لو عاوز تفتح صيدلية؟؟؟

**Specialist** · 06-06-2010 11:20 PM

المشاركة الأصلية كتبت بواسطة A7MED_PHARMA

1.ممكن تفتحها بإسم الصيدلي..وإنت تكون شريك فيها عادي..لكن شريك غير رسمي
2.الورقياتخصمها خايب جدا .ودي حاجة تكميلية في الصيدلية..ومستحضرات التجميل موجودة في مخازن كتيررررررر جدا بتكون متواجدة بجوار مخازن الأدوية المعروفة
3.الادويةمنتهية الصلاحية لو كانت من شركة ..ترتع للشركة
لو كانت من مخزن ...ممكن تبيعها لمندوبين بخصم قليل(هتخسر فيها ..لأكن مش هتخسر تمنها كله)..والمندوبين دول بيبعوها لصيدليات كبيرة..إلي بدورها..بتعملها مرتجع للشركان وتاخد فلوسها
4.التكلفة نسبية..حسب المكان الي انت فاتح فيه..مبدئيا..الدوا والمستحضرات بتكون في حدود الـ50 الف علشان تكون بداية كويسة..والديكورات والخشب(أو الالومنتال).حسب ما انت هتكلف عليه

..أي خدمة

ألف ألف شكر يا كبيـــر

ربنا يوفقك يا رب و يعافي والدك يا دكتور ..

**adel1414** · 07-06-2010 03:42 AM

بارك الله فيك

**w_abedelhakim** · 07-06-2010 10:24 AM

طيب ينفع الصيدلي يكون ليه نسبة بس مثلا 50 % ولا لازم الورق كله يطلع باسمه هو زي الترخيص وكده
ومعلش سؤال هي الربح بتاعها شهريا بيترواح من كام لكام لاني بسمع ارقام فلكية
وهل لازم المكان يبقي بتاعي ولا ممكن اأجر مكان وايه المساحة المطلوبة

**A7MED_PHARMA** · 07-06-2010 01:53 PM

المشاركة الأصلية كتبت بواسطة w_abedelhakim

طيب ينفع الصيدلي يكون ليه نسبة بس مثلا 50 % ولا لازم الورق كله يطلع باسمه هو زي الترخيص وكده
ومعلش سؤال هي الربح بتاعها شهريا بيترواح من كام لكام لاني بسمع ارقام فلكية
وهل لازم المكان يبقي بتاعي ولا ممكن اأجر مكان وايه المساحة المطلوبة

بص ياسيدي
الصيدلية لازم تكون مملوكة لصيدلي(من الناحية الرسمية)...يعني كل حاجة بإسم الصيدلي من الألف إلى الياء
لو إنت عاوز تفتح صيدلية ...أو تشارك صيدلي في صيدلية
عادي
بس كل حاجة هتكون بإسمه..وإنت تضمن حقك بــــــــشيك أو أي ضمان تتفقوا عليه
.................
وبالنسبة لنقطة المكاسب
دي حسب مبيعاتك
وحسب المكان إلي إنت مشتري منه الدوا
يعني
لو بعت بــ الف جنيه في اليوم ..مكسب يكون مترواح مابين 200 و 250 جنيه
ده لو بتشتري من المخازن
إنما لو بتشتري من الشركات
مكسبك هيتراوح مابين 170 و 200 جنيه يوميا..لكل ألف جنيه مبيعات

........................
وطبعا ممكن تأجر المكان
والمساحة-حسب القانون القديم-25 متر...ولسه موضوع المساحة الجديدة 40 متر لم يُحسم بعد

**احمد المصرى** · 07-06-2010 01:57 PM

جزاك الله كل خير

وان شاء الله هدخل علشان اسالك كام سؤال لو مفيش تعب

وشكرا جدا

**احمد المصرى** · 08-06-2010 01:20 PM

المشاركة الأصلية كتبت بواسطة a7med_pharma

بسم الله الرحمن الرحيم

شباب كتير بيفكروا في موضوع فتح الصيدلية..وسألوني على الخاص
أنا قولت أعمل الموضوع هنا لعموم الفايدة ..وفتح باب النقاش

