فيه حاجة غريبة لاحظتها ان فيه رقمين لعداد الكيلومتر الكلي للعربية
فمش عارف دا قرايتين لحاجة واحدة ولا دي قراية ودي قراية
عرض للطباعة
فيه حاجة غريبة لاحظتها ان فيه رقمين لعداد الكيلومتر الكلي للعربية
فمش عارف دا قرايتين لحاجة واحدة ولا دي قراية ودي قراية
القراية الاولى دى بتاعة العداد الكلى للكيلومترات للعربية من ساعة ماتصنعت اما القراية التانية دى بتاعة الرحلة يعنى لما تكون رايح مشوار معين وعايز تعرف المسافة بتاعتة كام كيلو بتصفر العداد وفى نهاية المشوار تعرف المسافة بالضبط من القراية دى
انا عارف عداد الرحلة اللي هو بيكون فيه علامة توضح كده
انا قصدي قرايتين ما فيهمش اي علامة وتمييز الرقم كيلو متر
بص الفرق الوحيد انى فى واحد ينفع يتصفر الراجل بيتكلم صح
بص فى 3 عدادات للكيلو مترات فى اللوجن وهما
1. عداد دائم ومينفعش تصفيروه وده بتشوفه اول ما بدور العربيه.
2. عداد الرحلات فقط وده بتشوفه بعد اول ضغطه لتغير العدادات وده بيتصفر ولو اتصفر بيتصفر لوحده دون تأثير على باقى قراءات الكمبيوتر زى متوسط السرعه ومتوسط الاستهلاك .
3. اخر شاشه بتظهرلك قبل ما يعيد الكمبيوتر القراءات تانى ودى بتتصفر مع متوسط السرعه والباقى والهدف منه انه يوضح لسعتك البياناتاللى بيدهالك الكمبيوتر بتكون عم مسافه قدرها كام
كلام صحيح
ونمرة اثتين دا يعتبر زي عداد رحلات ممكن تصفره لوحده لو رايح مشوار وعايز تعرف المسافة بدون المساس بحساب البنزين ولا متوسط السرعة
نمرة ثلاثة دا هو اللي بيتصفر مع تصفير قراءات البنزين
لو كان فيه نمرة 2 بس ممكن تلاقي استهلاك البنزين مثلا 80 لتر وتلاقي نفسك عامل 10 كيلو فيجيلك صدمة عصبية
في حين ان لو كاتب 80 لتر في نمرة 3 حتلاقي مكتوب مسافة 1200 كيلو (مثلا)
شكرا يا باشا فهمته و جربته
و الصراحه لما سفرت رقم 3 ده انبسط اوي عشان انا لسا يبدوبك عامل 200 ك و كان الاستهلاك في حدود 17 18 لتر/100 كم
و كنت شايف ده كتير قوي بس لما صفرت الشاشه ديه و بدأ يحسب و عملت مشوار كده للشروق رايح جاي الاستهلاك وصل ل7 لتر
و المشوار حوالي 50 كيلو خد 4 لتر بنزين و التكييف كان شغال كمال الطريق كله
انا عارف برده ان الرقام ديه مش بتبقي دقيقه اوي عشان نسبه الاستهلاك ديه بتتحسب بمعادله ملهاش اساس
يعني معادله جايه من التجربه و الخطأ لان صعب جدا تعمل model لحاجه زي fuel consumption و بالذات في بلد زي مصر
و الاخر شكرا جزيلا و جزاكم الله خيرا