الموضوع: الكاريــــــــنز - تركيب العازل الحرارى Three-3M

المشاركة الأصلية كتبت بواسطة khaled_nowaihy

السلام عليكم ورحمة الله وبركاته
ابوخ مشكلة فى الكارينز هى مساحة البريبريز الأمامى والشماسة المسخوطة بتاعتها
وكمان لو نزلتها تدارى على نصف مراية الصالون
ولما آجى اركنها عاوزة شماسة كبيرة عشان تغطى البريبريز بالكامل
لذلك قررت اركب ال 3m للنصف الأمامى فقط من السيارة طالما النصف الخلفى محمى نسبياً بالفاميه

اتصلت بالمهندس سامر واتفقنا نركب crystalline 77 وحددنا ميعاد التركيب وتم التركيب فعلاً الأسبوع الماضى
مستوى الحرفية عندهم عالى وبيشتغلوا بتأنى وصبر ونظافة ما شفتش زيها بصراحة قبل كده

كان بيمسك كل جزء يلصقه من الخارج أولاً عشان يطبع على منحنيات الزجاج- وبعد كده يشيله تانى ويشيل طبقة الغلاف ويركب اللاصق على الزجاج من الداخل بعد تنظيفه جيداً طبعاً.

هل هناك فرق قبل وبعد ؟
نععععععععععععععععم كبير جداً


قبل: لما كنت اسيب العربية فى الشمس الاقيها نار والدركسيون والتابلوه والعين وبيلسعوا ... مهما فتحت النوافذ أو شغلت التكييف بتفضل سخنة نار

بعد : الدركسيون والتابلوه أقل سخونة ... بمجرد فتح الشبابيك يبردوا ومع التكييف كل الأجزاء باردة

التعرض لأشعة الشمس من خلال الزجاج بعد تركيب العازل:
قبل : لسعة الشمس اللى احنا عارفينها
بعد : ولا حاجة تقرييا

بصراحة مفيدة جداً وريحتنى من مشكلة كانت مضايقانى فى الكارينز

الشفافية بعد التركيب :

الصورة تتكلم

السعر طبعاً كلكم عارفينه دفعت 1000 جنيه لنصف العربية الأمامى

وده فيديو للفنيين وهم بيركبوه (بيتر ومحمد) - التركيب أخذ حوالى ساعة ونصف تقريبا

[youtube]http://www.youtube.com/watch?v=cgectq_isg4[/youtube]

ايه رأيكم ؟

الف مبروك يا ريس .... فعلا هتفيدك كتير ... بس الف جنية مبلغ برضة