أحمد فؤاد نجم باين عليه إتهبل وتخريفه زاد غالبا بسبب البتاع ده
رقم العضوية : 576
تاريخ التسجيل : 10May2007
المشاركات : 315
النوع : ذكر
الاقامة : 6 أكتوبر
السيارة: واجا
السيارة[2]: بلونيز
الحالة :
البتاع
يا للي فتحت
البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
غبي
مخبول
أمر بفتح البتاع
لأنه
كان مسطول !
وبعد فتح البتاع
جابوا الهوا المنقول
نكش عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر
حزين
مهزول
وساد قانون البتاع
ولا عله ولا معلول
والقاضي تبع البتاع
فالحق ع المقتول
والجهل زاد في البتاع
ولا مقري
ولا منقول
والخوف
سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له
مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب
لراس الغول
باع البتاع بالمتاع
وعشان يعيش على طول
عين حرس بالبتاع
وبرضه مات مقتول
طبعا هذه خربوشه للشاعر الكبير الفاموجي
رقم العضوية : 79
تاريخ التسجيل : 22Apr2007
المشاركات : 9,737
النوع : ذكر
الاقامة : بنــهــا
السيارة: Perodua Kancil 1998
السيارة[2]: NIssan Qashqai 2014
الحالة :
أحمد فؤاد نجم باين عليه إتهبل وتخريفه زاد غالبا بسبب البتاع ده
[aldl]http://www.jewelsf.com/up/uploads/542f6eee3a.gif[/aldl]
وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرينDr Ahmed AbdelghanyENT,H&N consultant - Benha University
my website: www.drahmedclinic.com
رقم العضوية : 373
تاريخ التسجيل : 30Apr2007
المشاركات : 836
النوع : ذكر
الاقامة : 10th of Ramadan
السيارة: no
السيارة[2]: no
دراجة بخارية: no
الحالة :
عزيزي الاخ احمد
قصيده البتاع من القصائد القديمه و ليست معاصره
و اكيد احنا مع حريه الفنان في اي عمل
لان الفن شيئ نسبي و تقبلنا ليه بيكون متفاوت
و مثال علي ده قصيده كلب الست للفاجومي و اللي قابلها ناس كتير بالترحاب و ناس كتير بالاستهجان
الخلاف لا يفسد للود قضيه
و الكل حر في اللي يقولوا و الكل حر في اللي يتقبلوا و الكل حر في اللي يرفضوا
اما عن احمد فؤاد نجم فلا يخفي دوره في الشعر الثوري العامي المصري
الموقع ده فيه بعض من اشعار الفاجومي
http://www.sawari.com/ahmed.htm
رقم العضوية : 747
تاريخ التسجيل : 20May2007
المشاركات : 574
النوع : ذكر
الاقامة : الهرم
السيارة: daeoo nubira
السيارة[2]: proton waja
الحالة :
القصيدة دي قديمة جدا وكان مقصود بيها الرئيس انور السادات وكتبها الفاجومي وهو في المعتقل.
Abou Ahmed سابقا
"There are many people around you during summer, but when the rain starts falling, Only the umbrella protects you!!!"
رقم العضوية : 576
تاريخ التسجيل : 10May2007
المشاركات : 315
النوع : ذكر
الاقامة : 6 أكتوبر
السيارة: واجا
السيارة[2]: بلونيز
الحالة :
الموقع ده فيه بعض من اشعار الفاجومي
شكرا جزيلا علي الموقع .. الغريب إني دائما أخش في موقع سوارى ده .. بس ماعدتش علي نجم ..
شكرا يا مهاتما باشا ..
خَالِطُوا النَّاسَ مُخَالَطَةً إِنْ مِتُّمْ مَعَهَا بَكَوْا عَلَيْكُمْ وَ إِنْ عِشْتُمْ حَنُّوا إِلَيْكُمْ
رقم العضوية : 576
تاريخ التسجيل : 10May2007
المشاركات : 315
النوع : ذكر
الاقامة : 6 أكتوبر
السيارة: واجا
السيارة[2]: بلونيز
الحالة :
بص يا سيدى علي المقالة دى علشان بتشرح معني البتاعأحمد فؤاد نجم باين عليه إتهبل وتخريفه زاد غالبا بسبب البتاع ده
البتاع كلمة تعني كل شيء وأي شيء... في أي زمان ومكان ... عبقرية «البتاع» في اللهجة المصرية للعامة والخاصة في الأوقات الحرجة
في كل لهجة كلمات خاصة قد لا تعني شيئاً بالنسبة إلى أبناء الشعوب الأخرى التي تتحدث اللغة ذاتها ، ولكن بلهجة مختلفة. بعض هذه الكلمات يفيد معنى واحداً، وبعضها الآخر يفيد أكثر. ولكن أن تعني كلمة ما كل شيء وأي شيء في كل وقت، فهذه هي «العبقرية» اللغوية.
