محتاج ألاجابة على وجه السرعة لو سمحتوا

**bassoom007** · 06-06-2010 01:15 AM

انا أدامى مكنة honda cbr 250 عاده موديل 89 استيراد ..لسه معلقتش نمر .....المكنة ماشاء الله ..موتور

سليم مش حالل ..والفايبر سليم ومش راشش بس الراجل قالى ان التانك راشش ورنيش ميتاليك ..معرفش

يعنى ايه ....والمكنة صوتها ناعم ....الشكل العام كدة المكنة زى الفل ....بس فى حاجة كدة...مقلق منها.. العداد عامل

30.000 كيلو متر ..هل ده كتير والمكنه تعبانه .. ولا معقول ولاوحش ....ولا هى اصلا مش بالكيلو مترات ...وهو

المكن ده اخرة كام فى الكيلومترات علشان تقول ان المكنة جابت أخرها....مستنى الردود يا جماعه..شكرا

**V1P3R** · 06-06-2010 01:32 AM

العمر الافتراضى من 80 ل 90 الف ,, بالنسبة للورنيش دا عادى عشان التلميع مش اكتر وبالنسبة لموضوع ال 30 الف انا شايف انة عادى بس بينزل فى سعر البايك يعنى دى لو اسد واقف وافراج وماشية 30 الف هتتكلم فى 12 ونص او 13 مش زيادة جنية

**QaTaR** · 06-06-2010 01:33 AM

المشاركة الأصلية كتبت بواسطة bassoom007

انا أدامى مكنة honda cbr 250 عاده موديل 89 استيراد ..لسه معلقتش نمر .....المكنة ماشاء الله ..موتور

سليم مش حالل ..والفايبر سليم ومش راشش بس الراجل قالى ان التانك راشش ورنيش ميتاليك ..معرفش

يعنى ايه ....والمكنة صوتها ناعم ....الشكل العام كدة المكنة زى الفل ....بس فى حاجة كدة...مقلق منها.. العداد عامل

30.000 كيلو متر ..هل ده كتير والمكنه تعبانه .. ولا معقول ولاوحش ....ولا هى اصلا مش بالكيلو مترات ...وهو

المكن ده اخرة كام فى الكيلومترات علشان تقول ان المكنة جابت أخرها....مستنى الردود يا جماعه..شكرا

تعملها 13 الف او 13 ونص تقريبا على حسب حالتها
الفايبر يبان انه راشش ولا لا وديه لاي واحد بيرش بايكس عند الشيخ في فيصل او ميشو في ابو العلى
يفكوا ويشوف راشش ولا لا لو راشش نزل في سعرها
بالنسبه للتانك راشش ميتالك ؟؟؟؟؟؟؟؟ ممكن يكون كان فيه خبطه واستعدلها وراشه وديه متبنش الا لما يحل التانك عند اي ميكانيكي يبوص في اي اثار خبط او لحام

بالنسبه للعداد مش مهم عامل كام المهم حالة الماتور حالل ولا لا و 30 الف كويس والعداد ميهمش في حاجه
انا ممكن اخليهولك 5000 كيلو هههههههههههه

البايك لو ماشيه من 5000 ل 20000 الف تبقى جيده جدا من 25000 ل 50000 الف تبقى جيده من 60000 ل 90 الف تبقى كويسه ومحتاجه تغير حجات

الافضل وديها لميكانيكي ممكن توديها عن احمد فهمي او الشاهاوي عنده واحد اسمه هاني اديله 50 او 100 جنيه ويراجع على كل حاجه بالتفصيل

**bassoom007** · 06-06-2010 04:02 AM

شكرا جدا على الردود يا جماعة .....بس فى نقطة مهمة ...انا بقالى شهر بدور على مكنة وتقريبا لفيت عند

كل التجار إللى فى مصر...أحمد فهمى...أيمن فوزى ..وائل بليد ..تامركو..زجمار..ابو حوا ..البربرى..كل التجار

بجد يا جماعة...اولا ال honda 250 شاحح جدا جدا ....ولو لاقيت ...افراج بيبقى رنجها من 14500 الى 15500

