السلام عليكم ورحمة الله وبركاته
احبائى اعضاء منتدى البريليانس المحترمين
الزمان : السبت 5/6/2010 الساعة 1 ظهرا
المكان : مركز كبير ومحترم لتغيير الإطارات - مدينة نصر
الحدث : تغيير كاوتش السيارة ال FRV بعد ما قطعت 50000كم
الكاوتش الجديد : Dunlop® Tires
اليكم الأحداث بالتفصيل
توجهت الساعة الثانية عشر ظهرا مع صديق لى للمرور على محلات الكاوتش ناخد نظرة عامة على الأسعار
انا كنت حاطط ميزانية 2000 جنيه :dontudear: غصب عنى بس علشان اجيب حاجة كويسة .
المهم اتفرجت على البريلى كان ألمانى ب 560 وكمان الكونتينتال الفرنساوى 460 والميشلان والنيكسن
المهم شوفت البريدجستون بس للأسف المقاس بتاعى مش موجود وطبعا خدت لفه على 3 محلات
لغاية مرحت المحل اللى اشتريت منه محل كبير فى مصطفى النحاس مدينة نصر المهم كان فيه بريلى
وميشرن والدانلوب وبصراحة انا كنت اسمع عنه قبل كده فردة صناعة ألمانى ونقشة حلوة قوى
المهم بكام قالى 510 المهم رسينا على 500 واخد الأربعة القدام ب 100 وده لأنهم مقاس 15 لو كانو 14
كانو حيبقوا اغلى علشان اصحاب التاكسى بيشتروهم بقى الإجمالى 1900 جنيه اربع فرد ألمانى محترمين
ما شاء الله زى الفل .
المهم ركب ورصص وطلعت بالعربية بصراحة فرق شااااااااااسع جدا بين الكومهو والدانلوب العربية ناعمه جدا جدا
المطبات والنقر متحسش بيها ومفيش صوت نهائى للعجل والحمد لله.
عموما اصح الجميع بيه ...واللى عاوز يروح يغير يراسلنى على الخاص.
وعقبال الجميع ان شاء الله...