الأجراءات معروفة ومش مشكلة
هبدأ....بالمشروع نفسه

إحتياجات المشروع:
1.المكان:
لازم مكان الصيدلية يكون مجاور لتجمع سكني مميز..أو يكون قريب من تجمع أطباء..أو من مستشفى
الحاجات دي هتوزد من دخل الصيدلية
2.العاملين:
لازم يكون معاك عاملين خبرة أو صيدلي متمرس
لو هتفتح في مدينة..لازم يكون صيدلي موجود في كل شيفت.علشان التفتيش الصيدلي لازم ييجي يلاقي صيدلي في الصيدلية(ولو ملقاش بيعملك محضر ..وغرامة 10 جنيه بتدفعها في النيابة التابعة لها المنطقة إلي إنت فاتح فيها)
3.البضاعة:
الصيدلية (كمشروع)بتبيع الأدوية البشرية ومستحضرات التجميل والمستلزمات الطبية
وبشكل غير شرعي..بعض الصيدليات البشرية بتيع أدوية بيطرية
...تجيب الدوا منين..والمستحضرات منين؟؟؟؟؟
أفضل مكان إنك تفرش منه صيدلية هوا مخازن الأدوية في المنصورة(بالنسبة لمنطقة الدلتا)
وبوجه عام
المخازن أفضل في الخصومااااااااات كتير من الشركات
الشركات خصمها لايتجاوز الـــ20%
المخازن خصومتها بتزيد عن كده كتير..ممكن توصل في بعض الأدوية لــ30 أو 35 %
والفرق إنت أولى بيه

4.التكلفة:
تكلفة مشروع الصيدلية ..تكلفة نسبية
يعني بتختلف حسب المنطقة إلي هتفتح فيها..بشكل عام
الصيدلية ممكن تتفرش فرشة كويسة بــ50.000 جنيه..مع الإهتمام بالمستحضرات التجميلية في أول شغلها
وطبعا
الأدوية إلي هتجيبها...لازم تاخد لفة على كل الدكاترة في المنطقة وتشوف بيكتبوا إيه
وماينفعش تروح لواحد صيدلي تقوله إديني كشف بالدوا إلي عندك..علشان مش هيفيدك على إعتبار إنك منافس ليه..إلا لو كان شخص مقتنع إن الرزق بتاع ربنا(صيدلي جالي من شهرين وكان مرخص صيدلية وعاوز يفرشها.وجالي إديتله كل الأدوية إلي عندي على فلاشة ...علشان الرزق بتاع ربنا)
وخد بالك
ماتجيبش أدوية كتير في الأول ..علشان ماتفضلش عندك على الرف لحد لما ينتهي تاريخ صلاحيتها
ولازم تجيب الأدوية إلي بتتكتب في المنطقة إلي إنت فاتح فيها
وحاول
توفر كمية من لبن الأطفال ...والأنسولين
علشان دي بتدي إنطباع كويس عن الصيدلية في الأول..وبتعمل زبون

...................
أي أسألة أنا جاهز

د

جزاك الله كل خير بجد فعلا الكلام خارج من القلب بمنتهى الامانه والموضوعيه

يا رب يكون فى ميزان حسناتك

ليا طلب وليك حريه القبول او الرفض

هل ممكن تبعتلى القائمه بالدواء لو سمحت لو ينفع تبعتهالى اميل ولو مش ينفع ممكن اجى يوم واقابلك واخدها منك انا من القاهره ( 6 اكتوبر ) متخفش مش هشرب غير كوبايه شاى بس ههههههه ون شاء الله انا هفتحها فى 6 اكتوبر يعنى بعيد عن الزقازيق خالص

**احمد المصرى** · 08-06-2010 01:24 PM

المشاركة الأصلية كتبت بواسطة a7med_pharma

بص ياسيدي
الصيدلية لازم تكون مملوكة لصيدلي(من الناحية الرسمية)...يعني كل حاجة بإسم الصيدلي من الألف إلى الياء
لو إنت عاوز تفتح صيدلية ...أو تشارك صيدلي في صيدلية
عادي
بس كل حاجة هتكون بإسمه..وإنت تضمن حقك بــــــــشيك أو أي ضمان تتفقوا عليه
.................
وبالنسبة لنقطة المكاسب
دي حسب مبيعاتك
وحسب المكان إلي إنت مشتري منه الدوا
يعني
لو بعت بــ الف جنيه في اليوم ..مكسب يكون مترواح مابين 200 و 250 جنيه
ده لو بتشتري من المخازن
إنما لو بتشتري من الشركات
مكسبك هيتراوح مابين 170 و 200 جنيه يوميا..لكل ألف جنيه مبيعات

........................
وطبعا ممكن تأجر المكان
والمساحة-حسب القانون القديم-25 متر...ولسه موضوع المساحة الجديدة 40 متر لم يُحسم بعد

