اعمل ايه في العالم المؤذيه اللي في الشارع

**Ayman-Ahmed** · 16-06-2010 08:47 PM

المشاركة الأصلية كتبت بواسطة mayoush133

أنا كل يوم أنزل ألاقي حد مشخبطلي عليها و أنزل ألاقيها محكوكة و شايل اللون الأصلي بتاع العربية و ألاقي اللون الأسود بتاع الاكصدام :( مش عارفة الناس ديه ليه معندهاش دم.. و أنتو عارفين احساس عربية جديدة مكملتش 3000 كم تلاقيها مخبوطة و كنت عايزة أخذ رأيكو أروح أعملها و أزبط الحاجات ديه و لا بلاش.. و زيادة الفقر اتخبطة و أنا بركن في عمود صغير من اللي بيبقوا محطوطين في الشارع اللي ماهموش لازمة..حاجة تقهر و الله :(((((((((((((

فيدوني !!!!

البرود واللا مبالاة تحسى انها حاجة عادية وعلى رائ معتز خليك كووووول.طب ازاى والناس مش سايبة حد فى حاله.وانا ماشى ساعات بتفرج على العربيات الاقى اللى متخططة واللى منقرة والمتشخبطة ولما اسال اصحابى اللى يقولى اصل كنت راكن اودام محل واللى يقول كنت راكنها فى ساحة واكيد عيل....جرحها بفضة او ست ولا راجل كبير وقف يريح وساب شنطة عليها وبدل ما يشيلها جرها احسن ومن ده كتير.

سيبى الخبطات ديه اسبوع ولا اتنين زى ما انا عملت اول ما جبتها.ويا رب عين الحسود تبعد عننا.

حسبى الله ونعم الوكيل ويا رب استرها علينا جميعا.

**mayoush133** · 19-06-2010 03:08 AM

اه هسيبها بقى شوية كدة و ربنا يعمل اللي فيه الخير :)

**amgada7555** · 19-06-2010 03:21 AM

انا لو شوفت واحد ذى كده هعذبه ذى الكفار وموش هيكفينى بعد كده انى اسيبه سليم

**hema_hn** · 19-06-2010 03:31 AM

انا ساكن جمب معهد الخدمة الاجتماعية وجه عليا وقت بسيب العربية تحت البيت فأنا والناس زميلها عملنا حركة فى فرش العربية من نحية الكابوت والشنطة حطينا عليه شحم بسيط ووسخنا الشحم ده وفعلا جابت نتيجه محدش قعد على العربية بس جيت مره من الشغل لقيت الرفرف مطبق للداخل تخيلو ليه اللفندى لما قعد على الكبوت اتبهدل من الشحم راح نازل رزع بالشلوط فى العربية بينتقم منها