربيه مانوال , و كان فيه شباب فى المنتدى بيقولوا انها بتجرى و انا مش مصدق و فاكرها اخرها كده, مش مشكله بقى الحمد لله, بس فعلا نادر لما تلاقى صنايعى بيفهم عندنا, كله بيفتى, متشكر لرد حضرتك والله يبارك فيك

**arabmarket** · 05-06-2010 10:59 PM

مبروك يا عم خالد بس انت بجد بالك طويييييييييييييييييل

انا لما بقعد يومين اسوق بهداوه بحس انى زهقت وعاوز ارمح الهوندا فيها احساس رهيب بالقوه عموما ربنا يحيمك واوعى تغرك نفسك الطريق ملوش كبير

**ahmedfouad** · 05-06-2010 11:55 PM

مبروكة ان شاء الله
ربنا يكفيك شرها

**M_Nabil** · 06-06-2010 12:31 AM

أخرها 120 وكنت مستحملها!! طيب الحمد لله أنها ظبطت عاوزك تطلع عينها بقى هاهاها مبروك وعقبال المكن الـ Vtec

**Yones** · 06-06-2010 02:35 AM

مبروك عليك بجد الاداء الجديد بس مش ممكن برضه يبقى السبب فى ضعف السحب قبل كده فلتر الهواء؟؟

**khaled_rafea** · 06-06-2010 10:16 AM

متشكر اوى يا رجاله على الردود الجميلة , و يا استاذ يونس المشكلة عندى كانت ان نص الكاربيراتير بس هو اللى شغال, انا كنت بشيل الفلر خالص و برده مكانتش بتسحب
و يا استاذ محمد نبيل الله يبارك فيك, و من غير توصية انا شغال كيك داون, السحبه بقت مجرمة, و إن شاء الله العربية اللى جايه تكون فى تى اى او اس اى ار, اصلى بحب اركب العربية على ابوها من غير تعديل