سوق السيارات

**wesam_nabil** · 07-06-2010 12:01 AM

الإخوة والأخوات الأفاضل / الفضليات

جزاكم الله خيرًا كثيرًا للاهتمام والرد

أم حماس: حفظك الله ... والله لا أريد غير سيارة واحدة.

باختصار يابنتي انتي العربيات بتبحبك

هههههههههههههههههههههههه آه والله بتحبك

يا اما عشان يطمع البايع

او ساعات يطفش المشتري ويحرق سعرها ويخدها هو رخيص في اخر اليوم

وهذا ما حدث بالفعل للآن السيارة لم تُبَع.

الأخ الفاضل: M.mosaad

حيَّاك الله وبيَّاك، وأنا أجتهد للتحدث بالفصحى فأنا من معلماتها ومحباتها والحمد لله

أما بخصوص التقسيط فلا أحبذه فالأعمار بيد الله
إضافة إلى التخوف من الفوائد والبنوك الربوية وصعوبة الوصول لمعرض يقسط مباشرة
دون وساطة البنك.
وهذا أنا في غنى عنه.

الإخوة الكرام الذين ردوا ولم يتح لي الوقت لأتشرف بالرد عليهم واحدًا واحدًا

سامحوني فعندي في الغد امتحان بالكلية

"امتحان نحو" ... أسألكم الدعاء

يسَّر الله لكم سبل الخير.. آمين

**waelfarid** · 07-06-2010 02:45 AM

أرشح سيارة كويسة لحضرتك زيرو وكيل برايد سايبا ناشيونال موتورز في ش الطيران عامل عرض تخفيض 4000جنيه للكاش في فئات العربية دي اول فئة 43500ج بدلا من 47500ج بدون تكييف او باور انصحك بتركيبه عند ساندن بحوالي 2500ج بعد كدة وتبقي بعدت عن التقسيط والتأمين والمستعمل وهي عربية حلوة وسمعت انها شغالة تاكسي في 6 اكتوبر ده تفكيري وليس لي علاقة تجارية بالموضوع ولكن كل واحد بيدلي بدلوه في الموضوع وربنا يوفقك للافضل وان شاء الله موفقة في الاختبارات

**medociv** · 16-06-2010 11:15 AM

السلام عليكم ورحمة الله وبركاته
انا من رايي اولا صلاة استخارة : شفتي السيارة عجبتك اتفتو على السعر تروحي مثلا تصلي ركعتين في المسجد
المهم جدا بقى انك متديش جزا كبير من الفلوس او الفلوس كلها للبائع قبل ماتتكدي فعلا
يعني تروحي لبنزينة محترمة واعتقد كالتكس عباس العقد ده فيها مهندس محترم وناس محترمة وبيكشف على السيارة بالكامل وبيقولك على اللي فيها وسعرها هل هو مناسب ام لا نظير مبلغ صغير 50 ج تقريبا (بس متاخديش البائع الا لما تعربنيه مثلا ب 500 ج على شرط ان العربية تطلع كويسة ومافيهاش حاجة جوهرية يعني حاجات خفيفة) لان مهما كان اللي معاك مش زي ماتترفع على الكمبيوتر ويشوفها مهندس وفنيين فاهمين
انا عربيتي لما جيت ابيعها واحد جالي عن طريق كونتكت واتفقنا نروح البنزينة وكنت عارف انها فيها حادثة وقلتله عليها بس في البنزينة قالولة واخدة لحام شاسيه ومع ذلك اصر ياخدها
وواحد صاحبي كان بيشتري عربية ريجاتا واتفقو وراحو البنزينة وقالولو انها مفيهاش غطاء على الشاسيه من تحت يعني فيها حاجة او حادثة قام الراجل منزل 7 الاف ج من تمنها وهو واقف وطبعا مرضيوش ياخدوها

**Amr ElShimy** · 16-06-2010 12:33 PM

بارك الله للكى فى كل ما تفعلين ان شاء الله
واسال الله العظيم ان يرزقك من الخير كله ما علمتى منه وما لم تعلمى

**mustafaibrahim** · 16-06-2010 07:30 PM

فى حدود المبلغ اللى حضرتك محدداه

ممكن نوبيرا 2002

كيا شوما 2000 اوتوماتيك وفيها ايرباجز و abs

لانوس 2004

فكترا 99

ContactCars | السيارات المستعملة

**د.محمود صلاح** · 18-06-2010 09:21 AM

البولو 2001 اختيار ممتاز ركزي فيه

**بحري** · 18-06-2010 11:28 AM

كتير من العربيات اللي بتكون في السوق بتكون متلصمة ولذلك عندي تحفظ شديد على مسألة إتمام البيع في السوق
ممكن الواحد لو عجبته عربية يجربها ويتفاهم مع البائع ويتمم البيع تاني يوم لو العربية لسه موجودة
لكن جو الكركبة بتاعة السوق والحق قبل ما يخلص بيخلي الناس اللي بتشتري تقعد فترة طويلة تلوم نفسها

**mohamedrefaay** · 18-06-2010 11:48 AM

السوق بختك يا ابو بخيت

**هيثم** · 18-06-2010 03:26 PM

انا فهمت من كلام حضرتك ان حضرتك ما كشفتيش على العربيه

بواسطه مختص وده موضوع فى منتهى الاهميه لان السوق مليان نصابين

بمعنى ان فى عربيات معروضه شكلها جميل و تحسى ان الحاله العامه مفيش بعد
كده و لما ترفعى العربيه تفاجئى ان الفنى بيقولك ان العربيه واخده لحام فى الشاسيه
او الشاسيه معوج او مغيره ربع او نص و المشاكل اللى من النوع ده

و بالنسبه للنوع انا بضم صوتى لصوت الدكتور محمود