حد يحللي المشكله دي

**shooda2020** · 07-06-2010 01:09 AM

مساء الخير
اكيد انا عارف انكم زهقتو مني بس مش قادر استغني عنكم
المشكله بتاعتي اني معايا فيرنا 2009 و انتم عارفين التقفيل المحلي
في صوت رخم طالع من التابلوه من جنب الكاسيت ناحيه اليمين
انا عرفت السبب ان الحز الاسود الطالع من عند الساعه لحد حامل الاكواب مش لازق كويس مش ماسك اووي فيها
فمخلي العربيه تعمل مازيكا حصبالله
فنفسي اعرف انسب واحد اروحله يفك الحته دي و تتركب تاني
وبمانه شيكت علي كل المسامير و كلهم مربوطين كويس الهما عند حامل الاكواب
يا ريت ياجماعه ايه الحل
انا حاسس انها مش هاتتحل و لو رسيت اشتري البتاعه السوده دي اشتريها
لو هاتركب كويس مش زاي دي المفكوكه
و ايه الحل لما تتفك تتعمل ازاي تاني لما تتربط
شكرا يا جماعه

**m_mekkawy** · 07-06-2010 11:09 AM

روح التوكيل خليهم يعملوها ع الضمان

**kh_talaat** · 07-06-2010 11:16 AM

المشاركة الأصلية كتبت بواسطة shooda2020

انا عرفت السبب ان الحز الاسود الطالع من عند الساعه لحد حامل الاكواب مش لازق كويس مش ماسك اووي فيها
فمخلي العربيه تعمل مازيكا حصبالله

هو حضرتك متأكد ان هو دة سبب الصوت ؟؟؟؟

لأن فيه عيب تاني مشهور في الفيرنا وبيعمل صوت زن من ناحية التابلوه

**shooda2020** · 07-06-2010 01:39 PM

طب ايه هو العيب المشهور

**kh_talaat** · 07-06-2010 02:15 PM

المشاركة الأصلية كتبت بواسطة shooda2020

طب ايه هو العيب المشهور

العيب المشهور في الفيرنا هو عبارة عن زنه تحس انها جايه من تحت التابلوه وسبب الزنه دي هو ماسورتين داخل حوض السياره ، الماسورتين دول بيقوا مثبتين على الحوض من ناحيه تابلوه السيارة ونظرا لعدم وجود عازل في الفيرنا بين حوض السيارة والصالون فمع اهتزاز الماسورتين بتسمع صوت زن وتعتقد انه جاي من تابلوه السيارة

وحل المشكلة دي بسيط جدا وهو انك بتجيب قطعه من الأسفنج او القطن وتحشرها بين جسم الحوض والماسورة وده هيعمل عازل للصوت ، بس الموضوع محتاج منك تحط قطعه الأسفنج وتجرب العربية وهكذا لحد ما تتزبط معاك

ودي صورة لتوضيح مكان الماسورة (مع ملاحظة ان الصورة لسيارة اكسنت وليست فيرنا )

وفيه حل تاني وانك تنزل الحرفيين وتركب عازل للموتور وده هيفرق معاك كتير في سماعك لصوت الموتور وانت في الصالون لكن بصراحه معنديش معلومات بيركب عند مين وبكام