.: نصيحة لوجه الله : للى عايز يشترى عربية ( عن تجربة )

**egawady** · 13-02-2008 02:49 PM

يا جماعة الكلام اللى انتو قولتوه ده كله .. فكرنى بجملة شهيرة قالها وزير الدفاع الإسرائيلى الأسبق موشى ديان - الله يحرقه - .... قال اية بقى الراجل ده ( الكلام ده كان فى الستينات )
فى رده على سؤال عن رأيه فى الشعب المصرى .. قال

الشعب المصرى بيفطر فول .. ويتغدى كورة .. ويتعشى أم كلثوم

**devil-lid** · 13-02-2008 03:01 PM

السلام عليكم ورحمه الله وبركاته

ازيكم جميعا يا جماعه انا كنت عاوز اخد رايكم انا عاوز ابيع اكسيل 97 كامله واجيب فيرنا 2007 استعمال يا ترى هى سياره كويسه ولا اخلينى فى الاكسيل احسن ارجو سرعه الرد
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

................................
تحذير للعضو المحترم بعدم الكتابة باللون الأحمر لإنه مخصص للإدارة فقط
الإدارة -3

**محمد عبد المجيد** · 16-02-2008 01:59 AM

الحق نفسك يا dEVIL -ممنوع الكتابة باللون الاحمر زى ادارة المنتدى مابتقول مع الشكر
(وبصراحة عندهم حق لانى افتكرت اللى انت كاتبه تعليق من الادارة على الموضوع ككل)

**hofo** · 25-02-2008 01:32 PM

انا عايز اعرف حضرتك ليه لما قارنت قارنت الهوينداى الكورى واعتقد انها اكسل بالتويوتا اليبانى واعتقد انها كورولا ليه مقارنتش الاكسيل الكورى بالسزوكى سوفت اليبانى لان من 15 سنة العربتين دول كانوا زى بعض بالظبط فى التمن وفى الفئة لكن دلوقتى شوف مين اللى عاش اكتر

**hazem_khidr** · 25-02-2008 03:45 PM

انا عايز اعرف حضرتك ليه لما قارنت قارنت الهوينداى الكورى واعتقد انها اكسل بالتويوتا اليبانى واعتقد انها كورولا ليه مقارنتش الاكسيل الكورى بالسزوكى سوفت اليبانى لان من 15 سنة العربتين دول كانوا زى بعض بالظبط فى التمن وفى الفئة لكن دلوقتى شوف مين اللى عاش اكتر

و السويفت مالها ؟؟
ماهي عايشه و حموله و يبطلب فيها اسعار قريبه للاكسيل مع العلم انها مافيهاش كماليات قد الاكسيل.
يعني لما ابيع عربيه سويفت من كام يوم 93 ياباني بتاع واحد قريبي ما فيهاش غير تكييف بس ب 35 الف و واحد زميلي جايب اكسيل 98 فابريكه بره و جوه ب 38 الف و جميع الكماليات يبقي مين اللي ماسك سعره؟؟؟

**ahmad7610** · 25-02-2008 08:28 PM

ايوه منا قلت ان ده عن تجربة .. خالى كان معاه الاكسيل واحنا الكورولا .. لكن مفيش حد من اقاربنا
عنده السويفت :) وهى على ما اظن مش وحشة برضه

**PRO-DRIVE** · 26-02-2008 12:25 AM

و على فكرة العربيات الياباني في رأيي الشخصي أفضل من الأمريكاني بمراحل
و أنا ترتيبي المفضل

دا شيئ مفروغ منه اساسا

**hamedo0** · 26-02-2008 01:12 AM

ياجماعه هو احنا عندنا صناعه مغذيه للسيارات اصلا" عشان نعمل عربيه مصري ولا حتي 40%

ده حتي المصنع اللي ممكن مصر تبدا بيه حيتباع لاى مستثمر وبرده حيجمع فيه

لنل عندى كذا سوال ليه في التسعينيات لما ايطاليا عرضت بيع مصنع 128 احنا رفضنا ورحنا نجري نجيب من يوغوسلافيا لما اشترته هل سوق اداره ولا ....................سياسه

برده لما الشاهين اخر سنه ليها السنه الفاتت ليه شركه نصر محولتش تشترى المصنع ده

معني مصنع عندى يعني المكن البيعمل من الابره الي الصاروخ في صناعه العربيه برده سوق اداره ولا..........................سياسه

بيجهزو الشركه ان نها تتباع

ارجو الرد علي اسئالتي

**xenon** · 30-04-2008 04:19 AM

المنتج المصرى سورى سئ جداجدا
وطنيه ايه الى انت بتتكلم عليها؟؟؟؟؟؟؟؟؟
انا اركب عربيه نضيفه واكون مرتاح ولا الركب عربيه زباله واقول علشان بلدىىىىىىىىىىىى؟؟؟؟؟؟
البلد لم تقدرنى اقدرها لييييييييييه؟؟؟؟
انا معايا ميتسوبيشى ميراج ولو غيرتها هغيرها بعربيه اوروبى وليس مصرى