أول مرة ظابط يوقفني...كان ممكن يعمل ايه؟
سلام الله عليكم
صباح يوم الخميس وذاهب بالسيارة الكلية علشان كان وراي إمتحان شفوي
المهم وحتة عند بنها كدة اسمها مفارق الزقازيق على الزراعي كل يوم بمشي وزي الفل
يومها بقى لقيت أمين شرطة وقفني وقللي رخصك
المهم طلعتها قالي طيب اركن على جنب
ركنت ونزلت لقيته ادى الرخص للظابط كان قاعد جوة العربية
المهم إن عربيتي نوعها داتشيا وأنتو عارفين بقى الداتشيا أصلا وهي في قمة الروشنة شكلها معفن
فما بالكم لو فيها خدوش وبعض الخبطات
المهم عربيتي فيها خبطات بسييييييطة جدا جدا لا تلاحظ بسهولة بس فيها خدوش كثير جدا
وشكلها مش عاطفي نهائي
المهم الظابط بيقوللي فين الإكصدامات وهي موجودة أصلا بس حالتها تعبانة شوية
والعربية أنا وهو عارفين أن مفيهاش حاجة بس هو فيها حاجة غلط شكلها ولا ايه متفهمش
المهم أن متكلمتش
مش عارف أتصرف إزاي أول مرة بقى
بس هو ظابط ابن حلال
هو لقاني مذهول ولا ايه متعرفش قاللي
خد يا بني واداني الرخص
قلتلو ألف شكر يا باشا وبإذن الله هظبطها
ومشيت وحمدت ربنا أن الموضوع عدى على خير لأني كان وراي امتحان ومش ناقصة عكننة
المهم كان ممكن يعمل ايه يعني يسحب الرخص ولا هيديني مخالفة ولا ايه الحكاية؟
وشكرا للجميع
