الموضوع: مشكلة في المراوح

الاخوة الكرام

مازالت المرواح تعمل بدون توقف والمكيف مغلق ....هل بسبب سخونة الطقس هذه الايام ام لا
هل كمبيوتر العربية يحتاج الي عدة ايام لكي يظبط نفسة

ذهبت الي ثلاث من ورش كهربه السيارات واخبروني ان الكمبيوتر ليس لة علاقة بالمرواح وان هناك جزء يسمي كاتوت المرواح او منظم سرعة المرواح يجب تغيرة وقد سألت عن سعر هذا الجزء فوجدتة ب 475 جنية

برجاء مساعدتي في حل هذه المشكلة
وهل تغيير السيور وفصل البطارية هي السبب ام هناك اسباب اخري

مع خالص شكري

المهم حرارة المكنه معاك زى ماهى ولا زادت بعد تغيير السيور

اخي سمير
الحرارة لم تتغير والمؤشر بكون علي منتصف التدريج كما كان قبل تغيير السيور وقد اخبرني الميكانيكي ان سير الكاتينة له ظبطة معينة كما ان شد السير يكون عن طريق سوستة معينة يعني شد اتوماتيكي .........وذلك علي حسب كلام الميكانكي

كما ان المرواح نعمل مباشرة عند تدوير العربية في الصباح الباكر قبل اي سخونة
وشكرا علي الرد

هل هذا وضع طبيعي بالنسبة الي المرواح وتعود لحالتها ام تكون حدثت مشكلة واخشي ان تنحرق مواتير المرواح

كما ان المرواح نعمل مباشرة عند تدوير العربية في الصباح الباكر قبل اي سخونة

طبعا ده مش وضع طبيعى ولازم نعرف السبب فى شغل المراوح

وأعتقد عندك عيب فى أشارة حساس الحراره

بيقول لوحدة التحكم

حرارة المكنه عاليه وهى مش عاليه

فبتروح وحدة التحكم ملقطه المراوح ومشغلاها ( لأنها حتمشى وراء أى أشاره ....حتى لو كانت غلط )

بدليل سلوك مؤشر الحراره الطبيعى

والمفروض تعمل أسكانر لتحديد وضع حساس الحراره

أما موضوع أن الأمور حترجع تتظبط من نفسها بعد 24 ساعه

حقيقى أنا غير مقتنع بالكلام ده


_________________________________

وبالنسبه لآداء السياره بشكل عام

منقدرش نحكم على الأمور دلوقتى

إلا أما ترجع المراوح تشتغل بصوره طبيعيه ( زى زمان )

اكيد لعب فى حاجة يعنى ايه 24 ساعة وكل حاجة هتتظبت والتكييف مش شغال ليه؟!! والسينسورات بتاعة الحرارة مش مظبوتة معاك
فى خلل ما حصل وهو بيشتغل فى العربية وايه الداعى انه يفصل البطارية وهو بيشتغل!! اتمنى انى اساعدك بس للاسف انا مش عارف ايه المشكلة لا يوجد اى علاقة بين تغيير السيور والبيجوهات بعطل التكييف ومراوح التبرييد

اخي احمد
انا شرحت المشكلة في اول الموضوع
التكيف عندي شغال ولا توجد اي مشكلة فية
المشكلة ان مروحتين الرادياتير شغالين علي طول بدون توقف علما بأن التكيف مغلق
والمفروض انة بعد فترة من التشغيل تتوقف المروحتين

احد الاخوة في المنتدي اخبرني ان اعمل حاجة اسمها idle learning تقريبا اعادة برمجة لكمبيوتر السيارة

ورش الكهرباء في مدينة نصر قالوا لي عيب في الكاتوت او منظم السرعات وهو غالي 475 جنية وان هذا الجزء دائم يعطل في اللانسر .......... واخبرني احدهم بأن هناك احتمال بأن هذا العيب كان موجودا قبل عملية التغيير و انني لم الاحظة

والعربية قبل تغيير السيور والبوجيهات وفلتر البنزين كانت بدون مشاكل

في الحقيقة انا محتار خايف اشتري هذه القطعة ويطلع العيب في مكان اخر
في انتظار ارائكم السديدة
مع خالص شكري لتعبكم معي

منتظر
يامسهل يارب