عاوز اقص في نص الكبوت و اغطيها قزاز .. ايه رايكو ؟؟
و هل في حد جربها و يعرف بتتعمل عند مين و هتتكلف في حدود كاام ؟؟
و بالنسبه للتنكيل الحجات اللي تحت الكبوت ايه نظامو و بيكلف كام ؟؟
ياريت تدوني رأيكو :F_eyeb1[1]::F_eyeb1[1]:
عرض للطباعة
عاوز اقص في نص الكبوت و اغطيها قزاز .. ايه رايكو ؟؟
و هل في حد جربها و يعرف بتتعمل عند مين و هتتكلف في حدود كاام ؟؟
و بالنسبه للتنكيل الحجات اللي تحت الكبوت ايه نظامو و بيكلف كام ؟؟
ياريت تدوني رأيكو :F_eyeb1[1]::F_eyeb1[1]:
اكيد طبعا هتلاقي ناس في الحرفيين بتعملو
مش عارف التكلفة والله
وبالنسبة للتنكيل بردة مش عارف الا تنكيل الجنوط
ودة بيتعمل ب200 جنية للربع فرد
وانت طبعا مش هاتنكل حاجات كتير
طب والمرور بيمنع الحوار ده ولا ايه ؟؟؟
هو غالبية الناس بتعمل الاتي: تشتري كبوت تاني استيراد وتعمل فيه كل الشغل وترشه وتركبه وتخلي كبوت الفابريكة زي ما هو وكنت شفت واحد عامل الموضوع دا في شاهين وقالي التكلفة الكلية 1600ج بالكبوت الاستيراد بكله
انا رايي ان اي لعب في العربية بيغير شكلها ومش بيخليها تتباع كويس بالإضافة انك هتدفع فلوس كتتير في التعديل
اتوكل علي الله
واعملها
دي بتخلي شكل العربيه جمييييييييييل
بس خلي الشغل ده في كبوت استيراد تاني
وساعة البيع ابقي ركب الاصلي
وبيع اللي متعدل
انا رايي انها تكلفه زياده و لو مصمم تعملها يبقى اكيد لازم تكون مظبط عربيتك قبلها من كل ناحيه عشان الشكل العام يبقى مستاهل ولو اني برده مش مأيد الفكره دي . انت ممكن بنفس الكاشات دي تظبط حجات تانيه في عربيه سواء من ناحية الشكل او الاداء
اقتباس:
هو غالبية الناس بتعمل الاتي: تشتري كبوت تاني استيراد وتعمل فيه كل الشغل وترشه وتركبه وتخلي كبوت الفابريكة زي ما هو وكنت شفت واحد عامل الموضوع دا في شاهين وقالي التكلفة الكلية 1600ج بالكبوت الاستيراد بكله
اقتباس:
اتوكل علي الله
واعملها
دي بتخلي شكل العربيه جمييييييييييل
بس خلي الشغل ده في كبوت استيراد تاني
وساعة البيع ابقي ركب الاصلي
وبيع اللي متعدل
انا مع الكلام ده كلام 100 100
احب اضيف ان الفتحه بتبقى مش ازاز عشان حيفرقع او يتكسر وانت بتركبه اصلا دى بتبقى اكريليك (باغه شفاف يعنى)
ولو حتعملها انت وتقف على ايد الصنايعيه يبقى استحاله توصل ل1600
السمكرى فى القطع وعمل الشفه الى بتسقط فيها الباغه كبيره 300 جنيه
والاكريلك كبيرها 50 جنيه ويبقى اضحك عليك كمان
و دوكو 100
والكبوت فى حدود 500
يعنى كلها 1000 جنيه بالشاى والقهوه
ولو انت من اسكندريه اعرف سمكرى بيعمل تعديلات صاج وشغله جميل
ويا جماعه الناس الى بتقول ملهاش لازمه ومدام ملهاش مش حتزود الاداء يبقى متعملهاش الكلام ده ملوش لزمه لانه بيحبط اى حد عاوز يعدل فى عربيته
يعنى صاحب الموضوع مش عارف انها حتحسن فى الاداء حاجه طبعا لكن بتحسن فى الشكل وبتدى شكل رياضى
انا مقصدش انى ازعل حد بكلامى وانا عارف انكم بتنصحوا صاحب الموضوع لوجه الله بس كل واحد ودماغه
انا قابلت الكلام ده كتيييييييييييير وانا بعدل عربيتى واحبطنى يجد
بجد الكلام ده بيحبط اى حد عاوز يعمل حاجه هو الموضوع فى الاول والاخر وجهه نظر