الموضوع: ماذا تفعل إذا أكتشفت عيوب صناعة أوعيوب تقفيل أوالتوكيل أستهبل عليك أثناء ضمان سيارتك؟

السلام عليكم ...

لو سيارتك ظهر فيها عيوب صناعة أو عيوب تقفيل او أعطال اثناء فترة الضمان ؟
والتوكيل عملت معاه المستحيل ومعرفتش تأخد منه حق ولا باطل .... يا ترى وقتها تتصرف أزاى؟

خليك ايجابى عشانك وعشان غيرك (قريبك - جارك - ابن بلدك) عشان ما يعانوش من نفس مشكلتك، وانت كمان دافع فلوس مش زلط. الى بيحصلك فى التوكيلات دا ليك دور فيه ... لأنك قبلت بالوضع ولم تحاول تغيره.

اناشد كل مالك سياره ... لو عندك مشكله مزمنه (واكيد موجوده عند غيرك من مالكى نفس الفئة)، والتوكيل فشل فى حلها أو منحك حلول مؤقته قصيره الاجل: اكتب مشكلتك بشكل تقنى وافى بالمعلومات (وتسلسل الاحداث) وارسلها بشكل شكوى للشركة الصانعة، واطلب منهم حضور خبير لفحص السياره ، أو سفر السياره لفحصها (على أن يتحملوا مصاريف السفر وبولوصية التأمين والتخليص الجمركى)، ونوه فى أخر الخطاب انك فخور بسيارتك وانك متأكد ان مشاكل سيارتك ما هى الا خطأ غير مقصود يجب تصحيحه، وأنك تقدرهم وتحترم صناعتهم ومتأكد من تفهم لمشكلة سيارتك وقدرتهم على حلها (بعد فشل توكيلهم فى بلدك على حلها)، وتقدريك وأحترامك لصناعتهم هو ما دفعك لمراسلتهم بدلاً من مقاضاتهم ونشر مشكلتك.

هذه الشركات (الشركات الاوربيه واليابانيه والامريكيه) تعتمد على سمعتها (كلنا سمعنا عن ما فعلته تويوتا للحفاظ على اسمها)
فعند زياده عدد الشكاوى الناتجه من سيارات انتاج مصنع محدد أو مشاكل نتيجه وكيل محدد ... سيكون لهم رد فعل ايجابى، اكيد فى صالح الزبون

اتذكر احد المعارف (استاذ جامعى) اشترى سياره بيجو ، وبعد شهرين تأكد أن فيها عيب تصنيع ، رجع للتوكيل ، وكان موقفه محدد (السياره فيها عيب تصنيع ويجب استبدالها، وليس حلول مؤقتة) ، رفض التوكيل (أخبط دماغك فى الحيط) حتى لا يتكلف مصاريف الاستبدال ، ما كان منه الا ان قام بمراسله الشركه المصنعة ، بعدها صاحب التوكيل اتصل عليه وقاله سيارتك الجديده جاهزه ، شرفنا حضرتك بالسياره المعيبه واستلم الجديده ، وقد كان.

أرجوا أن يتفضل احد الاعضاء اللغوين التقنين المحترفين بكتابتة نموذج شكوى يصلح لجميع الاغراض، ومن له تعليق أو تعديل على جزء منها يطرحه حتى يتم الاتفاق على نموذج شكوى ، ثم يتم ترجمته الى الانجليزيه ، مع ترجمة بعض الجمل لوصف مشاكل منشره او مشهورة ، وارجوا من يعرف ايميلات الشكوى للشركات (GM ، Ford ، Hyundai ، Peugeot ، KIA ، ... الخ) أن يتفضل بطرحها مشكوراً، بعد تداول الاراء والاتفاق المجمع نطرح موضوع جديد يحتوى نموذج الشكوى المتفق عليها سبل الاتصال بالشركات.

أيضاً كل من لديه اى معلومه أو أسلوب استخدمه ونجح معه استطاع به الحفاظ على حقه أن يذكر تجربته ليستفيد منها باقى الاعضاء، سواء كانت مع توكيل او من خلال قسم الشرطة أو من خلال جهاز حماية المستهلك، أو حتى بالدراع، ان يذكر الخطوات التى قام بها (والعناوين) هذه المؤسسات ... ليستفيد الجميع.

