هية الستاير الكبس المرور بيسحب عليها الرخص؟؟!!!!!

**heshamzaky** · 13-06-2010 01:36 PM

موضوع الكاوتش الممسوح دة كتير فى الاسكندرية و ساعات بيعملو كدة على طريق السفر فعلا اى استهبال و السلام

**hosammoner** · 13-06-2010 01:53 PM

بالصدفة كدا يا جماعة انا رخصتى اتسحبت فعلا اول امبارح فى كمين عبود بسبب الساتر الكبس دى والغريب انه مدفعنيش غرامة فوريه قالى حضرتك تستلمها من المرور وادانى وصل باسبوع لما اروح المرور ان شاء الله هبقى اقولكوا حصل ايه ودفعت كام اللى مش عارفه هدفع غرامة ولا هفحص ولا ايه مش عارف ومش هشيلهم بردوا حتى لو هتتسحب كل اسبوع

**M.Radwan** · 13-06-2010 09:20 PM

طيب بالنسبة للساتير التانية اللى هيا على حوامل دي
برضه بتتسحب عليها الرخصة؟!

**heshamzaky** · 13-06-2010 09:34 PM

المشاركة الأصلية كتبت بواسطة foxoo7

طيب بالنسبة للساتير التانية اللى هيا على حوامل دي

برضه بتتسحب عليها الرخصة؟!

أزيك يا باش عامل اية اكيد المحصلة واحدة مش فارقة هى راكبة ازاى المهم انها راكبة و السلام

**DrMax** · 14-06-2010 03:33 PM

المشاركة الأصلية كتبت بواسطة hosammoner

بالصدفة كدا يا جماعة انا رخصتى اتسحبت فعلا اول امبارح فى كمين عبود بسبب الساتر الكبس دى والغريب انه مدفعنيش غرامة فوريه قالى حضرتك تستلمها من المرور وادانى وصل باسبوع لما اروح المرور ان شاء الله هبقى اقولكوا حصل ايه ودفعت كام اللى مش عارفه هدفع غرامة ولا هفحص ولا ايه مش عارف ومش هشيلهم بردوا حتى لو هتتسحب كل اسبوع

ان شاء الله تطلع حاجة بسيطة
وابقى طمنا عليك عملت ايه

**tananybasha** · 14-06-2010 11:16 PM

بيتسحب عليها الرخص

**pro_samir** · 15-06-2010 05:57 AM

المشاركة الأصلية كتبت بواسطة drmax

دخلك فحص عشان تدفع مخالفة 30 جنيه؟؟
ده ايه الهبل اللى احنا فيه ده!!!!!!!
وبعدين هوه فى مخالفة اصلا فى القانون ب 30...انا اعرف ان اقل مخالفة ب 50
ماهو ده اللى بقول عليه...انهم بيتحكمو فينا وبيتنططو عينا وخلاص...ربنا يرحمنا منهم
انا دلوقتى شيلت الجناب وهحطهم بس لو مسافر ناحية الشمس وبس عشان اريح دماغى لكن اللى ورا سايبها محطوطة

نفس مخالفة الفامية علي فكرة

في ظباط بيرضي يعمل تصالح فوري وتدفع خمسين جنية وتشيل الفامية وانت واقف

وفي منهم رخما جدا وبيسحب الرخصة ويديلك وصل اسبوع وتروح تفحص وتاخد الأورنيج تروح بية النيابة تعمل ورقة تانية وتاخدها وترجع المرور تدفع التلاتين جنية وتاخد الرخصة

الموقفين حصلو معايا بخصوص الفامية

الموضوع مش مسألة غرامة طبعا لأنها مبلغ هايف بس المشكلة في زحمة المرور والنيابة والمشكلة الأكبر بالنسبالي ان الرخصة بتقعد ميقلش عن 3 أسابيع علي ما توصل للمرور اللي انا تبعة فا طبعا بفضل ماشي بتاع 20 يوم بوصل منتهي