وتعتبر كلمة «بتاع» في العامية المصرية إحدى هذه الكلمات المتميزة والمتفردة. فعلى رغم أنها تبدو للوهلة الأولى، وكأنها لا تعني شيئاً، إلا أن استخدامها اليومي يفوق نظيراتها من الكلمات العامية التي لا أصل لها في اللغة العربية، أو حتى تلك المقتبسة من لغات أخرى.
الاستخدام الأقرب والأكثر قابلية للتفسير، هو أنها تعني الملكية. فيقال مثلاً: «الكتاب بتاع أحمد»، أي الكتاب الذي يملكه أحمد، وهكذا. ومن «عبقرية» الكلمة أن لها معاني كثيرة في مجال الملكية، فمثلاً يقال: «المحل بتاع الملابس»، أي المتخصص في بيع الملابس. ويقال: «المدرّس بتاع العلوم»، أي مدرّس مادة العلوم.
في سياق آخر، تستخدم كلمة «بتاع» استخدامات استفهامية. إذ يمكن أن تحل محل أداة الاستفهام «لماذا»، وإن كانت تشير في هذا السياق إلى دلالات استنكارية، فيقال: «بتاع إيه أذهب إلى العمل يوم الجمعة؟» وهي تعني هنا استنكار ورفض فكرة التوجه إلى العمل في يوم الإجازة الأسبوعية. وللـ «بتاع» أيضاً استخدام استفهامي، ولكن استخباري. فيقال: «بتاع إيه هذه الفواتير؟»، أي «ما هذه الفواتير ولأي شيء استخدمت؟».
ومن دون مبالغة، تكاد لا تخلو جملة من جمل الأحاديث اليومية بين المصريين من كلمة «بتاع» في شكل أو في آخر. وهي كلمة قابلة للتعريف، فيقال «البتاع» للإشارة غالباً إلى شيء ما واضح لكل من المتحدث والمتحدث إليه. ولكن قد يكون اسمه المعروف به غائباً عن المتكلم. فيقال مثلاً: «البتاع إللي هناك متجه إلى الجيزة»، وفي هذه الحال قد يكون الباص المتجه إلى الجيزة. ويشار كذلك إلى «البتاع إللي أكلته ليس له حل»، ويحتمل هنا معنيان: فإما أن يكون الشيء المأكول جيداً جداً أو سيئاً جداً.
واكتسبت كلمة «البتاع» سمعة سيئة بعض الشيء، وذلك لأن كثرة استخدامها في الحديث يعكس أحياناً إما خللاً في الذاكرة ينسي صاحبها أسماء الأشياء، أو أنها تعبّر أحياناً عن نقص في القاموس اللغوي للفرد، والذي لا يتيح له التعبير عما يقصد بكلمات محددة أكثر. كما يلجأ البعض أحياناً الى هذه الكلمة في حالات الغضب أو احتقار الآخرين والتقليل من شأنهم. فبدلاً من الإشارة إليهم أو التحدث عنهم بأسمائهم، يقال: «البتاع ده فاكر نفسه عبقري».
لكن الطريف أن المبدعين والفنانين يلتفتون إلى عبقرية «البتاع» من حين الى آخر. ولعل أبرز عمل فني نقل كلمة «البتاع» من حيز الاستخدام العادي البعيد عن التحليل والتأمل في عبقرية الكلمة إلى مجال التفكير والتحليل، المسرحية الشهيرة «مدرسة المشاغبين» التي جسد فيها الفنان الكوميدي يونس شلبي دور «منصور»، ابن الناظر الذي لم يكن ينطق بجملة مفيدة كاملة. فكان يتعثر في حديثه دائماً، فيلجأ إلى «البتاع» ليخرج من أزمته، وانتشرت عبارة «البتاع بتاع البتاع» منذ خروج المسرحية إلى النور في العام 1971 إلى اليوم انتشاراً لم يفرّق بين كبير وصغير أو غني وفقير، ودائماً ما يستخدمها المصريون في أحاديثهم.
