عرض للطباعة
الحمد لله حجزت النهاردة اكسنت سبورت مانيوال لون فيراني
حجزت في المعرض ودفعت 1000 جنية وهاستلم في نص سبعة اكون رجعت من السفر
بس انا قلقان بصراحة خاايف يكون فيها مشكلة بس انا اخترت اقل عربية مشاكل في رنج السعر ده لأن ماكنش قدامي غير الصيني أو الأفيو الاثنين كلهم مشاكل
يا ريت حد يطمني من ناحية العربية دي وهل ازنق نفسي عشان اجيب اوتوماتيك هل الفرق يستاهل من حيث المشاكل مع العلم ان فرق الراحة بالنسبة ليا مش مهم قوي انا بحب سواقة المانيوال
الف مليون مبروك وربنا يباركلك فيها ويكفيك شرها ويعطيك خيرها
سواقة المانيول جميلة وانا بحب اسوق منيول جدا وبستمتع بيه
بس ساعة ما تكون تعبان او مرهق من الشغل ساعتها الاوتوماتيك بيكون لا يعوض
و الايام دى الشوارع بقت زحمة جدا وبالتالى الاوتوماتيك افضل بمراحل بالذات داخل المدينة
لو تقدر تجيب الاوتوماتيك هاته بدون تفكير ... لكن لو حتزنق نفسك يبقى
فكك وربنا يباركلك فيها ان شاء الله .... والله يا راجل فرحتنى الف مبروك
متشكر قوي يا رينجو ربنا يباركلك في لوجياقتباس:
المشاركة الأصلية كتبت بواسطة ringoo
عموما انا اتفقت مع التوكيل اني ممكن قبل ما ادفع باقي المبلغ واستلم اغير اللون أو اغير من مانيوال إلى اوتوماتك إذا كان ربنا يسر في الفلوس
الف مبروك وان شاء الله تيجى بالخير الوفير.
لو تقدر تكمل سعر الاوتوماتيك يبقى احسن طبعا. حتى لو غير الاكسنت.
وجرب تسأل فى سمير ريان او ادتكو (ش الطيران) او المصرية غالبا نفس السعر وتسليم فورى.
الله يبارك في حضرتكاقتباس:
المشاركة الأصلية كتبت بواسطة amirelgohary
طبعا تغيير الاكسنت مش في الحساب لأني مش لاقي حاجة تانية في رينج السعر ده
وبالنسبة للأستلام مش فارق معايا لأني مسافر حاليا وجاي في 15 سبعة فالتوكيل بالنسبة ليا أحسن مادام مش مستعجل على الاستلام
و الف مبروك و انشاء الله ترجع من السفر بي الف سلامة و تستلم عربيتك و تكتب تقرير عن العربية ان شاء الله
الله يبارك في حضرتك وشكرا ليك جدا
طبعا أول حاجة هاعملها إن شاء الله تقرير محترم عن العربية ده انا اشتريت كاميرا مخصوص عشان اصور العربية عشان التقرير
انا مش هانسى المنتدى اللي استفدت منه كتير وعرفت منه حاجات كتير وعرفت فيه أحلى أعضاء ناس كلها محترمة
طب لية مجبتش الشكل القديم الأتوماتيك 2011 بنفس السعر المانيوال سبورت؟؟؟
ربنا يباركلك فيها ويكفيك شرها ويعطيك خيرها
مبروك والعربيه فعلا جميله بس خلى بالك كلوا بيشتكى من الفتيس الاوتو من الكورى بس معرفش الاكسنت ايه نظامها
11111111111111111111++اقتباس:
المشاركة الأصلية كتبت بواسطة roka
لو قدرت تغير للاتوماتيك يبقى احسن .. مش عشان المانيوال فية مشاكل - لا - عشان فعلا اتوماتيك بقى ميزة كبيرة فى الزحمة اللى عايشين فيها .
انا معايا نيو اكسنت مانيوال و عامل 25 الف و مفيش اى مشاكل - بس دلوقتى بندم انى مجبتش اتوماتيك من الاول .
طيب ماتشوف كيا ريو اعتقد ان العربيه و التوكيل انضف و ده باين من مشاركات الأعضاء
بصراحة مش مقتنع اني اجيب عربية موديل 2011 وتكون مافيهاش مرايات كهرباء وفوج لايت وكمان لقيت شكل الاسبورت مميز شوية وجديد نوعا ما مع اني عارف التغيير مش كتيراقتباس:
المشاركة الأصلية كتبت بواسطة roka
اقتباس:
المشاركة الأصلية كتبت بواسطة theprofessiona
برضو موضوع الكماليات اللي ناقصة عن الاكسنت وكمان انتشار وقطع الغيار الاكسنت اكبراقتباس:
المشاركة الأصلية كتبت بواسطة adhamsabry51
اقتباس:
المشاركة الأصلية كتبت بواسطة amrseba
والله أنا متردد فعلا وعموما ربنا يعمل اللي فيه الخير احتمال 70% فعلا اغير الاوتوماتيك إلا لو ظهر منه مشاكلاقتباس:
المشاركة الأصلية كتبت بواسطة ezzatfox
ربنا يبارك في حضرتك وشكرا لردكاقتباس:
المشاركة الأصلية كتبت بواسطة elassar2010
ربنا يبارك لك فيها .. بس حضرتك فكر فى موضوع الاتوماتيك بجديه .. و استخير و ربنا يوفقك لما فيه الخير
الله يبارك في حضرتك وإن شاء الله افكر في الموضوعاقتباس:
المشاركة الأصلية كتبت بواسطة kareemz
قلبي ..... ash ....... كدة يا دكتور اخليت بوعدك :):rfds:
مبروكة عليك يا معلم ان شاء الله و يرزقك خيرها و يكفيك شرها ......و ابقي عدي و سلم و متقطعش خالص كدة
هيما باشا واحشني جدا واللهاقتباس:
المشاركة الأصلية كتبت بواسطة hemaa_82
الله يبارك فيك يا عمدة واوعدك لو ربنا رزقني ب 70 الف مش عايزهم اجيب كيداهم
سامحني دول شقا غربة ومش هاييجوا تاني