هل ال abs و ال air bags مهمين في مصر؟

**mido** · 06-06-2010 10:15 PM

كنت عايز اعرف راي الناس ولو هما مهمين ولا ممكن نعيش من غيرهم بفكر اجيب كروز واول واحده اوتوماتيك مفيهاش فا مش عارف ممكن الواحد يستغني عنهم ولا هما مهمين؟

**yoko** · 06-06-2010 10:25 PM

الabs أكيد لإن معظم شوارع مصر تراب وزلط وكل عوامل الزحفان موجوده بالإضافة للي بيرشوا مياه قدام المحلات!!!
الairbag طبعا مهم بس لو هتأمن لو مش هتأمن وكل سواقتك جوه المحافظة فيه ناس بتكبر دمغها ولو إني مقتنع إنه مهم جدا جدا بالذات إني بجري كتير

ونصيحة أخويه بلاش أي عربيه من منصور ولو أصريت عليها خليك فاكر إني حذرتك

**merosss** · 06-06-2010 10:38 PM

المفروض اى عوامل امان تبقى مهمة فى مصر احنا فى بلد من اعلى معدلات حوادث الطرق فى العالم وانا بردة وافق فى راى بلاش اى عربية من منصور واحد قريبى معاة اوبل 2008 ومخنوق من منصور ومن الصيانة

**M.Zaher** · 06-06-2010 10:56 PM

ولا ليهم اي لازمه حتى اسال بتوع غبور

**amrico** · 06-06-2010 11:00 PM

يا سيدي الفاضل، استعمال وسائل الأمان، هو اللي بنقول عليه الأخذ بالأسباب، ليه اخد حاجة ناقصة، واستخسر في حياتي وسلامتي شوية فلوس مايساووش أي مكروه ممكن يحصل.
ربنا يوفقك للي فيه الخير، وبخصوص منصور وعربياته، انا مقدرش افيدك، بس الأخوه في المنتدى انا شايف ان ليهم رأي شبه موحد بخصوص الصيانة

**abou_ruqi** · 06-06-2010 11:10 PM

المشاركة الأصلية كتبت بواسطة mido

كنت عايز اعرف راي الناس ولو هما مهمين ولا ممكن نعيش من غيرهم بفكر اجيب كروز واول واحده اوتوماتيك مفيهاش فا مش عارف ممكن الواحد يستغني عنهم ولا هما مهمين؟

مش حرد عليك إلا

في بحثك : ثبت الاتنين دول و بعدين دور على نوع العربية , وماتثبتش نوع العربية و تدور عليهم

عاوز أقول إن وسائل الأمان أهم من العربية نفسها , مش مهم حتركب إيه و لا حتجبها منين و لا شكلها إيه
المهم تأخذ بالأسباب , كله إلا الاستهتار بروحك و روح عائلتك

الأهم إن تكون الأوبشنز دي في عربية من اسم ليه سمعة طيبة في مسألة الأمان والعربية واخدة نجوم لا تقل عن ثلاثة في اختبارات الأمان (الغير صينية)