السلام عليكم ورحمه الله وبركاته
ان شاء الله ناوي اشتري
كيا سيراتو كوبيه 2010
فهل في اي مشاكل بشكل عام في العربيه ؟
لان علي حد سمعي ان في مشاكل في العربيه كيا سيراتو لكن العاديه مش الكوبيه
فماذا عن الكوبيه ؟؟
ارجوا الافاده
ومشكورين يا شباب
السلام عليكم ورحمه الله وبركاته
ان شاء الله ناوي اشتري
كيا سيراتو كوبيه 2010
فهل في اي مشاكل بشكل عام في العربيه ؟
لان علي حد سمعي ان في مشاكل في العربيه كيا سيراتو لكن العاديه مش الكوبيه
فماذا عن الكوبيه ؟؟
ارجوا الافاده
ومشكورين يا شباب
هو بقى في عربيات في الشارع غير سيراتو
توكل على الله وماتترددش خالص وليه كوبيه ما تخليك في العاديه انما لو مش فارقه معاك موضوع عدد الابواب يبقى خلاص المهم تختار اللي يناسبك ويناسب احتياجاتك
وعليك بمراجعة المواضيع في قسم الكيا
ومعلومه بسيطه مُللاك العربيه هنا ناس زي العسل ومحترمين جدا وهايخلوك تحب العربيه وهاتشوف مُداخلاتهم في الرد عليك
هو اللي اعرفه ان مشكلتها في الكوتش اللي بيطلع بلالين (مشكلة الشوارع مش مشكاتها بصراحة)
اتوقع انها تمام والله اعلم وعالعموم استنى وحوش الكيا اكيد هيفيدوك اكتر مني لأنهم بجد ناس محترمة ويستحقوا كل احترام وتقدير..
شكرا ليكم جدا يا شباب مانتحرمش يارب :)
طيب ايه موضوع البلالين ده ؟ اول مره اسمعه ؟
انا معايا حاليا جين 2 وزي الفل مفيهاش اي مشكله نهائيا ده انا حتي مستخسر ابيعها
بس عيني علي الكوبيه شكلها احلي
ايه بقي موضوع البلالين ده غريب اول مره اسمع عنه !
البلالاين دى بتظهر فى الجنوط الLow profile ال 17 يعتى ف اى نؤرة او سن بلاعة من بتوع شوارع المحروسة يجى فى الكوتش بيعمل بلونة ولازم الكاوتش يتغير على طول عشان لو سبتوا ومشيت بية لاقدر الله بيفرقع
هو ملاك الكوبيه معانا مش كتير بس محدش قال عليها حاجه يعنى
هى مش مختلفه كتير عن العاديه "أوطى سنه" ومشكلتها بردو زى العاديه الجنط ال17 الى مضايق معظم الناس
غير كدا مش قادر أفتكر حد أشتكى من شىء معين
فى كمان بيقولو لو أنت طويل شويه ممكن راسك تخبط فى السقف لأنها مش عاليه أوى
الكنبه الخلفيه زيها زى العاديه واسعه يعنى
ممم...بس دا الى أنا فاكره
وإن شاء الله ربنا يسهل وأحد الملاك يشوف الموضوع ويرد أفضل على أستفساراتك
طب سؤال اشمعنا في الكاوتش الـ 17 ؟؟؟
انا الجنط بتاعي بتاع الجين 2 مقاسه 15 ومش بيحصل كده ؟
هل ده عيب في كاوتش العربيه نفسه ؟ ولا ده عام لكل الكاوتشات الـ 17 ؟؟
ان شاء الله تسلم ياجميل
انا طويل اه وجربت اقعد جواها كانت عاديه مفيهاش مشكله بالنسبالي
الكنبه اللى ورا زي السيراتو العاديه صح ؟ اصلي مقلق انها تكون ضيقه من ورا اضيق من السيراتو العاديه
وبعدين ايه مشكله الكاوتش الـ 17 ده ؟
يعنى لو جنط 16 مش حيحصل مشاكل ؟؟؟
اصل فى كل حته فى مصر الشوارع مكسره الجنط 16 يستحملها؟؟؟
اه فعلا يعني هل الحل اني لما اجيب العربيه الكوبيه اغير الكاوتش بتاعها بواحد تاني سميك ؟؟ ولا ايه ؟؟
أنا راكب 16 ومفيش أى مشاكل مع الطرق
ولأ الحل مش أنك تغير الكاوتش ولا تستغنى عن جنط الكوبيه المميز للغايه
الحل أنك تمشى بحرص شويه بس
تاخد بالك من النقر والبلاعات وتخدها على الهادى بس كده
ومتقلقش منه إن شاء الله
ولو زنقت معاك قوى فى موضوع كان عامله حسام أوبترواى عن الى عايز يغير الكاوتش هدور عليه وأديك اللينك
بس أنا شايف أنك تستمتع بيها كدا وتسوق بحرص مش أكتر وكل حاجه هتبقى كويسه إن شاء الله
تسلم ياجميل مانتحرمش يارب
ومنتظر باقي الخبراء عن اي مشاكل او حاجات اخد بالي منها وانا بشتري العربيه ان شاء الله
بانتظار خبراء السيراتو كوبيه
أنا مش خبير كوبيه :)
بس خبير سيراتو عادة ههههههه
بص ...
