المشاركة الأصلية كتبت بواسطة mmamdouh
المواتير اللى بتتكلموا فيها دى short block و 99.99% كل حاجاتها تركب على بعض... انا شوفت المكنة ال 1350 و ال1500 و ال1600 و كان البلوك ووش السلندر هو هو بالمللى... كل الفروق فى قطر البساتم و طول البيلات و مشوار الكرنك... باقى المكونات هو هو بالكاربون
بالنسبة لقصة تركيب الوشوش و البلوكات على بعض فا دى قصة سهل التاكد منها... اشترى جوان وش سلندر للموتورين اللى حتنقل منهم... و ليكن موتور اللانوس ال 1500 و الكورسا ال 1400... و تطابق فى الطول و العرض و اماكن ممرات الزيت و المية و فتحات البساتم (المكان مش المقاس) يبقى تركيب الوش بتاع اى مكنة منهم على بلوكة المكنة التانية ينفع
انا عملت الطريقة دى فى تركيب وش نوبيرا على بلوكة لانوس و التجربة نجحت 100%... معنى كدة ان فى حالة نجاح عملية المقارنة فيه ناس كتير تقدر تركب الوش ال 16 صباب على الكورسا او تحويلها من 1200 الى 1500 عن طريق تغيير البيلات و الكرنك فيما يعرف بعملية الstroaking
الالعاب كتير فى القصة دى بس اهم حاجة مطابقة الوش على البلوك... و المطابقة تمام تقدر تركب اى حاجة على اى حاجة
mmamdouh