شكرا ياباشا
عموما ياباشا انا بكره وانا نازل الشغل او ح عدي ع التوكيل واسالهم نظام البولندي بتاع عمو منصور واقولك الخبر الصافي ....
عرض للطباعة
شكرا ياباشا
عموما ياباشا انا بكره وانا نازل الشغل او ح عدي ع التوكيل واسالهم نظام البولندي بتاع عمو منصور واقولك الخبر الصافي ....
بالنسبه لتوكيل فولكس ..
انا الى اعرفه انه زحمه ..
انما كخبره و معامله بصراحه حسب تجربه عضو معانا الى غير الفتيس ..
توكيل محترم جدا جدا جدا ...
الفتيس اتغير فى الضمان ...
بالكامل مع انهم ممكن يستعبطو و يقولو اصلك بتسوقه غلط ..
اصل مش عارف ايه و يدخلو معاه فى حوارات ..
و مع ذلك انا برده شايف ان الجولف خساره فيها الفلوس بالكماليات دى ..
ليه مفكرتش فى الميجان الهاتش ؟؟
عربيه كويسه و توكيل مفيش احسن من كده فى مصر ..
و البرافو ..
عربيه ممتازه انا شخصيا جربتها ..
غيرت فكرتى تماما عن فيات و اديك شايف بتشقلب للحاج عشان اجيب لينيا :M_yes[1]:
والبرافو بصراحه كماليات كويسه جدا جدا و موتور اقل ما يقال عنه جبار ..
و توكيل مش وحش و مش ممتاز ....
يعنى لا هو منصور ...ولا هو توكيل رينو..
بصراحه انا لو مكانك هجيب اى حاجه الا الاسترا ...
انا مش عاوز ازود فى الكلام عشان الموضوع غير مخصص لكده ..
بس فعلا توكيل سىء جدا جدا جدا و حرام الواحد يدفع فلوس فى عربيه هو توكيلها
مفيش تعب ولا حاجه
ولا يهمك ياباشا متقلقش
انا عارف انه اي حد يشوف العربيه ح يشتد اعجابه بها وان شاء الله ربنا يكرمك وتجبها
طيب دة كدة توكيل فولكس تمام امال الناس بتقول وحش ليه ،دة الفيتس DSG تمنه 71 ألف جنيه .:8954[1]:
تمام معك حق أنا مش داخل دماغي السعر بتاع الجولف baseline أبداً بالنسبة لتجهيزاتها ،عشان كدة ببص للاسترا.غولف TSI غالية موت بس تستاهل بس صعب بالنسبة لي .
فيات برافو جميلة بس أنا بقالي 15 سنة بسوق فيات ،الوالد مكنش مقتنع باي حاجة غيرها ،أنا بقى زهقت و عايز أغير .megane بقى ديه حكاية تانية ،أنا كنت حاجز الفلونس أختها و سبحان الله ،مرتين يا خالد باشا قبل الاستلام بيومين كارثة تحصلي لم نفسي قفلت من رينو كله و لغيت الحجز ،شفت بقى ليه أنا بقول غولف أو استرا بس ،معلش طولت عليك .
جامده بهبل
يا باشا لا طولت ولا حاجه احنا اخوات ...
بس انا شايف انك تستحمل و تجيب برافو ..:F_eyeb1[1]:
و هى عموما غير اى فيات تانى ..
انا ركبتها اول كلمه قلتها لما كبست بنزين ..
ايه قله الادب دى ؟؟؟
فعلا سحب قليل الادب و مش متربى كمان :colsmil:
طبعا مش سحب بس ..
فرامل
شكل
ثبات
تصميم تابلوه
كماليات
هى بينى و بينك اقل من الاسترا ..
اقل شكلا و تكنولوجى ..
بس التوكيل يا بيه هيكرهك فى الاسترا و الى عملو الاسترا ...
ابسط كلمه هقولهالك انا لما الفيكترا نزلت برا ..
والله كنت بدعى ربنا انى فى يوم من الايام يبقى عندى واحده ..
النهارده بدعى ربنا يخلصنى منها و مش عارف ابيعها ..ولا عارف ارتاح منها ..
و خلينى بقى كاتم جوايا عمايل منصور :I_angr1[1]:
الله يكرمك يا باشا ،إن شاء الله ربنا يعوضك و يكرمك باحسن عربية ،و تبعد عن حبيب الملايين خالص،ادعيلي عشان أخد قرار صح ،أنا شفت بردو البرافو امبارح عربية جميلة ،بس بردو عايز أجرب حاجة تانية و مقلق من الفيتس duallogic و البرافو 150 حصان منوال يعني برة الحسابات و أماترة مقرف بردو يا خالد ،دة في قسم فيات هرينهم شكاوي لفيات إيطاليا ،ربنا يفرجها من عنده
الديالوجيك عندى فى الفيكترا بس اسمه ايزى ترونيك ..
انا جربت الديالوجيك ..
كل الموضوع ان فى احساس بالنقله ...
بس بأمانه اقل من الاوبل ..و الشويه الى ركبت البرافو فيهم محصلش اى غلطه من الفتيس على عكس الاوبل الى الفتيس اوقات بيغلط ..بتسمع رزعه فى النقله بس مش دايما..
بصراحه بقى انا مش عارف اقولك تجيب ايه ..
تخلص فى الفيكترا بتاعى ؟؟
دى فابريييييييييكه بالكااااااااامل :POINTIy2[2]: