هل شاشة التليفزيون العادي والكمبيوتر مضرة للعين

انا سمعت ان شاشات التليفزيون العادي والشاشات العادية للكمبيوتر مش lcd بتاثر علي العين وعلي النظر وبالذات الاطفال نرجوا من المختصصين انهم يفيدونا في الموضوع ده لان صحة ولادنا غاليه علينا
وهما بيتفرجوا مدة طويلة عليهم

دي حاجه معروفة من زمان إن الشاشات العادية مضرة للنظر وخاصة للأطفال

أنا لما كنت باشتغل على شاشة الكمبيوتر القديمة كانت دايما عيني بتحرقني و بتحمر , و دلوقتي مستحيل أعد على شاشة عادية

لأ .. مفيش أي ضرر من الشاشه ديه او ديه
دي كانت من معتقدات الطب الخاطيء

http://www.nilemotors.net/Nile/75787-1.html

علي حد علمي أن سواء دي او دي بتأثر جامد وبتعمل استيجماتزيم في العين .....والله أعلم

اقتباس:

---

المشاركة الأصلية كتبت بواسطة ahmedsamir5edr

http://www.nilemotors.net/nile/75787-1.html

---

دكتور شريف قال إننا لو قاعدين قدام شاشة قطرها 20 بوصة لازم يبقى على بعد متر ونص

طبعا ده مستحيل مع شاشة الكمبيوتر , يبقى الموضوع مش خرافة لإن فيه ضرر من شاشات ال crt

وحضرتك ممكن تعمل بحث عن CRT monitor eye starin

انا هقول رأيى من ناحية تخصصى كمهندس الشاشات العادية اللى هى بتعمل بنظام cathod ray tube الإلكترونات اللى طالعة منها بتكون طالعة بسرعة عالية جدا فأكيد لو انت مش بعيد عنها بالقدر الكافى هتأثر على عينك

اقتباس:

---

المشاركة الأصلية كتبت بواسطة A_H_M_A_D

دكتور شريف قال إننا لو قاعدين قدام شاشة قطرها 20 بوصة لازم يبقى على بعد متر ونص

طبعا ده مستحيل مع شاشة الكمبيوتر , يبقى الموضوع مش خرافة لإن فيه ضرر من شاشات ال crt

وحضرتك ممكن تعمل بحث عن CRT monitor eye starin

---

الدكتور شريف كاتب ان دي بتسبب جفاف فقط للعين
مش ضعف أو حاجه
و طبعا الجفاف ده حاجه عينك بتصلحها ان معدل الرمش بيكون أكتر قدام الكمبيوتر عن لو مثلا في الشارع او بتقرأ في كتاب

أما لو حضرتك بتتكلم عن Eye strain مش starin علي حد علمي
فده معناه شد عضلي في عضلات العين الداخليه و ممكن تتجنبه باتباع قاعده ال 20 زي ما سبق و قال أستاذنا الدكتور شريف

و أكيد حضرتك قدامك نموذج لحد بيقعد يوميا ما لا يقل عن 10 - 12 ساعه قدام الكمبيوتر و نظره 6/6

مش كده ولا ايه ؟؟

وهو جفاف العين بسيط ياجماعة........ده حاجة مؤذية جدا للعين أكتر من ضعف النظر نفسه علي حد علمي.

طيب هل فى حل وقائى للموضوع دة لان انا بفضل امام شاشة الكمبيوتر فترات طويلة جدا سواء فى الشغل او فى نايل موتورز
وانا اللى اعرفه ان فى نظارات بيكون فيها طبقة anti reflection فهل النظارات دى مفيدة فعلا وبتحمى العين ؟
وهل لو نظرك مش ضعيف ممكن يتعمل نظارة مخصوص؟؟

اقتباس:

---

المشاركة الأصلية كتبت بواسطة ringoo

طيب هل فى حل وقائى للموضوع دة لان انا بفضل امام شاشة الكمبيوتر فترات طويلة جدا سواء فى الشغل او فى نايل موتورز
وانا اللى اعرفه ان فى نظارات بيكون فيها طبقة anti reflection فهل النظارات دى مفيدة فعلا وبتحمى العين ؟
وهل لو نظرك مش ضعيف ممكن يتعمل نظارة مخصوص؟؟

---

راجع مواضيع الدكتور شريف في العياده

فيها الأجابات ديه

اقتباس:

---

المشاركة الأصلية كتبت بواسطة ahmedsamir5edr

و أكيد حضرتك قدامك نموذج لحد بيقعد يوميا ما لا يقل عن 10 - 12 ساعه قدام الكمبيوتر و نظره 6/6

مش كده ولا ايه ؟؟

---

الحقيقة أنا قدام نموذج نفسي , لإني كنت بعاني جدا من شاشات ال crt

اقتباس:

---

المشاركة الأصلية كتبت بواسطة a_h_m_a_d

الحقيقة أنا قدام نموذج نفسي , لإني كنت بعاني جدا من شاشات ال crt

---

حضرتك كنت بتعاني من ايه ؟؟

لو من جفاف العين بسببها . ممكن جداا

انما ضعف نظر .. أقدر أقولك مستحيل