هل ال abs و ال air bags مهمين في مصر؟

**kingnoro** · 07-06-2010 12:00 AM

انا أقدر اقول لحضرتك متشتريش العربيه من غير abs لان الفرق كبير و من تجربتي الabs انقذني مرتين.
بس المشكلة ان في عربيات فيها abs بس زي قلتو زي السيراتو.
وياريت لو حد من اصحاب السيراتو يقولي رأيه و هل العربية بترحف معاه ري مبيحصل معاية

**mido** · 07-06-2010 10:26 AM

انا بس حاسس ان ال abs فى العربيات الكورى فشنك

**abou_ruqi** · 07-06-2010 10:43 AM

المشاركة الأصلية كتبت بواسطة mido

انا بس حاسس ان ال abs فى العربيات الكورى فشنك

أنا مركبتش كوري فيه abs , إنما اختبرته في التيدا وفي الفورد , حاجة رائعة وأنا مدين بكثر من الشكر للي أخترعه لإنه أنقذني أنا و العربية من كثير من المصائب , والله هو الحافظ

مره كنت باتناقش مع واحد صحبي شاري النترا , وقولتله ليه مجبتش عربية فيها abs بنفس السعر و في كتير ؟
قالي انا مش شايف انه ليه فايدة وأنا سوقت سنين و محستش إني محتاج له ....... وسكت شوية وقال : إلا مرة واحد العربية زحفت مني و عرضت

قلتله اهو الـ abs معمول علشان المرة الوحده دي , يحمي عربيتك من حادثه جامده أو لا سمح الله حد جوه العربية يتعور , فكر شوية وقالي معاك حق

للأسف الناس فرحانة بفتحة السقف و عدد الأحصنة والكشافات الزينون , وكل ده ولا يسوى قدام عربية مصنوعة لحماية ركابها واحترام ادميتهم و حماية استثمارهم في العربية

**rafeee2** · 07-06-2010 11:31 AM

المشاركة الأصلية كتبت بواسطة abou_ruqi

مش حرد عليك إلا

في بحثك : ثبت الاتنين دول و بعدين دور على نوع العربية , وماتثبتش نوع العربية و تدور عليهم

عاوز أقول إن وسائل الأمان أهم من العربية نفسها , مش مهم حتركب إيه و لا حتجبها منين و لا شكلها إيه
المهم تأخذ بالأسباب , كله إلا الاستهتار بروحك و روح عائلتك

الأهم إن تكون الأوبشنز دي في عربية من اسم ليه سمعة طيبة في مسألة الأمان والعربية واخدة نجوم لا تقل عن ثلاثة في اختبارات الأمان (الغير صينية)

الله ينور

+1

**cyborg_ift** · 07-06-2010 12:16 PM

طبعا مهمين جدا وربنا يحفظنا جميعا

**geeg_2006** · 07-06-2010 12:34 PM

طبعا مهمين جدا ولازم تبقي من الاساسيات

**hobaz** · 07-06-2010 12:52 PM

دي مهمة في مصر اكتر من اي بلد تانية بسبب العشوائية اللي في الشوارع واحوال الطريق الممتازة اللي عندنا.....
وربنا يستر طريقك ويكفيك شر الطريق....

**medociv** · 16-06-2010 11:21 AM

مهمة جدا طبعا نصيحة لوجه الله تعالى لا تتنازل عنهم

**levelpower** · 16-06-2010 11:35 AM

طبعا ABS مهم جدا و عن تجربه و بعدين انت عارف فى مصر مشاء الله الناس بتمشى بعربيات من غير اضاءة خلفيه و فجأة تلقى العربيه وقفت قدامك او واحد سرحان و يروح ضارب فرامل مره واحده بجد مهم و ربنا يسترها معنا جميعا .
AIR BAGS طبعا من غير كلام مهم طبعا هى كل شئ بيد الله بس طبعا دى وسائل امان ضروريه جدا لان كتير او ناس بتعمل حوادث و ينقذها ال Airbags و ممكن العربيه تدشدش و تضل الكبينه سليمه و ده طبعا راجع لوسائل الامان داخل العربيه و اهم حاجه انك تدرس العربيه فيها ايه من وسائل الامان لان ده هيوفر عليك كتير والله حتى لو فى حاجه بسيطه ياعنى تخيل مثلا ان الطريق وقف و بعدين دوست فرامل و مش معاك ABS العربيه هتزحف و تتخبط حتى لو اتكسر فانوس لكن لو فى ABS تقدر تهرب فى اى اتجاه بجانب انه بيققل نسبه الزحف .

و ربنا يسترها علينا جميعا.
ا/ ايهاب ابو العنين