بصراحة مشوفتيش اى مكنة سعرها زى اللى انتو قولتووه 12000 و 13000 وساعات بيبقى راشش كمان

دانا كنت عند احمد فهمى فى عندة honda 250 ومعلقه نمر ورشة كمان وقالى 13500 مش عارف والله اعمل ايه

**Nour_safwan** · 06-06-2010 06:32 AM

يا جماعه فعلا مفيش في مصر 250 خالص والأسعار بتاعتكوا دي ولا في الأحلام
معروفه
مكنه 250 إفراج مامشيش في مصر بيعمل 14500 أو 15000
أقل من كده تبقى فيها عيب خلقي
فيه واحده عند معرض في أول الهرم حلوه مامشيتش في مصر بيتكلم في 15000 بس انا حاسس إنه ممكن ينزل عن كده وهو زوق جدا كلمته في التليفون أستفسر منه بس ماروحتلوش لسه
وده لينك الإعلان بتاع 250
ط§ط¹ظ„ط§ظ†ط§طھ ظ…طµط±ط§ظˆظ‰ ط§ظ„ظ…ط¨ظˆط¨ط© ط§ظ„ظ…ط¬ط§ظ†ظٹط© - CBR 250
وده لينك لنفس الموقع بس إعلان 400
ط§ط¹ظ„ط§ظ†ط§طھ ظ…طµط±ط§ظˆظ‰ ط§ظ„ظ…ط¨ظˆط¨ط© ط§ظ„ظ…ط¬ط§ظ†ظٹط© - Honda CBR 400
يله ياعم عيش حياتك بس لو خلصت في 250 قولي عشان كنت هاروحلو عليشانها بس لسه الفلوس ما كملتهاش
ربنا يوفقك

**Nour_safwan** · 06-06-2010 06:34 AM

مش عارف اللينك بقى عامل كده ليه ومش عارف هايدخلك ولا لأه
جرب حظك
قشطه؟

**bassoom007** · 06-06-2010 07:22 AM

يا باشا ..انا قدامى وحده أخت دى بالظبط فى معرض فى عابدين وعاملة 15.000 كيلو وفبريكة الفبريكه ..انا كنت

حاخدها بس للأسف انا مش بحب الوان فرنسا ..والمكنة دى ممكن تخلص على 14500 لو عايز تشوفها قولى

ونروح نتفرج عليها

**KHALED2010** · 06-06-2010 08:55 AM

يلا على البركة

**KHALED2010** · 06-06-2010 09:04 AM

[overline][overline]بص بقى يا باشا اسمعها منى معلومة واجرى على الله
انتا اولا لما تيجى تجيب البايك بتقول انه شاحح وانا معاك فى ديه ...............طب ليه شاحح ؟؟؟؟؟؟؟؟لان فى ناس كتير جايباه نظرا لقله سعره يعنى سعره على اد الايد ..................طيب انتا عايز تجيب واحدة افراج ليه علشان ممشيتش فى مصر وتجبها ب 14000 مثلا طب ماتشوف اى واحد عارض واحدة للبيع وتاخدها منه على 11000 ولا حاجة وانتا اولى بالفرق ده علشان لما تيجى تبيع ماتخسرش كتير وبعدين فيها ايه لما يكون ماشي فى مصر شوية هيا مصر مالها يعنى هوا اكيد كان خايف عليها بردوا وحافظ عليها اكتر من صاحبها ال بره وده لانه اكيد تعبان فى فلوسها صح ولا ايه ............انا لما جيت اجيب البايك جبتها مستعمله من واحد وخلصت فيها على 10000 مشيت بيها 5 شهور وبعتها من يومين على 11500 اه مش هقولك كسبان لانى صرفت عليها بردوا شوية كماليات كده بس بردوا اسمى مخسرتش فى السعر الاساسى اضافة عليه سعر الكماليات فنقول انا خدت متعتها بسعر الكماليات مش اكتر فارجوا يكون قصدى وصلك وراجع نفسك قبل اى حاجة والسلام ختاااااااااااااام .........................[/overline][/overline]