محتاج 318 موديل 2003 او 2004هاى لين
عرض للطباعة
محتاج 318 موديل 2003 او 2004هاى لين
السلام عليكم! باشا ممكن نعرف حضرتك المبلغ اللى مقدره للسيارة على أساس نعرف! و إن شاء الله تكون موجوده و بحاله ممتازه بس هذا متوقف على المبلغ اللى إنت مقدره و ربنا يسهل اوك!
متابع باهتمام.............
أنا كمان متابع معاك
حتلاقى بتوع ال 318 مو 2004 هاى لاين بيطلبوا 175 الف جم و هى قيمتها العادله لا تتعدى 155 حتى لو كانت زيرو.
لو ميزانيتك تسمح خليك فى الشكل الجديد e90 , و هو مختلف تماما و افضل كثيرا .
- 320 مو اول 2006 فى رنج 170 الف جم.
- 320 مو 2007 - بها كل حاجه - فى رنج 200 الف جم..
استفسار هل حضرتك وجدت E90 320 بالسعر اللى حضرتك بتقول عليه ولا !!!!
320 موديل 2006 ب 185000 جنية - شركه خوارج و دواخل عدا الأكصادم الأمامى اللون فضى
320 موديل 2007 ب 235000 جنية - شركه خوارج و دواخل اللون أسود فتحة سقف I-Drive
320 موديل 2007 ب 210000 جنية - شركه خوارج و دواخل اللون أسود فتحة سقف بدون I-Drive
320 موديل 2008 ب 265000 جنية - شركه خوارج و دواخل - I-Drive فتحة سقف عجلة قياده متعددة الوظائف
320 موديل 2009 ب 285000 جنية - شركه خوارج و دواخل فتحة سقف I-Drive مرايات فولدنج
تقريبا سعر السيارة جديد ب 360000 جنية! فحضرتك متوقع الفرق 3 الى 4 سنين هتساوى كام؟
لأ الهاى لاين 2005 ب 160000 جنية الى 165000 جنية! بحالة الشركه و حاله ممتازة
318 موديل 2005 هاى لاين - فتحة سقف - حساسات - مرايات ضم - فابريكه بالكامل بره و جوه - اللون فضى السعر 165000 جنية
318 موديل 2005 هاى لاين - اللون أسود - السيارة بحالة ممتازة ولا يوجد بها اى مشاكل فرش أسود جميع الكماليات جنوط اصلية باسم صاحبها من الزيرو فابريقة عدا الجانبين بدون اى اصابات من الداخل حالة الموتور ممتازة والرخصة سارية حتى شهر 7\2011 - السعر 162000 جنية!
لقد سبق ان تمت نفس المناقشه فى توبيك اخر بخصوص الاسعار مع ا. فرحات و اخرين .
- بالنسبه لل 320 الشكل الجديد 360 الف جم ده السعر الرسمى فقط - لكنها تخلص زيرو ب 335 الف كاش و دى سياسه وكيل البى لم.
- بصفه عامه لا يوجد اى علاقه لاسعار الجديد و سعر المستعمل لانه يوجد سعر سوق هو الى بيحدد بناء على العرض و الطلب .
- مثال حى : لسه واحد صاحبى بايع 320 مو 2007 عامله 35000 كم يعنى حاله فابريقه فابريقه مفيهاش الهوا !!!! عرضها شهركامل و كان عايز 230 الف !! زى ماحضرتك بتقول !!! و فى الاخر بعد عزاب خلص ب 195 الف جم !!! على فكره التجار كانو عارضين اقل من 190 الف جم.
ممكن حضرتك تقولى ليه محدش خلص فيها و هى حاله فابريقه بمعنى الكلمه و ماتتسبش ؟؟؟؟؟؟؟؟؟؟؟؟؟
لان ببساطه شديده ده سعر السوق الحالى .
الاسعار الى الى حضرتك كاتبها دى مش اسعار السوق بيع و شراء بجديه !!!!! دى اسعار تخيليه ليس لها اى اساس !!!!!!!
