ما هي السرعة القصوى للشارك ؟

**C500** · 01-07-2010 03:38 PM

ارجو القراءة الى اخر سطر فى المشاركة دى
يا جماعة ليه السرعات العالية كدة حرام عليكم نفسكم وشبابكم يضيع علشان منظر عداد وتبقى وسط اصحابك انك قفلت عدادك انا كنت بمشى بال BMW 316i موديل 2005 كنت بقفل العداد تقفيل اصلى وايه اللى انا استفادته لما اتقلبت بيها مع انها فيها كل وسائل الامان بل افضل وسائل الامان العالمية والحمد لله طلعت سليم منها بس للاسف

1- عربيتى ادمرت وخسررت فيها اكتر من 170 الف جنيه بعتها حوادث
2- قعدت سنتين من غير عربيه وافلست وانا لسه فى بداية مشوار حياتى
3- بعد ما كنت راكب المانى مع احترامى لكل ملاك اليابانى اشتريت لانسر شارك زيرو من شهر
4-كنت ممكن اخسر اى حاجة من جسمى واعيش باقى عمرى باى عاهه لا قدر الله والحمد لله اتسترت
5- كل ده بسبب انى اشوف منظر العداد .............الخ ودى حوارات فاكسة

ومن ساعتها اخر سرعة 120 ببقى مبسوط وارجع بيتى سليم واقعد وسط اصحابى مش مكسوف من رجل اتقطعت لاقدر الله ولا عين ضاعت .............الخ
وكل يوم اشوف عربيتى واقفة سليمة بجد اى حد عمل حدثة بعربيته يقولنا كان احساسة ايه لما شاف عروسته اتبهدلت
وصدقونى مش عيب انك لو اصحابك هاتشد على اى طريق انك تقول انك out ومش داخل معاكم
ومش رجولة ولا شياكة انك تدخل معاهم ولا مع اى حد على اى طريق بسرعات مش لازم تكون عندنا فى مصر وطرق السيراميك فى كل انحاء بلدنا المتقدمة الخضراء ام الدنيا زى ما كانوا بيضحكوا علينا زمان
اسف على الاطالة بس بجد مش عايز حد يمر باللى انا مريت بيه وربنا يحافظ عليكم ويبعد عنكم شر الشيطان وشر عيون الناس
نصيحة : متخليش حد يشمت فيك ويفرح بمصيبتك لا قدر الله

**SkyBird** · 01-07-2010 05:28 PM

اخي c500
ربنا يعوض عليك بس مش هو ده موضوعنا
الموضوع عن امكانيات الشارك في التوب سبيد
واللي بيجيب اقصى سرعه ده ممكن يجيبها مره واحده في حياته لمده ثواني على سبيل التجربه وهذا الموضوع لاينصح الناس انها تمشي على 220 طول الوقت
انا مثلا جبت بعربيتي 140 كم /س وده معناه اني عملتها مرة واحده وكنت مرعوب وخفت ازود عن كده ولم يستمر العداد على 140 الا خمس ثواني ورجعت ل 120 علطول
اعذرني وارجو ان تكون فاهمني

**C500** · 01-07-2010 10:04 PM

المشاركة الأصلية كتبت بواسطة skybird

اخي c500
ربنا يعوض عليك بس مش هو ده موضوعنا
الموضوع عن امكانيات الشارك في التوب سبيد
واللي بيجيب اقصى سرعه ده ممكن يجيبها مره واحده في حياته لمده ثواني على سبيل التجربه وهذا الموضوع لاينصح الناس انها تمشي على 220 طول الوقت
انا مثلا جبت بعربيتي 140 كم /س وده معناه اني عملتها مرة واحده وكنت مرعوب وخفت ازود عن كده ولم يستمر العداد على 140 الا خمس ثواني ورجعت ل 120 علطول
اعذرني وارجو ان تكون فاهمني

طبعا فاهم كلامك وان ده مش موضوع نصائح
بس هايشجع كل اللى معاه لانسر شارك ومجربش اقصى سرعة ليها وهايحاول يجرب والمشكلة ممكن تيجى معاه هو صدفة
وصدقنى العربية بتجرى وقوتها عالية وممكن تقفل ال 220 بالراحة
واسف جدا على تداخل المشاركة منى من موضوع لموضوع تانى خالص

وعن تجربة احد الاصدقاء للعربية لانسر شارك 220 مستريح مع 6000 لفة للموتور
وياريت اللى هايجرب اقصى سرعة لعربيته يختار الطريق الصح علشان ميندمش سنين على غلطة
وبرضة عند رأى اللى لسه كجربش اقصى سرعة ليها وما يحاولش يجرب وسيتمتع بالعربية بقيادة متزنة واكثر تحضرا

**SkyBird** · 02-07-2010 05:56 AM

والله يا باشا انا عجبتني جزئية في كلام حضرتك ونفسي تعملها في موضوع منفصل علشان ياخد حقه ويكون مرجع لان احساسك صادق فيها
وهي الجزئية دي

وصدقونى مش عيب انك لو اصحابك هاتشد على اى طريق انك تقول انك out ومش داخل معاكم
ومش رجولة ولا شياكة انك تدخل معاهم ولا مع اى حد

والحمدلله ان حضرتك فهمتني

ولو اني اختلف مع حضرتك في الجزئيه دي

بس هايشجع كل اللى معاه لانسر شارك ومجربش اقصى سرعة ليها وهايحاول يجرب

لاني شايف العكس
ممكن اللي معاه شارك او يحاول يشتري يستفيد من تجارب زملاؤه وميجربش ويكتفي بالمعلومة ويكون عرف امكانيات عربيته

**M.Akef** · 02-07-2010 02:46 PM

انا شفت فيديو لواحد صحبي 230 و قال انه قفل ال240 اول ما جبها و دي كل ملاكها
لكن الي متفق عليه كل الي قبلتهم و معاهم شارك بعد ال200 العربيه بتبقا في وادي تاني يعني عشان تزيد كيلو ادامك 4 دقائق يعني ممكن نقول سرعه قصوي 200 و بعدها عشان تجيبه ادامك فتره طويله!