طيب الصيدلى ال هفتح باسمه بياخد كام شهريا او بياخد نسبه كام %

ثانيا :- ممكن نقول ان مكسب الادويه 20 % كدا صح ولا غلط

ثالثا :- لو جبت دكتور صيدلى يشتغل 10 ساعات يوميا مثلا تقريبا مرتبه هيبق كام

رابعا :- الرفوف الجديده ال عامله ذى درج بيتفتح بيخرج منه درج كبير وطويل وبيكون مرصوص فيه الادويه لو هجهز صيدليه بالمنزر دا تتكلف كام من حيث تجهيزها اقصد رفوف وادراج وكدا

**A7MED_PHARMA** · 08-06-2010 06:28 PM

المشاركة الأصلية كتبت بواسطة احمد المصرى

د

جزاك الله كل خير بجد فعلا الكلام خارج من القلب بمنتهى الامانه والموضوعيه

يا رب يكون فى ميزان حسناتك

ليا طلب وليك حريه القبول او الرفض

هل ممكن تبعتلى القائمه بالدواء لو سمحت لو ينفع تبعتهالى اميل ولو مش ينفع ممكن اجى يوم واقابلك واخدها منك انا من القاهره ( 6 اكتوبر ) متخفش مش هشرب غير كوبايه شاى بس ههههههه ون شاء الله انا هفتحها فى 6 اكتوبر يعنى بعيد عن الزقازيق خالص

مفيش مشكلة خالص
بس مش هتنفعك بأي حاجة
علشان الأدوية إلي ماشية عندي في الزقازيق..مش هيا إلي ماشية في 6 أكتوبر
وطبيعي
إنك لازم تشتري ماستر الأدوية الي بيتجدد كل سنة..سعره حوالي 25 جنيه
فيه كل الأدوية المصرية ..بالتفاصيل..وحتى بالصـــور كمان
ومنها كمان سي دي
وبيتباع في المراكز التعليمية إلي غالبا بتكون مجاورة لكليات الطب والصيدلة

المشاركة الأصلية كتبت بواسطة احمد المصرى

طيب الصيدلى ال هفتح باسمه بياخد كام شهريا او بياخد نسبه كام %

ثانيا :- ممكن نقول ان مكسب الادويه 20 % كدا صح ولا غلط

ثالثا :- لو جبت دكتور صيدلى يشتغل 10 ساعات يوميا مثلا تقريبا مرتبه هيبق كام

رابعا :- الرفوف الجديده ال عامله ذى درج بيتفتح بيخرج منه درج كبير وطويل وبيكون مرصوص فيه الادويه لو هجهز صيدليه بالمنزر دا تتكلف كام من حيث تجهيزها اقصد رفوف وادراج وكدا

الصيدلي بياخد حسب الإتفاق
يعني
في المدن ..ممكن ياخد علشان يحط إسمه على الصيدلية(500)...أو(1000)
حسب مكان الصيدلية
يعني الصيدلية في الارياف ..غير الصيدلية في شارع جامعة الدول العربية مثلا
....
والصيدلي ممكن ياخد علشان يسجل لك كمدير في الصيدلية..مش أقل من 800 وإنت طالع

.....
وتجهيزات الصيدلية دي...أنا كنت عاملها من زمان
أكيد مش فاكرها
وبعدين التجهيزات بتختلف حسب مساحة الصيدلية والديكورات
ودي تسأل فيها إلي هيجهزلك الصيدلية ..أو واحد نجار كويس
أو واحد بتاع ألمونيتال..(لو هتعملها ألمونيتال)

..والله أعلم..

**A7MED_PHARMA** · 08-06-2010 06:31 PM

والدكتور الصيدلي بيشتغل بالساعة يوميا..لمدة شهر
يعني
ممكن ياخد 60 جنيه في الساعة..لمدة 10 ساعات يوميا لمدة شهر=600
وطيعا
الموضوع نسبي حسب المكان الي الصيدلية فاتحة فيه...وحسب الاتفاق

.....................
ومكسب الأدوية في متوسطه20 %

-

الموضوع: لو عاوز تفتح صيدلية؟؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

لو عاوز تفتح صيدلية..كلاكيت تاني مرة

صيدلية للبيع بجد فرصه ممتازه

مطلوب صيدلية للبدل بشقة

اريد تدريب فى صيدلية فى الرحاب

محتويات صيدلية الإسعافات الأولية

الكلمات الدلالية لهذا الموضوع

المفضلات

المفضلات

ضوابط المشاركة