عوده بعد غياب النت الرخم... وشويه مشاكل فى العربيه..

السلام عليكم..
ازيكم يا اوبلاويه
واحشنى اوووووووووى
للاسف النت كان قاطع بقاله مده طويييييييييله جدا
واحشنى طنانى باشا وتامر وبقيت العصابه والله

النت رجع ولله الحمد.. ومعاه رجعت اسئلتى

اولا وصلتو لايه فى حوار المسند اللى فى النص.. انا كنت سايبكو لسه بتتفقو؟؟

ثانيا.. كان تامر باشا تقريبا حاطط موضوع عن نور عمله جوا حامل الاكواب.. انا معنديش اصلا الحامل ده.. اعمل ايه او اجيبه منين؟؟

ثالثا... بما انى لسه مكملتش شهر مع الاوبل فعندى شويه ملاحيظ كده... بعد ما عملت الصيانه .. تغيير الزيوت والسيور والفلاتر.. صوت المكنه اخشن شويه.. معرفش ليه.. بس المكنه والعربيه عادى زى الفل

كنت الاول ما بحسش ان العربيه بتجرى وانا على 100 او 120... دلوقتى بقيت حاسس بالسرعه نسبيا.. ده كاوتشات عايزه تتغير ولا ايه؟؟
ثالثا... انا نور الحزام والابواب والهاند بريك ما بيشتغلش.. والمفتاح الريموت ما بيشتغلش حتى بعد ما غيرت الحجاره...

وكمان المروحه تقريبا بتاعت الموتور بتكتك على فترات كده.. يعنى ساعات اسمعها بتكتك وهيا شغاله.. وساعات لا.. ومش عارف اعمل ايه


افيدوووووووووووووووووووون يييييييييييييي

بص على الفيوزات يا باشا
عشان الانوار دى بتبقى متوصله على فيوز

حمد الله على السلامه
و فادى اللى كان عامل الموضوع
دى جزء من التابلوه الحوامل دى
الريموت شوف البريسات و دايرة الأرسال شغاله و لا لأ
لو اللمض دى فى التابلوه يبقى اتحرقت بس على حد علمى الفيكترا ملهاش نور حزام

طب اشيك ع الحاجات دى فين؟؟ كهربائى كويس ولا اروح توكيل ولا ايه؟

واجيب منين حامل الاكواب؟؟ حد بيبيع الحاجات دى؟

حامل الأكواب معرفشى
الريموت شوف حد بتاع الكترونيات يقيسه
و ممكن تكون المشكله فى وحدة الأستقبال مش الريموت
لو رحت التوكيل اكيد افضل

الريموت لما البطرية بتخلص وتتحط جديدة للاسف سعات كتير بيفقد البرمجة بتعتة عايز حد يبرمجة مش اكتر
حامل الاكواب ممكن تجيبة استيراد هيعملة 100 ج
مفيش نور للحزام
نور الهند ممكن اللمبة اتحرقت وهى مهمة جدا عشان لو زيت الفرامل قل بينبهك بيهاء
وحمداللة على السلامة وفادى هو قلى عمل الموضوع

يركب فى الأيه الحامل ده

اقتباس:

---

المشاركة الأصلية كتبت بواسطة tananybasha

يركب فى الأيه الحامل ده

---

لا طبعا هيركب ازاى بس لو عيزة يركب اعمل تصميم تخيلى على الفوتوشوب وشوف تقدر تعمل اة مفيش حاجة متتعملش

ابعت الأبعاد و انا ارسمه

اقتباس:

---

المشاركة الأصلية كتبت بواسطة tananybasha

يركب فى الأيه الحامل ده

---

ايوة طبعا ممكن تركب حامل فى العربية
و كمان ممكن تركب وحدة على وش ولادة
هههههههههههه

ادى صوره التابلوه عندى
وبدل حامل الاكواب فى فرااغ كده.. عامل زى درج
معرفش بقا هل الحته دى تتشال ويركب مكانها حته فيها حامل الاكواب ولا ايه...

