أنا معايا كرباج في الباب بتاعي للمواقف اللي زي دي
عرض للطباعة
أنا معايا كرباج في الباب بتاعي للمواقف اللي زي دي
فعلا الكرباج انسب حاجة علشان هتعرف تجرى ناس كتير من حواليك بص الكارثة لو حد انت ضربته اخده منك
لان الموقف ده حصل قدامى مرة و واحد معاه كرباج ضرب اكتر من واحد و جرى الناس من حواليه بس فى واحد هجم على صاحب الكرباج و استحمل كام ضربة منه بس لما اخده قطع الى كان معاه الكرباج
فبلاش الحاجات دى و خليها فى أسوء الظروف
علي فكرة النار مبتطفيش بالنار بتطفي بالمية يا جماعة متخلوش الشيطان يتمكن منكم ساعة الابتلاءات وبعدين افرض انه كان سواق مستبيع ولا مبرشم كنت حتودي نفسك في الكازوزة علشان واحد ميستهلش تتف عليه حتي وعندك بيت واسرة وتقلق الحاجة عليك
خلي rpm دماغك عالية وتفرملك بabs مزبوط
ويا سيدي فدا ضفرك يعني صاج الباب اغلي عندك من نفسك ولا ايه
اهدي كدة امال وقدر الله وماشاء فعل
واحتاط من اخطاء الاخرين في الطريق
كلام محترم و صح جداااااااااااا
ملوش اي لازمه انك تعمل كدة لان البطلجه بتجيب بلطجة انا عازرك لاني لو في موقفك مش عارف كنت هعمل ايه بس فعلا لو مبرشم او مستبيع كان ممكن يحصل حاجة مش كويسة المرة دي عدت علي خير محدش عارف المرة الجايه
دي ظروف بلدنا مفيش قوانين و لا اي شيء بس هنعمل ايه
أولا.. حمدلله علي سلامتك قبل أي شئ و فداك 100 باب و ميكروباص
ثانيا.. كان المفروض تعمل زي ما أنا عملت قبل كده (نزلت صورت العربيتين و بعدين أتصلت بشرطة النجدة) و تعمل محضر في القسم و ساعتها كانوا هايروقوه خاصة لو مافيش معاه رخص و لا تنرفز نفسك و لاحاجة
ثالثا.. ممكن ترفع لنا صور الخبطة علشان نقولك هيا تتصلح و لا تجيب أستيراد لكن عموما لو عايز سمكري كويس و محترم أقدر أوصف لك واحد في شارع الاربعين بجسر السويس
مع خالص تحياتي
م/ سمير الشهاوي
شكرا علي جميع الردود وانا شكلي هوديها الحرفيين مع اني مابحبش اسيب عربيتي لحد
بس انا مضطر وشكرا مرة اخري لجميع الردود
الحمد لله على كل شئ قدر الله وما شاء فعل
انا لو منك كنت هعمل حاجة من الاتنين
1- هقفل عليها الشارع وهتصل بالنجدة الي تقريبا رقمها (122 يا ريت حد ياكدلي ) واخد حقي بالقانون , ولو الامر تطور كنت هلجأ للحل الثاني
2- واني فعلا بعد الموقف ده هضطر احط في العربيه (الشومة) الي انا سايبها في البيت وكنت هنزل على عربيته ادشدشها واكسرها ولو فتح فمه هكسر دماغه وربنا يستر طريقنا