كان ليا صاحب من زمااااااااان قديم
صاحبي ده تلاقيه في كلامه غشيم
وعمرك ماتحس من ردوده أنه حكيم
وأراءه دايما تقول منها اعوذ بالـ لله من الشيطان الرجيم
وحوارك معاه تطلع منه كسبان تلاته مليم
ولو خالفته الرأي يبقى قول على نفسك يا رحمن يا رحيم
بس إللي يشفع له انه مش لئيم
لأنه على فطرته وكلامه من غير تلقين
بس عيبه انه مالوش في التعليم
ومابيتعلمش من حورات أي حكيم
بيتكلم من أجل أثبات الوجود
وكلامه هدفه أنه يقول أنا موجود
ومش مهم عنده الفايده إللي علينا هاتعود
متسرع وعصبي ومتشنك دايما في الردود
تحس أنه متحفز لك حتى لو كلامك ماعداش الحدود
مع انه لما بيسخن بيتخطى كل الحدود والخطوط
لكن مابيحسش غير لما يهدى ويقولك معلش أصل انا محسود
تلاقيه بحالات وأنت وظروفك بقى لو طلع مش في المووود
صاحبي ده جدع وأصيل
بس مالوش في الحوار الهمجي أي مثيل
أسس الحوار عنده مبنيه على التهليل
ولو خالفته الرأي يبقى أنت بالنسباله عميل
وهاتلاقيه بيهاجمك حتى لو كنت عـَنتيل
وساعات تحس منه إن كل أنفعالاته تمثيل
وده راجع لأن كل كلامه تهويل في تهويل
والمبالغه عنده في التعبير طبع أصيل
مش عارف أمتى هايتعلم إن الدنيا مبنيه على الأختلاف
ومش عارف أمتى ها يقدر يفرق بين الأختلاف والخلاف
وأتمنى يبطل أنه يحول كل أختلاف في الرأي لخلاف
وأمتى أسمع منه جمله واحده فيها أعتراف
ومن عِشرتي له عارف انه مش بيخاف
ونيته وعقله ماحدش يقدر يقول عليهم مش نـُضاف
لكن دماغه ناشفه وعنده في المرونه جفاف
وأتمنى يرووح يتعالج عند الدكتوره "عفاف"
دي دكتوره مشهوره كل زباينها نـُضاف
دكتوره شاطره وتعلمك أساليب متعدده للحوار
وتلاقي عندها أسانيد ودلائل وحـُجج كـُتار كـُتار
والقاعده الأولى تقولك أتكلم بس من غير أفشاء أسرار
طالما حوارك على الملأ وإللي هايشوفوه ناس كـُتار
عشان الناس تحترمك وتحترم أسلوبك في الحوار
بينك وبين أصحابك مافيش أسرار
لكن طالما كلامك هايقراه كل الأعمار
يبقى تحافظ على كلامك سواء بجد أو هزار
وخليك دايما جوه الموضوع ملتزم بالمسار
وماتشزش عنه لحسن يقولوا عليك غدار
وأنت في الأصل راجل جدع بس ماعندكش أسلوب قـَيم في الحوار
أسلوبه محتاج تهذيب
ولو خالفته هايحطك في غرفة التعذيب
ولو أنت سكت وماتكلمتش هاتبقى بالنسبه له شخص عجيب
لأن الحوار عنده معركه والنصر لازم يبقى له بالتأكيد
ومابيقبلش غير كده لو حتى كلامه من غير أسانيد
وأنا بقول له ماتبقاش في كل كلامك شديد
وأحسن حاجه الأختلاف في الأراء عشان تستفيد
لأن الأفاده في الأختلاف مش المهاوده بكل تأكيد
وكل ما هاتختلف في الأراء معلوماتك هاتزيد
وهتستفيد لو بتسمع لمُحدثك من غير ما تبقى عنيد
لأن الأفاده في الأختلاف مش التأييد
ولو كلنا اتفقنا على أن أحسن معدن هوه الحديد
ماكانش ظهر الصلب ولا الفولاذ ولا أي معدن جديد
واتمنى انك تيجي معانا في نايل موتورز عشان تستفيد
من أراء الناس الجميله إللي كل يوم عددهم بيزيد
بعد ماتندمج معاهم وتبدأ تجيب لهم كل جديد
وقتها هاتبقى من ضمن احسن مجموعه منهم بكل تأكيد
وأتمنى أنك تيجي معانا هنا قبل ما يجي العيد
وكل سنه وأنت طيب