هو فيه صحيح مسند ذراع ف النص للاوبل.. ولا اركب اى واحد
وبالمره بقا
الكاسيت ده الاصلى.. شغال مع الشاشه.. لو جبت كاسيت تانى يشتغل معاها ولا ايه الكلام؟

http://www5.0zz0.com/2010/06/05/21/831082661.jpg

الخوف تولد و انا ماشى و البس فى المولود
و يبقى رجعنا من الأول من غير حامل

اقتباس:

---

المشاركة الأصلية كتبت بواسطة amraction

ادى صوره التابلوه عندى
وبدل حامل الاكواب فى فرااغ كده.. عامل زى درج
معرفش بقا هل الحته دى تتشال ويركب مكانها حته فيها حامل الاكواب ولا ايه...

هو فيه صحيح مسند ذراع ف النص للاوبل.. ولا اركب اى واحد
وبالمره بقا
الكاسيت ده الاصلى.. شغال مع الشاشه.. لو جبت كاسيت تانى يشتغل معاها ولا ايه الكلام؟

http://www5.0zz0.com/2010/06/05/21/831082661.jpg

---

المفروض تتشال الحتة الفاضية و يركب
المسند بيتباع
لو ركبت كاسيت تانى مش هيشتغل على الشاشه

هو انا اسيب الكليه فيها نسا وولاده ارجع النت الاقيكو بتولدو....
ارحمونى
:36_1_37[1]:

يا دكتور عشان نذاكر معاك

محدش قالى اعمل ايه فى تكتكه المروحه دى؟؟

قصدك ايه بالتكتكه دى
مش فاهم حاجة
يا انا تهت منك

ههههههههههههههههه.. معلش يا طنانى

اصلى كاتب مليون حاجه فى الموضوع.. وكلهم جم مره واحده

ياسيدى وانا ماشى بالعربيه ساعات بسمع تكتكه جايه من المروحه.. وساعات تشتغل عادى..
والحراره مظبوطه.. بس التكتكه لما بتشتغل بتبقا عاليه اوى ..

بص يكون المروحه فيها ريجه او بلى خشن

اقتباس:

---

المشاركة الأصلية كتبت بواسطة amraction

ادى صوره التابلوه عندى
وبدل حامل الاكواب فى فرااغ كده.. عامل زى درج
معرفش بقا هل الحته دى تتشال ويركب مكانها حته فيها حامل الاكواب ولا ايه...

هو فيه صحيح مسند ذراع ف النص للاوبل.. ولا اركب اى واحد
وبالمره بقا
الكاسيت ده الاصلى.. شغال مع الشاشه.. لو جبت كاسيت تانى يشتغل معاها ولا ايه الكلام؟

http://www5.0zz0.com/2010/06/05/21/831082661.jpg

---

عادى جدا يركب عادى مفوش مشاكل خالص جيبة وانت ركبة سهل جدا جدا
فى طبعا مسند بيتجاب من بتوع الاستيراد بيكون جلد طبيعى بيمشى مع شكل الطبلوة والعربية وفى منة لونين واحد اسود ودة كتير وثمنة 100 ج وفى الرمادى ودة قليل اوى ونادر لما تلقية
لا للاسف ميشتغلش الا الكست الاصلى عشان الفيش بتعتة ليها 3 مربعات للشاشة واحد لكن العادى 2 انت عايز تغيرة ممكن تجيب البنسونك الاصلى بردو وفى منة بسطونات اوديو

اقتباس:

---

المشاركة الأصلية كتبت بواسطة amraction

ههههههههههههههههه.. معلش يا طنانى

اصلى كاتب مليون حاجه فى الموضوع.. وكلهم جم مره واحده

ياسيدى وانا ماشى بالعربيه ساعات بسمع تكتكه جايه من المروحه.. وساعات تشتغل عادى..
والحراره مظبوطه.. بس التكتكه لما بتشتغل بتبقا عاليه اوى ..