انا عارف ان ده الى بيطلب لكن ماحدش بينفذ !!
- ايضا انا بتكلم عن الشراء مباشره من صاحبها.
لان التاجر لو اشتراها مثلا كاش ب 190 الف جم ، تفتكر حيعرضها بكام ؟؟؟ مش اقل من 225 الف . و ممكن كمان يبيعها تقسيط.
و فى النهايه كل بيعه لها ظروفها والى عايز يرمى فلوسه فى حاجه قيمتها السوقيه اقل بكتير يبقى هو الخاسران عند اعاده البيع و طبعا هو فى النهايه حر ::))
أظن ان كلام السيد / Batman أقرب للواقع يعنى لو حضرتك يا أستاذ / TheBuccaneer دورت فى contact cars هتلاقى مثلا سعر 316 موديل 2007 ماشية 99,000 كم حوالى 150,000 ده من غير فصال ومن غير فرجه على العربية ...
....ومثال اخر 316 موديل 2007 (السيارة كالزيرو تماما بها جنوط m6 بها مرايات فولدنج فوانيس ام اصلى اللون اسود السيارة بحالة نادرة) مطلوب 155,000 جنيه !!!!! أدخل وشوف على contact cars ماشيه 75,000 كم
خلاصة الكلام واللى أنا عايز أقولة أن الموديلات من 2002 إلى 2005 سعرها مابينزلش بنفس النسبة اللى بينزل بيها سعر الموديلات من 2006 وحتى تاريخه ...شكراًًًًً
حضرتك بتتكلم فى 316 يعنى السيارة مانيوال مش ستيبترونيك و على فكره السيارة ب 145000 و موجوده بقرب مدين ملاهى سندباد و رشه رفرفين اماميين و فيه 316 2007 مواصفات320 شراء ألمانيا من الزيرو ( I-Drive, إلخ .... ) لكن بدون فتحة سقف! بيعت ب 148000 جنية طبعا إنت عارف إن ال 316 كله كان مانيوال و الشكل الجديد نزل و السيارة من مانيوال اصبحت ستيبترونيك (على حسب كلام الأعضاء ) ! و ب 240000 جنيه السعر الرسمى. السيارة الثانية فى الأسكندرية ممتازه جدا رشه رفرفين من الخدوش و لم يمسسها سمكرى 57000 كيلو و ليس 75000 كيلو!
أنا بتكلم على واقع الأسعار اللى أنا شوفتها فعليا! العضو Batman بيقول أسعار و ممكن يكون شافها 1 أو 2 لكن أنا شوفت بالفعل نزلت سوق السيارات اكثر من مره و نزلت خارج السوق أنا من 6 شهور بشوف أسعار! فى الشوق و خارجه التجار فى السوق بيبعوا ال 2004 بيزلاين ب 140000 جنية!
أنا فعلا بشوف أسعار كويسه لكن نادرا يعنى 318 2002 هاى لاين ب 115000 جنية! مره واحده و الباقى ب 135000 جنية الى 140000 جنية!
+1111111111
يا جماعه : لازم اى حد بيدور على استعمال فابريقه يكون عارف ان البايع لازم يقول ال max. Price من وجه نظره الشخصيه و ده من حقه لعل و عسى !!
لكن الواقع و سعر السوق هو الفيصل فى النهايه.
و لو البايع جادى و مبيهرجش حيعرف و يتأكد من مستوى الاسعار السوقيه و حيقبل لو بيبيع - او يرجع فى كلامه فى البيع من اساسه !!
و الواحد فبنا ياما اتحط فى موقف البايع ، هل المشترى قبل ووافق على الفور على المطلوب و طلع فلوسه و خلص ؟؟؟؟؟؟؟. طبعا مبيحصلش ابدا ( الا فى حالات شبه نادره او بالتقسيط و ده مش موضوعنا ) .
طيب ليه بنضحك على نفسنا وقت الشراء ؟؟؟؟؟ و ندى البائع مبرر لزياده السعر عن اسعار السوق ؟؟؟