وخرجت «البتاع» من حيّز الدراما المسرحية الكوميدية إلى عالم الشعراء والمثقفين المخملي، حين كتب شاعر العامية «الفاجومي» أحمد فؤاد نجم قصيدة عنواها «البتاع»
وانتشرت القصيدة في دوائر عدة تعدت حدود المثقفين وجلساتهم المغلقة، وعرفت طريقها إلى عامة الشعب المهتم بالأوضاع السياسية من شباب وكبار.
ويقال إن الرئيس المصري الراحل أنور السادات غضب من هذه القصيدة ، واعتبر أن نجم يقصده بها.
وثمة أقوال أخرى تشير الى أن قصيدة «البتاع» حملت تنبؤاً بمقتل الرئيس الذي اغتيل خلال حضوره عرضاً عسكرياً لمناسبة ذكرى «حرب أكتوبر» في 6 أكتوبر1981.
وسواء صحت هذه الأقاويل أو أخطأت، فالمؤكد أن عبقرية «البتاع» في اللهجة المصرية ولدت لتبقى، ولتقوم بعشرات المهام اللغوية والنفسية والإيحائية. والمهم أن قيمة
وأبعاد هذه الكلمة الثرية تقبع في عبقرية «البتاع».
رقم العضوية : 185
تاريخ التسجيل : 25Apr2007
المشاركات : 448
الحالة :
انا بحب أحمد فؤاد نجم جدا وبيعجبني جدا جرأته وصراحته الشديده
رقم العضوية : 55
تاريخ التسجيل : 18Apr2007
المشاركات : 705
النوع : ذكر
الاقامة : Cairo
السيارة: Gol
السيارة[2]: Corrolla
الحالة :
هذه القصيده ليست قديمه!
بل هى حديثه جدآ حسب معلوماتى
وهى ليست تخريفه مطلقآ, بل هى رد بليغ على بلاهه "واحد منوفى كبير" عندما رد على سوأل احد الصحفيين حول اقتتال فتح وحماس منذ حوالى عامين حيث قال عظمته "انا مش عارف فتح مضايقه..أ..أ..أ.....البتاع ده, فى ايه!"
وكانت مذاعه على الهواء مباشره ويومها ضحك الشعب للفجر وكانت فضيحه على المستوى العربى كله
رقم العضوية : 576
تاريخ التسجيل : 10May2007
المشاركات : 315
النوع : ذكر
الاقامة : 6 أكتوبر
السيارة: واجا
السيارة[2]: بلونيز
الحالة :
لأ بقي يا أستاذ أحمد ..
المرة دى وقعت فيها يا دكتور ..
القصيدة فعلا قديمة جدا جدا .. وهي فعلا كانت بتتقال علي السادات الله يرحمه ..
وخد بالك من جملة " أمر بفتح البتاع لأنه كان مسطول .." ودى التعليقة إللي كانت طالعه عليه رحمه الله ..
بس ما يمنعش أن الفن الرائع بيتم إسقاطه علي مواقف معاصره . .. زى الموقف إللي حضرتك بتقوله
بس علي ما أذكر أنه كان بيقول .. " الناس كلها حتخسر من الحرب في لبنان .. اسرائيل ختخسر.. والبتاع ده برضه حيخسر .. "
وطبعا كلنا عارفين البتاع ده ..
مع خالص الشكر والتقدير ..
خَالِطُوا النَّاسَ مُخَالَطَةً إِنْ مِتُّمْ مَعَهَا بَكَوْا عَلَيْكُمْ وَ إِنْ عِشْتُمْ حَنُّوا إِلَيْكُمْ
رقم العضوية : 55
تاريخ التسجيل : 18Apr2007
المشاركات : 705
النوع : ذكر
الاقامة : Cairo
السيارة: Gol
السيارة[2]: Corrolla
الحالة :
tamam right
i now remembered
But i think it fits the recent situation more :)
المفضلات