شكراً ... واتمنى ان تنول الفكره قبولكم

أبـو آســـــر ... قصتك وموضوعك هو ما دفعنى للتفكير فى هذا الموضوع
شكراً جزيلاً لشجاعتك الادبية وايجابيتك



Eng.M Mahran شكراً على تعليقك

المشاركة الأصلية كتبت بواسطة Eng.M Mahran

والحلول بتكون مخاطبة التوكيل اولا

المشاركة الأصلية كتبت بواسطة NoraMagdy

والتوكيل عملت معاه المستحيل ومعرفتش تأخد منه حق ولا باطل

Hegazio شكراً على تعليقك (أكيد: ما ضاع حق وراءه مطالب، لكن لو ماخدش حق ولا باطل ... تعمل أيه؟)

المشاركة الأصلية كتبت بواسطة Hegazio

فعلا .. و حتاخد حقك حتاخده .. بس ما تبقاش سلبي و تقعد تحسبن و خلاص

المشاركة الأصلية كتبت بواسطة NoraMagdy

والتوكيل عملت معاه المستحيل ومعرفتش تأخد منه حق ولا باطل

kemoelord شكراً على تعليقك

المشاركة الأصلية كتبت بواسطة kemoelord

2- بالنسبه لارسال شكوى الى " الشركة الام " فهي غاليا لا تاتي بثمارها الا اذا كانت المشكله عااااااااامه او اتعرض لها عدد وفير من الناس ففي ذلك الوقت نجد اهتمام من الشركة المصنعه او الام من ارسال وفد الي مكان الي ظهرت فيها المشكله زي ما حصل الكلام ده من شركة تويوتا.

المشاركة الأصلية كتبت بواسطة NoraMagdy

لو سيارتك ظهر فيها عيوب صناعة أو عيوب تقفيل او أعطال اثناء فترة الضمان ؟

mustafaibrahim شكراً على تعليقك

المشاركة الأصلية كتبت بواسطة mustafaibrahim

لو العيب عام بمعنى ان الشركة الفلانية عملت السيارة x

والسيارة x ديه فيها مشكلة او عيب صناعة او حاجة بايظة الموضوع هيتعرف فالعالم كله و هيتحل بطريقة التصليح(عشان نكون منطقيين و واقعيين) و كمثال تجربة تويوتا سحبت 8 مليون عربية وصلحت العيب و رجعتهم تانى

يعنى مش هتنتج 8 مليون عربية جديدة عشان تديها للناس

ممكن يكون سبب المشكلة تقفيل السيارة فى مصنع محلى
يعنى مثلاً (شيفورلية افيو) بتتقفل هنا فى مصر ، هل السيارة المتقفلة فى مصر ذى المتقفله فى امريكا؟ أنظر هذا الموضوع
او سياره ذى (لادا) بتتقفل هنا فى مصر ، هل السيارة المتقفلة فى مصر ذى المتقفله فى روسيا؟
او سياره ذى (اوبل) بتتقفل هنا فى مصر ، هل السيارة المتقفلة فى مصر ذى المتقفله فى ألمانا ذى المتقفله فى البرازيل؟
اساسا فى فرق فى السعر بين التقفيل المحلى والتقفيل الاجنبى. وبمناسبة ذكر مشكلة تويوتا ، فسيارات تويوتا المقفله فى اليابان لم تظهر فيها المشكلة.

أقصد ممكن يكون المصتع المحلى الى بيجمع العربية بيسترخص أو بيستهبل، فالمشكله مش عالميه ولا حاجه، لكن محلية، لكن بالنسبه لك سواء اى عربية عندك فى السوق المحلى فيها العيب، ومش موجود بره (لو المصنع المحلى مش بيصدر بره) ، او ممكن كمان يكون بيصدر بره بمواصفات وبينزل السوق المحلى بمواصفات أخرى.

السيارة المقفله محلى: بعض مكونات السياره تكون محلية، وبعض المكونات الاخرى تكون جايه من بلادها، والبعض الاخر يكون مستورد من طرف ثالث. (الطرف الثالث هذا يحدده المصنع المحلى، وليس المصنع الام).
ممكن تكون الفروق طفيفة وممكن تسبب كوارس.



elassar2010 شكراً جزيلاً
Nistelrooy شكراً جزيلاً
احمد عبدالله شكراً على مداخلتك