الموضوع: اخيرا بقيت اوبتراوى باركولى :)

المشاركة الأصلية كتبت بواسطة afrtow

الف مبروك

يا هلا بيك معانا في نادي الاوبترا .

ياريت حضرتك تديني تفاصيل اكتر عن حاله العربيه و ثمن شرائها , ومستنيين منك تقريير اكتر تفصيلا عن اداء العربيه بس بعد شويه تكون قدرت تكون فكره كويسه عنها وخصوصا انك هونداوي قديم .

الله يبارك فيك يا باشا، انا فعلا عايز اعمل تقرير بس الشغل مش مخلى فى وقت خالص.. السعر بقى بينى و بينك :)

المشاركة الأصلية كتبت بواسطة dark_smoky

الف مليون مبروك يا سيدي و اهلا بيك مع الاوبتراوية .. بس ليا سؤال ليه بتقول الموتور موتور نوبيرا ؟؟؟

الله يبارك فيك، انا مش واثق من معلومة موتور النوبيرا بصراحة بس احنا عندنا 2 نوبيرا فى العيله و بسوقهم كتير و حاسس ان الاوبترا نفس الموتور مع تعديل نظام الشكمان بالكامل و عشان كده صوته اهدى و انعم

المشاركة الأصلية كتبت بواسطة Hosam_Optrawy

الف مبروك ياباشا ربنا يباركلك فيها ومبروك علينا اوبتراوى جديد :)

بس مهم جدا انك تعرف اذا كانت العربيه عامله صيانة ال 60 ولا لأ لان الصيانه دى من أهم الصيانات وبيتغير فيها حاجات كتير

وكمان الكاوتش لو ماتغيرش لازم تغيره

الله يبارك فيكو يا باشا، و انا كمان مبسوط والله انى بقيت معاكو فى قسم الشيفروليه.. للاسف العربية مش عاملة صيانة ال 60، و الكاوتش طبعا محتاج يتغير.. بس انا قلت استنى الفلوس تبرد شوية :) انا بصراحة مش عايز اروح التوكيل عايز اشترى انا قطع الغيار و اروح لميكانيكى شاطر شغال فى التوكيل او مركز صيانة محترم يعملى الصيانة، انت ما تعرفش حد؟

المشاركة الأصلية كتبت بواسطة Haitham10

ربنا يباركلك فيها ياجميل
في واحد كان قاللي قعدتها مش هتعجبك ومش مريحة

لما احب ابص علي عربيه كامله اعرف ازاي انها كامله يعني ايه الحاجات اللي بتبقي في اعلي فئه بس في المصري وبالنسبة للخليجي

متشكر اوى يا باشا، هى اراء طبعا بس هى صالونها فعلا واسع و مريحنى انا شخصيا بس هى قعدتها طبعا مختلفة خالص عن ال لانسر عشان كراسى لانسر واطية و قريبة من الارض.. واللى اعرفه ان الخليجى من الاوبترا مش كتير، هى فول اوبشن ستاندرد مفيش اوبشن زى parking sensor مثلا..

المشاركة الأصلية كتبت بواسطة Abo el-Seoud

مبروك اولا بس مع احترامي لرايك بس انا كان معايا نوبيرا وموتور الاوبترا مالوش علاقه بموتور النوبيرا
كفايه صوت موتور النوبيرا المزعج

الله يبارك فيك يا باشا، متشكر جدا.. انا كنت بقول ل dark_smoky ان تعديل او تغيير علبة الشكمان هو اللى عمل الفرق دا، لان الموتور نفسه هوه هوه بس فى زيادة عن النوبيرا الغطاء البلاستيك، و الله اعلم :) ممكن حسام اوبتراوى يقولنا على موضوع الموتور دا، اكيد هو قتل الموضوع بحثا قبل كده انا عارفه

المشاركة الأصلية كتبت بواسطة BASKOTA

100000 مبروك ربنا يبارك لحضرتك فيها
بس ياريت تهتم فعلا بصيانة 60000 كم

الله يبارك فيكى متشكر جدا.. و ان شاء الله اعمل الصيانة