الموضوع: مين لسه ما راحش اوتوماك و ناوي يروح بكره

السلام عليكم
انا باحب معرض اوتوماك جدا و مداوم عليه سنويا تقريبا
و باعتبر انه افضل بكتير من فورميولا
في 2005 اشتريت منه الأكسنت
في 2007 اشتريت منه الصني
في 2009 اول مرة اشوف فيه حبيبتي السيلفي اللي فضلت شاغلة بالي لحد ما اشتريتها من 3 شهور
طبعا انا مش ناوي اشتري و لا اغير اي حاجة كام سنة قدام
لكن لا مانع ان الواحد يتفرج و يشوف حال الدنيا
كان نسيبي مواعدني نروح الجمعة و خلي بيّ
فأنا قررت اروح بكرة ان شاء الله و ده اخر يوم
حد غيري ناوي يروح؟؟
ممكن تكون فرصة كويسة نتقابل
و كمان الموضوع بيبقى اظرف كتير لو الواحد مش لوحده
لو حد ناوي يقوللي و نتفق على المقابلة ازاي
مع تحياتي
د.عيد

المشاركة الأصلية كتبت بواسطة ahmed.tv

كنت تقول يا دكتور انك ناوى تروح كنا روحنا مع بعض, انا روحت يوم السبت , وكان نفسى اروح تانى , بس بكرة حيكون صعب جدااااااااا
انا كنت فاكر انه حيخلص يوم الثلاثاء , وطلع بكرة وزعلت

على فكرة المعرض جامد جدا بتاع الاخبار من حيث التنسيق وكل حاجة بصراحة

كل شيء بمعاد
ان شاء الله نتقابل في المقابلة الجاية
شكرا على ردك يا استاذ احمد
د.عيد