ركوب الكوب فيه شوية حاجات لازم تتقبلها :
1 - العرية أوطى من السيراتو و ما فيش شكوى من وطيها برضه بس مع التحميل .......يمكن
2 - الجنط ال17 .....انت هاتقرا في الموضوع التاني ...بس فكرة انك تغير جنط الطوب ب16 يبقى حراااام حرااااام حرااام عليك تلاتة حرام هههههههه
3 - البابين بس
4القر و النق اللي لازم تدوق منه حته اول ماتجيبها
ههههههههههههههه
اصلكوا مش عارفين يا جماعه لما جيبت الجين 2 برضه اخدت عين والناس كلها بتحسد والحسد مذكور في القران بس الحمدلله دايما كانت بتيجي سليمه معايا في الجين 2 وربنا يسترها في الكيا
موضوع الجنط ده هو الحاجه الوحيده اللى مقلق منها وهسأل فيها في التوكيل لما اجي اشتريها ان شاء الله
بالنسبه ان العربيه واطيه شويه مش هاحس بالكلا مده لان الجين 2 برضه واطيه علي الارض
اااااااه موضوع البابين ده هو اكتر حاجه مضايقاني
بس عندي سؤال هل الكنبه اللى ورا نفس مساحه الكنبه الى في السيراتو العاديه ؟؟ ولا اضيق ولا ايه ؟؟
أنا أسف يا جماعة الامتحانات وهندسة منها لله :(( يا باشا أنا معايا koup مفيهاش أي مشاكل الحمد لله وأي استفسارات أنا تحت أمرك بس أهم حاجة خلي بالك من الار والحسد عشان أنا لبست زلطة في الإزاز
وأي اسئلة تحت أمرك
ربنا يباركلك فيها يارب
طيب قولي ايه نظام الكنبه اللى ورا ؟ ضيقه ولا زي السيراتو العاديه ولا ايه ؟؟؟
وكمان مقلق جدا من حوار الجنوط 17 دي
وعايز اعرف السرعه القصوي للعربيه كام ؟ العداد بتاعها يعني ؟ لان الجين 2 اللى معايا عدادها 240
وربنا معاك في الامتحانات :)
؟؟؟؟؟؟؟؟؟؟؟؟؟؟؟
بص يا باشا هي كا مساحة أنا مركبتش elcerato العادية بس هي واسعة ومريحة لو حد أقل من ١٨٥ سم أما الجنط فهو محتاج تمشي ب حرص شوية بس متقلقش وهي عددها ٢٢٠ كم وربنا يخليك ويا رب معايا ومع كل ال ف هندسة ربنا يطلعني منها على خير يا رب وأي استفسارات أنا معك يا باشا :))
على فكره هى نفس مساحه الكنبه الخلفيه للسيراتو السيدان بالظبط
فلو ركبت العاديه..هى زيها بالظبط
هشام أنت فى هندسه أيه :))
يا باشا توكل على الله
العربيه كويسه جدا وهيا معايا بقالها 6 شهور وماشي بيها 11 ألف كيلو ومفيش أي مشاكل الحمد لله
بالنسبه لموضوع الكاوتشات ده محتاج شويه حرص بس عشان النقر الجامده الي في الشارع
وعلى فكره أنا بدخل بالعربيه دي في مدقات في وسط الجبل والعربيه كويسه جدا الحمد لله
الف الف شكر يا وحوش السيراتو
ربنا يخليكم يارب يا شباب
وبالتوفيق ليك في كليتك ياباشا هندسه اكيد صعبه
وربنا يعيينا احنا كمان :d
انا كنت مقلق جدا من موضوع مساحه الكنبه اللى ورا بس طالما نفس العاديه يبقى تمام جدا
