الموضوع: الحمدلله حجزت سيراتو وهاستلم بكره باذن الله

الله يبارك فيكوا كلكوا يا جماعة والله انا فرحتى بشراء العربية اقل من فرحتى بدخولى المنتدى هنا واحساسى ان الواحد بقى ليه عزوة كده وناس فاهمة عارفين بيتكلموا عن ايه بالظبط.....ربنا يخليكوا

المشاركة الأصلية كتبت بواسطة hobaz

الف مبروك ياباشا وتستلم على خير...........

المشاركة الأصلية كتبت بواسطة yasserelsayad

الف مبروك يا باشا وان شاء الله ميكونش فيه اى مشكلة عند الإستلام

المشاركة الأصلية كتبت بواسطة bolok

تصدقو حتخلوني انزل اتأكد دلوقتي ..
انا مستلم من 20 يوم كده ومافتحتش شنطة الإسعاف خالص
الف مبروك يا باشا وربنا يديك خيرها ويبعد عنك شرها

المشاركة الأصلية كتبت بواسطة samir_adel

مبروك مقدما يا معلم. :)

الله يبارك فيكوا يا جماعة ربنا يخليكوا

مبروك مقدما ياباشا

انا كنت عايز اسال حضرتك ليه الخليجى مع ان اللى اعرفه ان الوكيل موجودة عند الموزعين بسعرها استلام فورى و بالضمان 5 سنين و الفرق 4900 جنيه؟
انا الصراحة يا جماعة مش مقتنع خالص بفكرة الخليجى طالما الوكيل فى منه استلام فورى علشان الضمان مش اكتر و خصوصا انه 5 سنين عند كيا و كمان الصيانة عند الوكيل لو لا قدر الله حصل مشاكل

الف مبروك وربنا يديك خيرها ويكفيك شرها
بس انا لفيت علي نفس العربية دي بنفس المواصفات + عداد رياضي وسنسور بارك اصلي واخر سعر خدته هو 110 الف : 111الف وهي كانت سعودي واتاكد من الاستيكر الي علي الباب
الكلام دة كان من شهر ونصف ؛ معرفش هل الخليجي غلي في الفترة دي ولا ايه وللتاكيد اسأل معرض القرش جسر السويس - الطارق هليبوبلس
ومعارض اخري بس طبعا هيبدأوا معاك بـ 12 الف مثلا فلازم تفاصل معاهم
واسف جدا اني بقولك الكلام ده دلوقتي بس لمجرد التوعية وان كان في فرصة انك تضبط السعر مع المعرض الي حضرتك حجزت من عنده
والف مبروك علي كل حال

المشاركة الأصلية كتبت بواسطة abouleila

الف مبروك وربنا يبارك فيها ويبعد عنها الحاسدين قول يارب

طبعا وحوش كيا قالو تعمل ايه وانت بتستلم بس نقطتين مهمين عاوزك تعملهم

اولا تراجع على العربية والفتيس وتشوف الغيارات بتقرا ولا لا

جرب التكيف وسيبه شغال لمده دقيقتين وخليه اخر درجه

واشترى ضمان خليجى على الاقل لمده سنة

والله المستعان .

الله يبارك فيك يا باشا وان شاء الله هشترى ضمان تكنو وان لمدة 3 سنين

المشاركة الأصلية كتبت بواسطة som3aa

انا كنت عايز اسال حضرتك ليه الخليجى مع ان اللى اعرفه ان الوكيل موجودة عند الموزعين بسعرها استلام فورى و بالضمان 5 سنين و الفرق 4900 جنيه؟
انا الصراحة يا جماعة مش مقتنع خالص بفكرة الخليجى طالما الوكيل فى منه استلام فورى علشان الضمان مش اكتر و خصوصا انه 5 سنين عند كيا و كمان الصيانة عند الوكيل لو لا قدر الله حصل مشاكل

الحقيقة سيادتك لما تسأل بالتليفون تلاقى الدنيا وردى والمعرض او الموزع يقولك العربية واقفة قدامى و كل الالوان والكلام ده لكن لما تنزل بقى وتتكلم فى عربون و سعر تلاقيه يقولك مفيش عربيات فى السوق-اللون اللى انت طالبه مش موجود-العربية دى اخر عربية عندى و يعلى السعر الف او الفان ده غير ان المواصفات اللى انت عايزها مش هتلاقيها موجودة وبعدين انا كان يهمنى اجيب جنط 16 + abs المواصفة دى مش موجودة فى الوكيل بطلت تنزل اللى موجود ex جنط 16 من غير abs او sx و دى فيها abs بس جنط 17 وانا بصراحة كنت عايز ابعد عنه والمواصفة دى سعرها الرسمى 116 الف ولو هتغير كاوتش او جنوط هتزود من 1500 ل 2000جم و كمان مفيش فتحة سقف يعنى هتبقى ميزتها الوحيدة الضمان 5 سنين بس انا ان شاء الله هشترى ضمان تكنو وان 3 سنين و متهيألى دى فترة اكتر من كافية عشان لو فى عيوب صناعة تظهر والقرار ده انا خدته بناءا على اراء الناس المحترمة اللى هنا اللى شافو المركز فعلا وتعاملوا معاه و منهم أ/ابو ليله ....وبالبنسبة للصيانة ماعتقدش ان هيبقى فيه اى مشكلة لان عموما العربيات الكيا كورى قريبة اوى من الهيونداى و خصوصا اللانترا يعنى مش المانى مثلا ده غير ان عربية انتشرت الانتشار ده اكيد مراكز صيانة كتير هتشتغل فيها....دى بصراحة كانت وجهة نظرى وانا بشترى مع علم حضرتك انى انا كان معايا فرق الفلوس بس اللى فرق معايا طبعا التاخير فى الاستلام والاوفر برايس لو هستلم فورى وده كنت بحس انه سرقة عينى عينك...وربنا يسهل للجميع ان شاء الله

فعلا الخليجي غلي حوالي الف ونص الفين مع ارتفاع الدولار من حوالي شهر كده