الموضوع: راجع للشغل بشكل جديد وعايز مشورتكم ونصيحتكم.

ربنا يباركلك ويوفقك يا محمد

المشاركة الأصلية كتبت بواسطة aif

اولا الف مبروك وربنا يبارك في العمل الجديد ويكون فاتحة خير ان شاء الله
بحكم شغلي وخبرتي في تأسيس الشركات
اهم شيء في الشراكة هو التفاق على كل شيء ..... الصغيرة قبل الكبيرة
دايما فيه اشياء لا يتم الاتفاق عليها بين الشركاء ... اشياء صغيرة جدا .... ودايما دي اللي بتعمل مشاكل بين الشركاء
النصيحة
ان كل شيء يكون متفق عليه بوضوح تام ولا يحتمل التأويل .... كل شيء
من اول تقسيم العمل والمسئوليات وحصص الربح والادارة والقرارات المتعلقة بالعمل وبالموظفين وتقسيم المصروفات ومعاملة الامور الشخصية المتعلقة بالعمل ..... حاجات كتير جدا لازم يكون الطرفان متقبلينها
وطالما ح تشتغل رسمي يبقى لازم يكون فيه عقد بينكم موضح فيه الامور دي كلها
..
نصيحة تانية ...... خلي اتعاب المكتب واضحة للعميل قبل ما يجيلك ..... انا عن نفسي باكون قلقان من اي مكتب ادخله ويبقة اتعابه مجهولة بالنسبة لي ..... المفروض ان اللي جايلك كمكتب تسويق يبقى عارف انت اتعابك ازاي .... نسبة ولا مبلغ ولا ازاي بالتحديد
اما بالنسبة للمقاولات .... دي بحر كبير ونصيحتي لك انك تبدأ باعمال صغيرة في البداية علشان تتعلم فيها علشان التعليم مايكونش مكلف ... وما تدخلش في عمليات كتير في نفس الوقت في الاول
..
مرة اخرى ربنا يوفقك ويباركلك

كلامك مهم جداااااا يا حاج احمد وفيه حاجات اول مرة اخد بالى منها في كلامك.

المشاركة الأصلية كتبت بواسطة Eng:mohamed

ربنا يوفقك يا محمد...
شغل المقاولات شغل مش هين...
و المكسب فيه كويس جدا...وربنا يباركلك فيه..
بس هو حواراته كتيير جدا...
راعي ربنا...ثم راعي ربنا ثم راعي ربنا...
إوعى تكون ناوي تسيب العبور...؟؟
أمال حتجوز انا فين يا ريس؟؟؟!
:)

متخافش انا مش هسيب العبور ما انا خلاص اخذت الجنسية....وبعدين هما اللى اتجوزوا خدوا ايه يعني

المشاركة الأصلية كتبت بواسطة amohsen

ربنا يباركلك ويوفقك يا محمد

امين وشرفتني بمرورك يا احمد بك محسن.

الموضوع اتفركش من قبل ما يبتدي تقريبا وهرجع اشتغل لوحدي تاني.
الحمد لله علي كل حال .

المشاركة الأصلية كتبت بواسطة mgazaly

خير يا محمد اية الى حصل ,,, بس ان شاء الله يكون الى جاى احسن

حصل شوية خلافات غير مبشرة علي الأطلاق.