ارجو المساعدة بخد انا خلاص هجنن !!!!!
السلام عليكم
من كام شهر نويت اجيب اول عربيه لي ففكرت فى النيو اكسنت الاوتومتك بس بعد بحث طويل على النت وجدت ان العربيه فيها مشكله فى العفشه و اغلب الناس اجمعت على كده
ففكرت اجيب مستعمل فى حدود 75000 جم و بعد بحث طويل وجدت ان افضل سياره مستعمله ممكن اجيبها بالمبلغ ده هى الانسر اوتومتك 1600 الكلاسيك والناس كتير بتشكر فيها اوى
بس المشكله لما نزلت السوق و جربتها لقيت العربيه فقيره اوى من الداخل التبلوه تحس انه فقير شكل التبلو قديم اوى القعده مش مريحه بالذات انى رجلى طويله فكل ما ادخل او اخرج من العربيه رجلى تذنق فى الدركسيون فبرجع الكرسى اوى ...
ممكن انا شعرت بالفرق ده عشان انا كنت جاى بيارس مع صحبى فى فرق كبير بين اليارس و الانسر من الداخل من حيث الرفاهيه و الراحه و الوسعان
بجد تحس ان اليارس جيل احدث من الانسر
بصراحه انا بدور على عربيه احس بمتعه فى سوقتها و رفاهيا من الداخل تكون قطع غيارها معمره و صيانتها قليله
انا مش بتاع جرى و غرز
على فكره انا فكرت فى اليارس بس لاقيت فيها عيبان مهمين ان الدهان بتاعه من ابو لمس يعنى لو اتلمس لمسه بسيطه تلاقى الدهان اتشال و العيب التانى ان الاكصدام بتاعه خفيف جدا وان لسا جديد فى السواقة يعنى هبهدلها
فياريت لو حد يرشحلى عربيه مستعمله فى الموصفات الى انا عايزها و تكون فى حدود 75 الف جنيه