---

غالبا التكتكة دية بتكون من البلية بتاعت المروحة بتكون عملت بوش ودة بيحصل من الاستخدام خليها مشية لغايت متجيب اخرهاء وبقا جيب وحدة استيراد وخلاص

100 جنيه للمسند.. واااااااااااو
اومال الحته بتاعت الكوبايات دى هتبقا بكام على كده

ربنا يسهل.. انا فلست اصلا:10D5C8w1107:

بعدين بقا ابقا انزل كايرو واشوف الليالى دى

انا عايوز المسند

لو هتجيبه يا طنانى قولى هتجيبه منين.. يمكن انزل اجيبه انا كمان

والله تيجى الفلوس اللى ليا بره مع واحد جاى من امريكا عن طريق الكويت و هينزل ترانزيت فى المانيا و يقعد شهر فى ليبيا و يجى

اقتباس:

---

المشاركة الأصلية كتبت بواسطة amraction

السلام عليكم..
ازيكم يا اوبلاويه
واحشنى اوووووووووى
للاسف النت كان قاطع بقاله مده طويييييييييله جدا
واحشنى طنانى باشا وتامر وبقيت العصابه والله

النت رجع ولله الحمد.. ومعاه رجعت اسئلتى

اولا وصلتو لايه فى حوار المسند اللى فى النص.. انا كنت سايبكو لسه بتتفقو؟؟

ثانيا.. كان تامر باشا تقريبا حاطط موضوع عن نور عمله جوا حامل الاكواب.. انا معنديش اصلا الحامل ده.. اعمل ايه او اجيبه منين؟؟

ثالثا... بما انى لسه مكملتش شهر مع الاوبل فعندى شويه ملاحيظ كده... بعد ما عملت الصيانه .. تغيير الزيوت والسيور والفلاتر.. صوت المكنه اخشن شويه.. معرفش ليه.. بس المكنه والعربيه عادى زى الفل

كنت الاول ما بحسش ان العربيه بتجرى وانا على 100 او 120... دلوقتى بقيت حاسس بالسرعه نسبيا.. ده كاوتشات عايزه تتغير ولا ايه؟؟
ثالثا... انا نور الحزام والابواب والهاند بريك ما بيشتغلش.. والمفتاح الريموت ما بيشتغلش حتى بعد ما غيرت الحجاره...

وكمان المروحه تقريبا بتاعت الموتور بتكتك على فترات كده.. يعنى ساعات اسمعها بتكتك وهيا شغاله.. وساعات لا.. ومش عارف اعمل ايه


افيدوووووووووووووووووووون يييييييييييييي

---

الخشونة انت حطيت زيت اية؟؟

تكتكة المروحة اتأكد ان مفيش حاجة بتيجى ناحيتها وهى شغالة

الاحساس بالسرعة ربط عفشة واظبط هوا

العربية مفهاش نور حزام وابواب الطبيعى مش شغالين
نور الهاند هتلاقى اللمبة اتحرقت

حامل الاكواب غالبا الجزء دة عندك متغير , عموما ممكن تجيبة استيراد وركبة وفى منة ابانوس

يا جامد يا بشهمندس احمد

اقتباس:

---

المشاركة الأصلية كتبت بواسطة tananybasha

يا جامد يا بشهمندس احمد

---

بعض ما عندكم ياباشا ;)

يعنى لسه فى تانى عند هاقوله

زيت موبيل وان -3000 كيلو

مفيش حاجة اسمها موبيل وان 3000
اللى قصدك عليه موبيل الأبيض و لا xhp الفضى

لا مش فاكر صراحه

غير شل و ابعد عن موبيل

و انت عايز تغير الكاست ليه ؟؟ بدام شغال يبقى سيبه لحد لما تخلص مصاريف المهم الأول
حامل الأكواب هيضايق رجلك و انت سايق إلا إذا رجعت الكرسى لحد لما تتفرد "انا بجيب أخر الكرسى "

3000 كيلو يبقى موبيل الابيض

بالنسبة لخشونة الموتور
لو الموتور عندك كويس يبقى ممكن كنت تستخدم زيت شيل هلكس الترا ال 10000 وده تخليقي يعني اخف من المعدني اللي حضرتك حطيته
لما حضرتك غيرت السيور هل كشفت على بلية الكاتينة وبلية شداد الدينامو لأن السير الجديد بيكون مشدود شوية عن السير القديم وممكن يظهر اي عيوب في البلي والله اعلم والعصابة يفيدوك اكتر

هو فيه بعد رأيك يا عم وليد

اقتباس:

---

المشاركة الأصلية كتبت بواسطة tananybasha

غير شل و ابعد عن موبيل

---

انا شغال موبيل ومفيش اى مشاكل

من زمان غيرت لشل و بعدت عن موبيل
بخرة الزيت بتاعته زياده عن اللزوم