لاني واخد فكره عن الكوبيه انها ضيقه من ورا زي الهيونداي كوبيه كمثال
بالنسبه للكاوتش فا ربنا يستر بقي بس انا عايز اعرف سعر العربيه الاصلي من التوكيل اعرفه ازاي ؟ لازم اروح التوكيل ؟ مفيش موقع رسمي مقدم الاسعار ؟
لان المعارض اسعارها مختلفه عن بعض واللى اعرفه ان في فئتين من السيراتو كوبيه وباسعار مختلفه
لا لا لا يا باشا هي أوسع كتير من هيونداي كوبيه وبل نسبة للكوتش متقلقش وتوكل على الله وربنا معنا كلنا إن شاء الله هندسة صعبة بس جميلة في نفس الوقت:fun_36_3_4[1]: :)) بل نسبة للأسعار فهي فئتين للوكيل EX ود ب-١٢٠٠٠٠ جم و SX ب-١٣٦٠٠٠ جم وفي الخليجي SX highline د زي الأنا جبتها ب-١٣٣٠٠٠ جم وأي إستفسار متترددش يا باشا :E_braces[1]:
الخليجي دي ايه نظامها يا باشا ؟
هي هي الـ sx ولا ايه ؟
ولو هي هي ليه اقل منها في السعر بـ 3 الاف ؟
تسلم يا باشا
وهشوف عرض المنتدي دلوقتي
عايز اعرف بس لو سمحت ايه هي مرايا التعتيم دي ؟ اول مره اسمع عنها
وايه الـ esp ده ؟ تقصد ABS ؟
معلش اصل الحاجات دي مش عندي في الجين 2 :colsmil:
وياريت لو في موضوع في المنتدي بيقارن بين الفئتين بتوع السيراتو كوبيه تديني الرابط بتاعه
لاني عايز اعرف الفرق بين اللى بـ 120 واللى بـ 137 الف
مرايا التعتيم دى يعنى المرايا بصوره ذاتيه بتعتم لما ضوء جامد يضرب فيها علشان متضايقش عنيك وأنت سايق
يعنى لو واحد سايق وراك وضارب عالى المرايا تعتم أوتوماتكلى
الesp غير ال abs أقرا الاقتباس دا
بالنسبه لمواصفات فئتى الكوبيه
ربنا يخليلنا حسام أوبتراوى ويجازيه خير
دايما مش سايب حاجه :))
فياريت الشكر يتوجه ليه هو
ودا موضوع هو بردو كان عامله عن الكوبيه من جابر عبد الشهيد ياريت تشوفه
أخيرا دا كمان تقرير نادر نبيل يمكن تكون مشفتوش...
http://www.nilemotors.net/Nile/113572-a.html
ولو عاندك أى أستفسار تانى قول وربنا يوفق وأعرف أجاوب
وهشام معانا أهو ودا المالك الوحيد الى بيشارك ويرد وربنا يخليه لينا :))
ربنا معاك
تسلم بجد علي مشارتك المفيده دي
وبارك الله فيك ياجميل
والشكر موصول لاصحاب المشاركات دي اكيد برضه :)
يا normal باشا ربنا يخليك:satelite: وأنا تحت أمركو و-normal جاب الحضرتك من الأخر هي د كل معلومات ال-koup الفرق بس إن سعر الخليجي بقى ١٣٣٠٠٠ - ١٣٥٠٠٠ إنت وشطارتك ويستحسن لو خليجي يبقى من عند جابر عبد الشهيد ناس كويسين ومحترمين جداً وطبعاً حسام باشا أبتراوي ربنا يكرمو هو الجبلنا أصلها وفصلها وكان من ضمن الناس الشجعتني اني أبيع elbmw وأجيب ال-koup :Ta_clap[1]: وربنا معاك ويهديك للفي الخير إن شاء الل:ask:ه