**Ralliart** · 02-07-2010 03:18 PM

استاذ c500 انا متفق معاك 100% انت جبت من الآخر
المهم في العربيه تسارعها مش سرعتها القصوى لان الواحد ممكن يحتاج التسارع كل يوم لكن السرعه القصوى اعتقد ان مفيش حد في مصر هيحتاج يمشي على 200 والا يركب طياره احسنله واامنله
ولو حد جرب يقفل العداد هيتبسط كام ثانيه وبعد كده خلاص مزادش حاجه ولا قل وعرض نفسه للخطر وخلاص
ربنا معاك وحاول تستمتع بعربيتك وربنا يعوضك خير واحمد ربنا لان دا درس ممكن يغير حياتك وطريقه تفكيرك للافضل

**C500** · 02-07-2010 03:42 PM

انا اسف جدا ان كنت تسرعت فى مشاركتى
واقصى سرعة للعربية هيا 220 واتحدى حد يصورلى 230 او 240
لان 220 فى الشارك بتيجى بعد اكثر من دقيقتين وثبات العربية مايستحملش مع الطرق بتاعتنا اكتر من 10 ثوانى بعد 210
او يكون واحد مستغنى عن عمره ومش فارق معاه ومستعد للانتحار فى اى مطب هوائى او حفرة .....الخ
والعربية بجد جميلة جدا وتسارعها عادى خالص مفهوش فرق مع ال 1600 خالص
لان ال 100 سى سى مش فرق
ال golf فى منها 1400 سى سى ومع ذلك عفوا لكل ملاك اليابانى او الكورى
لانسر شارك بالموتور 1500 نيو تكنولوجى نفس تسارع 1600
ويمكن هيا بطيئة شوية فى الاوتوماتيك وده عادى جدا فى كل العربيات
وده السبب اللى خلى المهندسين تعمل ستيبترونيك فى اغلى سيارات العالم راحة الاوتو وقوة المانيوال
وكمان استهلاك الوقود فيها جميل جدا

**M.Akef** · 02-07-2010 04:37 PM

انا متفق معاك اخي c500 لكن بعض الاوقات يكون داخل الانسان رغبه في معرفه قوه السياراه الذي يملكها و يجب في هذه الحاله اختيار التريق و الوقت الصحيحان و ربنا يستر بردو
لكن عموما مع اني بجري و بغرز و بعمل كل حاجه لكن كل ده لا يتعدي سرعه ال140 لاننا في مصر ولا احب ان ارف عن هذه السرعه لان طرقنا اغلبها 90 كيلو و انا شاكك اصلا انها تستحمل ال90 و كمان مفيش نظام ولا في عربيات محترمه تجري بيها و انت مطمن

**kemoelord** · 02-07-2010 07:27 PM

المشاركة الأصلية كتبت بواسطة C500

انا اسف جدا ان كنت تسرعت فى مشاركتى
واقصى سرعة للعربية هيا 220 واتحدى حد يصورلى 230 او 240
لان 220 فى الشارك بتيجى بعد اكثر من دقيقتين وثبات العربية مايستحملش مع الطرق بتاعتنا اكتر من 10 ثوانى بعد 210
او يكون واحد مستغنى عن عمره ومش فارق معاه ومستعد للانتحار فى اى مطب هوائى او حفرة .....الخ
والعربية بجد جميلة جدا وتسارعها عادى خالص مفهوش فرق مع ال 1600 خالص
لان ال 100 سى سى مش فرق
ال golf فى منها 1400 سى سى ومع ذلك عفوا لكل ملاك اليابانى او الكورى
لانسر شارك بالموتور 1500 نيو تكنولوجى نفس تسارع 1600
ويمكن هيا بطيئة شوية فى الاوتوماتيك وده عادى جدا فى كل العربيات
وده السبب اللى خلى المهندسين تعمل ستيبترونيك فى اغلى سيارات العالم راحة الاوتو وقوة المانيوال
وكمان استهلاك الوقود فيها جميل جدا

انا متفق معاك تماما يا استاذ c 500 من اول الكلام عن خطورة السرعه الزائده وكده وفعلا الشارك يوم لما نعمل ايه اخرها 220 ومستحيل تجيب 240 ومش هصدق لان السرعه دي معموله للشارك ام 2000 سي سي , اما لو الجولف ال 1400 سي سي تسارعها وسرعتها احسن لاني الصراحه ما جربتها بس اذا يعني طلعت احسن هيبقى هو ده الفرق بقى بين الالماني والياباني والكوري وهو ده
لب الموضوع الي الناس مش عاوزه تفهمه

**C500** · 02-07-2010 09:08 PM

القصة مش قصة كورى ولا يابانى ولا المانى .............. الخ
الموضوع حياتك اغلى من اى عربية

ربنا يحافظ علينا كلنا ويكفينا شر ال وال

الموضوع: ما هي السرعة القصوى للشارك ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

السرعة القصوى للمازدا 3

ما هى السرعة القصوى لنوبيرا والانوس؟

السرعة القصوى للنيواكسنت

السرعة القصوى للسيارة

رأيك في حدود السرعة القصوى في مصر

الكلمات الدلالية لهذا الموضوع

المفضلات

المفضلات

ضوابط المشاركة