العربية بعد لما اوصل بيها لسرعة 100 ك الدريكسيون يخف وعلشان اسيطر على العربية يبقى الدريكسيون رايح جاى فى ايدى كشفت على العفشة بالكامل مرتين تمام والزوايا تمام والعيب موجود ايه رايكم وشكرا
عرض للطباعة
العربية بعد لما اوصل بيها لسرعة 100 ك الدريكسيون يخف وعلشان اسيطر على العربية يبقى الدريكسيون رايح جاى فى ايدى كشفت على العفشة بالكامل مرتين تمام والزوايا تمام والعيب موجود ايه رايكم وشكرا
قد يكون عيب مساعدين
هى المساعدين اللى ورا لو خفاف تاثر على اداء العربية من قدام
الكلام ده من ساعة لما جبت العربية؟
لاحظته بعد ما عملت شغل فى العفشة؟
اتأكد من ضغط الاطارات وطمنا لان الموضوع ما يتسكتش عليه
وما تقولش همشى بالراحة
الموضوع مقلق تابع وانهى
شكرا حا اغيرهم وابلغكم بالنتيجة قريب
خلى بالك ان اللانوس اللى معايا قبل ما اجنط كانت كويسة او بمعنى اصح مقبولة جدا فى الثبات مقارنة بفئتها لحد 150
حضرتك راجعت علي العفشة مرتين و العفشجي مقلكش اذا كانوا المساعدين و حشين و لا لأ؟!
متابع باهتمام جدا جدا
متابع وربنا معاك
اللانوس ممكن تعوم معاك بسبب حاجات كتير :
بيضات الطرف ناعمة و مبوشة.
بيضات المقص السفلية ناعمة و مبوشة.
ارتفاع العربية عن الأرض فى الخلف اعلى من الأمام(بيعوم المؤخرة).
ارتفاع العربية عن الأرض فى الامام اعلى من الخلف(بيعوم المقدمة).
تركيب مقاس كاوتش فى الخلف مختلف عن مقاس الكاوتش فى الأمام.
احد المساعدين او كلاهما خفيف او بايظ (لايقاوم حركته بسبب تلف سيل الزيت داخل المساعد) وبيخلى استجابته تختلف عن بقية المساعدين.
احد اليايات فى اي جنب بالعربية استجابته تختلف عن استجابة اليايات الأخارى فيعمل تعويمة بسيطة.
تركيب جنط فى اي جنب بالعربية اعرض من بقية الجنوط الموجودة.
وكله محلول و حترجع تاني ماسكة فى الطريق لحد سرعة 175 كم/س. بس متحاولش تجرى على السرعة دى و تغرز
اخر شئ اكشف على ضغط الإطارات الأربعة بحيث انه يكون
30 فى الأمام و 28 فى الخلف
لو الأربع عجلات ضغطهم 30 حيخلى العربية تعوم فى الطوالى(السريع) لأن النصف الخلفى للعربية خفيف و الكاوتش الخلفى منفوخ جامد مقارنة بالنصف الأمامي ذات الوزن الأثقل مع نفس ضغط الكاوتش
متابع بأهتمام جااااااامد لاني ظبط زوايا عند 3 مختلفين وجيبت كاوتش زيرو مقاس 175 وغيرت المساعدين امامي
وبتاع العفشة بيقولي كلة عندك تمام .... ولسة لغاية دلوقتي بتعوم بعد ال 100 ومش بعرف اجيب بيها سرعات اعلي :stink[1]:
عربيتك نوعها ايه؟
وممكن توضحلى ازاى بتعوم يعنى
يعنى مثلا لو بتاخد غرزة على السرعات العالية بتحس ان العربية عمالة تنزل يمين وبعد كدة شمال يعنى تحس ان المساعدين طرى
العربية نوعها لانوس 1
بتعوم ازاي دي بقي قصة محدش فاهمها من الدكاترة العفشجية
العربية الدركسيون بتاعها بيبقي كويس لغاية مثلا 90 وبعدين كل لما السرعة تزيد يبدا يبقي خفيف شوية شوية
لغاية لما يبقي كانة علي هوا يعني يلف لوحدة حتي لو انا ماسك فية جامد بلاقية بيحرك ايدي غصب عني وبردو بيحدف
كل الناس قالو العفشة عندك تمام ومفيش حاجة عايزة تتغير
وكشفت علي الباور والمواسير بتاعتة وكمان بحافظ علي مستوي الزيت بتاعة مينقصش
ها فهمت قصدي ازاي بتعوم .... يعني العيب في حاجة في الدركسيون مش في اجزاء من العفشة اللي تحت
ومحدش عارف هي اية الحاجة دي :dzey:
اساسى يا بشا الدريكسيون يكون خفيف عشان الطبيعى ان لعربية وزنها بيخف عند السرعات العالية
انا عندى كانت بتعوم بعد المية بس كنت لما اجى اموج بالعربية فوق المية تحس اللى انت راكب لانش فى ميا
مع العلم ان الكوبلن بتاعلى كان عايز يتغير لانة كان بيطقطق فلما غيرته لقيت العربية زى الفل والدريكسيون بقى ثابت اكتر ومبقاش يكون خفييف اوى كدة زى ما انت بتقول يعنى ممكن اسوق بطرف صوابعى فو ق ال140
انت ممكن حضرتك تكشف على الكبالن عشان ممكن يكون عندك واحد سليم وواحد عايز يتغير
اكشف على الكبالن وقولى وعلى البيض كمان لانهم ضرورى فى التحكم فى الدريكسيون مادام الحكاية مالهاش دعوة بالعفشة او ضبط الزوايا