أجر سبرانزا يومين, وإن شاء الله هتشتريها
عرض للطباعة
أجر سبرانزا يومين, وإن شاء الله هتشتريها
انا معاك فى الاوكتافيا بس المبلغ الى معايا ميجبش عربيه موديل جديد و قطع الغيار هتكون غالى على
والله انا مركز الفتره ديه على النترا اوتومتك 2007 2008 و سيراتو اوتومتك 2005 - 2008 و ياريس اوتمتك 2007 - 2008
يارت لو حد عنده عربيه وتكون فبريكا بالكامل و مش محتاجه اى مصاريف يبعدلى
وجزاكم الله خير
نيسان صني اتوماتيك كسر زيرو ممكن 2008 2009 شكل جديد انا كمان بدور في نفس الميزانية 75 الف كسر زيرو ولم استقر علي انسب موديل فكرت في لانسر بومة مانيوال او اتوماتيك 2007-2008 1300 او 1600 ونيسان صني 2008-2009 او هيونداي النترا شكل قديم من 2005-2006 او جديد 2007-2008 واخيرا فكرت في الماتركس 2007 اخر الكوري او 2008 شكل قديم المشكلة الندرة الشديدة للحالات الممتازة اللي في دماغنا وان وجدت بتكون في ايدي تجار وبيولعوا السعر عليك بيزودوا باكتر من 7 او 8 الاف علي سعرها الحقيقي اللي بيسعر بيه استشاري منتدي النايل موتورز . ياريت لو حد من اخواننا الافاضل في المنتدي صاحب العربية وليس تاجر عنده حالة من الموديلات دي يكتب لنا انا عملت اعلانات مطلوب ولم يرد احد ومعذرة للاخ imi صاحب الموضوع وارجو الايكون تدخلي في الموضوع بهذا الشكل ضايقه انا هدفي الصالح العام له ولي ولجميع الاعضاء المحترمين .
للعلم انا ليست عندي النيسان صني لاروج لها وايضا نسيت السيراتو الشكل القديم كانت مع زميل لي وشكر فيها جدا لسة بايعها للتغيير ب 85 الف موديل 2008 بحالة الزيرو اما اليارس فاضيف انها الحجم الكبير للاكصدام الامامي وشكله وتصميمه يجعل اي لمسة خفيفة للمقدمة مكلفة جدا .واتمني ان اكون افدت ببعض المعلومات المتواضعة .
بالعكس والله يا avatar انت نورت الموضوع وانا معاك فى الكلام الى انت بتقول المشكله ده كلنا بنعانى منها من اول القلق الواحد فيها بسبب الخوف ان يلبس فى عربيه تبهدله وزى ما انت بتقول لو لقيت عربيه لقطه تلاقى سعرها عالى اوى
السلام عليكم ورحمة الله وبركاته
الزميل الفاضل أسأل الله أن يوفقك في اختيارك
سامحني على رأيي المتواضع , حضرتك جرب الماتريكس 2007 كما يقول لك الزميل avatar
بسم الله ما شاء الله لاقوة إلا بالله ( من أوسع السيارات من الداخل اللي شفتها , ما فيش مشاكل
للشخص الطويل إطلاقا سواء المساحة المخصصة للرجلين أو الرأس ) ومشاكلها قليلة تكاد
تكون معدومة وقطع غيارها متوفرة وأسعارها معقولة سواء أصلي أو كوري وسعر إعادة بيعها
ممتاز
وعلى فكرة غبور خفض سعر الإلنترا والأكسنت والفيرنا ورفع سعر الماتريكس
أسأل الله أن يوفقك ولاتنس الإستخارة
انا بقولك الفرق بقي قليل اوي اصحاب العربيات الحالات الجامدة دي بيمسكوا ف العالي قلتلك زميلي باع السيراتو 2008 بس كان محافظ عليها اوي وفي جراج واستخدام راقي ب 85 الف رغم انها ماشية 60 الف بس بدون خدش واللي اشتراها قعد شهرين يحايله عشان يبيع وامثلة كتير زيه مش عارف نعمل ايه نسيبنا من كسر الزيرو ونروح ع الزيرو ولا نصبر شوية يمكن ربنا يكرمنا وكمان الزيرو المريح لازم يكون كاش عشان متوجعش دماغك في الفوائد العالية وعدم المصداقية والايصالات اللي علي بياض وشبهة انه مش حلال والتامين الاجباري والتوكيل اللي بتعمله لصالح البنك او المعرض وحظر البيع ع الرخصة واي ظروف تتعرض لها تؤدي لعدم القدرة علي دفع القسط لا قدر الله مخاطرة كل ده اصبحت معادلة صعبة .ندرة كسر الزيرو النضيف وغلو اسعاره مقابل الزيرو الاغلي واعباؤه .