يوم المخالفات العالمى ردار - عكس اتجاه
انهارده يوم غريييييب وطويييييييييل
فيلم عربى ححكيلكم عليه
كنت رايح مشوار وقولت اطلع من الدولى وادخل من داخله كارفور
المهم دخلت من الدخله بتاعه 45 ماشى عادى 90 -100 ككل العربيات الى ان وصلت تحت الكوبرى ومسكت الدولى متجه الى كارفور
وبعد 100 متر او اكتر لاقيت عربيه 128 واقفه وواحد بيشاورلى بأيده اشاره الفلاش او النور العالى
المهم العربيه بتاعته مكانش فيها فوانيس ورا ولا ادام فخفت اقف يكونو حراميه ولا الله اعلم عاوزين ايه وطلولت وعلى مرمى البصر لاقيت لجنه ففهمت على طول ووقفت فى ساعتاها
ورجعت لبتاع ال 128 لاقيته بيقوللى انت اتصورت رادار !!!
طبعا وشى جاب الوان وانا كنت ماشى 110 تقريبا قولتله هى السرعه المحدده كام قالى 80
اتصلت بواحد صاحبى قالى ياتعدى الكمين وتدفع 150 جنيه يا تاخد الوصل وتدفع 300 جنيه فى المرور :120146b:120146b يا تجبلى الوصل وانا اجبلك ارخصه وابقى ادفع ال300 بعدين
طيب اعمل ايه اعمل ايه قولت اقف مكانى اتفرج ايه الى حيحصل واشوف بتاع ال128 التانى حيعمل ايه واتفرج على عربيته لاقتها متهبطه وشكلها حلو
رحت اكلمه لاقيته مفيم العربيه كلهاااااااا ومفهاش اشارات ولا فوانيس بيعمل فيهم رينجات ومفيم الازاز الى ادام ومعهوش رخصه قياده ولا رخصه العربيه وطلع من طنطا
وطبعا واقف لحد مالكمين يمشى قولت يلا اقف معاه اونسه مهى خربانه خربانه
اتارى ايه انا شايف عربيه مرور البيجو الكحلى دى معديه الصف التانى وشافتنا واقفين وفهمت ان فيه حاجه قامت لفت وجات لينا ونزل منها ظابط و2 عساكر
واقفين ليه يا شباب قولته عادى بنتكلم قالى الرخص طب لو سمحتو
طلعتله الرخص وقولت اااااااااه حدفع يعنى حدفع دا اذا مطلعليش غرامه زياده او سحب الرخص او عملها هروب من كمين يلا مهى كملت
الواد بتاع ال128 معوش غير عقد العربيه طلعه وطلع البطاقه طبعا التانى لقا لقــــــــــــــيه بقا زبووووووووووووووووون راح ضاحك وقاله انو بتهرجو والله بتهرجو المهم ضحك ضحكه صفرا وادانى الرخص وقالى امشى قولتله انا واقف مع الشباب شويه قالى منا حمشيهم هما كمان
اخدت العربيه ومشيت وقولت انا مالى لحسن يطلع معاهم مخدرات ولا مصيبه تانيه وياخدنى معاهم
المهم مشيت واكتشفت ان الكامين مشى هو كمان الحمد لله
هديت شويه عشان اتكلم فى الموبايل لاقيت الواد بتاع ال 128 ماشى ورا العربيه بتاعه المرور وشويه ووقفو فوق كوبرى مش عارف ليه ونزلو يتكلمو قولت انا مالى شكله حوار كبير
بس خلصت مشوارى وقولت اروح سموحه وانا مااشى عااااااااادى فى شارع ضيق متفرع وحارتين وقبل اخر الشارع كان فيه مفترق طرق طبعا انا كملت فى طريقى عادى مليش دعوه
وطالع منه على ميدان وفيه اشاره لاقيت العسكرى بيوقفنى وقولى كده مخالفه انت ماشى عكسى وطلع الدفتر وبيكتب مخالفه سبت العربيه فى الشارع ونزلتله وطلعت 5 جنيه واديهالو داير وشه وقالى لا (مش عارف عنده ضمير ولا معجبتهوش ال 5 )
قولتله لا ايه انا معرفش ان ده شارع اصلا اتجاه واحد ده حتته شارع صغير وماشى فى طريقى عكسى ايه وفين الى يبين انه عكسى يقولى فيه يافطه فى اول الشارع طب يا عم انا اسف ومعلش وانا حنتبه للطريه ولا العربيات الى ماشيه ولا حبص على اليفط قالى ماشى خلاص قولتله خلاص ايه حتكتب المخالفه (هو كل ده مكتبهاش بس حفظ رقم العربيه ) مردش عليا وقالى بعد كده خلاص خلاص قولتله طب شكرا ومشيت وشفته فى المرايه طلع دفتر وقلم طبعا خلالالالالاص على اخرى
مسك الختام بقى اخر اليوم بقا قابلت واحد من زماااااان الراجل ده كل لما اشوفه يحصلى مصيبه المهم كلمنى وهو عمال يبص للعربيه مش ليا وعمال يتفرج قولت عااااااادى يا واد كبر دماغك ربنا هو الحافظ المهم سبته ووصلت لاخر الشارع اركن العربيه الباب الى ورا اتحك واتطبق والبويه اتحكت من الرفرف لاخر الباب الى ورا :hlopaet_prv:
طبعا كده كملت على الاخر يوم جميييييييييييييل جداااااااااااااااااااااا
ده بقا غير كام عركه على كام حادثه صغيره شفتهم حاجات كده تفتح النفس
يلا اروح انام قبل ماليوم يختم وحاجه تانيه تحصل
طولت عليكم بس قولت افضفض معاكم قبل مطق استحملونى
سؤال الفيلم بقا
كده مخالفه الرادار اتسجلت صح
والعسكرى كتب المخالفه ولا لا
لو عرفت اجابه السؤال اتصل بيا او ابعت رساله خااصه هههههههههه