على فكرة هى عامله 285000 كيلومتر غالبيتهم سفر و العربيه دى اساسا بتاعة واحد جارى يعنى ادامى كل يوم
عرض للطباعة
على فكرة هى عامله 285000 كيلومتر غالبيتهم سفر و العربيه دى اساسا بتاعة واحد جارى يعنى ادامى كل يوم
مش عارف الكلام اللى حضرتك قولته ده صحيح و لا ايه بس عامه انا كشفت على العربيه النهارده و لقيتها زى الفل من مجاميعه يعنى عفشه موتور الات جر (فتيس و عامود كردان و كرونه و كبالن و عفشه اماميه و خلفيه )لقيتها زى الفل قمت علشان العربيه ما تروحش منى دفعت له 70000 جنيه و قولت له العربيه عربيتى و لما تقبض الفلوس ابقى قوللى اديلك بقيت الميت الف . بصراحه انا مش عارف اللى انا عملته دا كده صح و لا ايه بس بصراحه لما ركبت العربيه حسيت باختلاف كبييييير اوى عن المرسيدس لصالح البى ام . اولا تجميع وهمى ثبات اكثر من رائع والفرمله بتاعتها انا عمري ما شفت فرامل بهذه القدرة على التحكم و تكتيف العربيه و على فكه دى كانت اول مرة كنت اسوقها لمسافه طويله فعلشان كده انا اديت له الفلوس حبيت يبقى الموضوع فيه جديه و كمان علشان اكون اكثر جديه اديته السبعين الف بس لما قريت اللى حضرتك كاتبه استعجبت اوى يعنى 85000 دول يادوب يجيبوا لى لانسر 2008 بوية شركه و طبعا ما ينفعش نقارن دى ب دى علشان ما نظلمش حد ....ده كل اللى حصل معايا و مش عارف انا كده صح و لا ايه افيدونى افادكم الله ( ملحوظه: الكشف ده كان عند واحد اسمه منصور هو بيتعامل معاه فى جسر السويس )
و انا اسف ان كنت طولت فى الكلام
و اشكركم جميعا على هذه المشاركه المثمره ..و بارك الله فيكم
مع احترامى لجميع الاراء بس انا املك e39 ووالدى e60 واستطيع المقارنه بينهم جدااا الاتنين 525 بالنسبه ل e39 صاج محترم جداااا وثبات عالى للغايه وخامتها الداخليه ممتازه اسعار قطع غيارها مناسبه جدا بالنسبه لل e60 النص الامامى بالكامل لحد التابلو المونيوم يعنى ورق بما فيها فرد الشاسيه والكارتيرات وده طبعا علشان يقللو الوزن والمشكله لو لاقدر الله حصل تصادم خفيف فمفيش حاجه اسمها اسخن الامونيوم ولازم ارمى القطعه المصدومه كبود او رفرف ولو لاقدر الله الحادث جسيم ووصل للداخل دى هنا الكارثه والسياره انتهت هيه طبعا فيها اوبشن اعلى ورفاهيه اعلى لكن مش عمليه وقطع غيارها ناااااار وفى فرق فى المستعمل بين الاتنين حوالى 100000 وثباتها كويس طبعا بس مش اعلى من ثبات ال e39 واسف للأطاله
هو بالطبع المفروض انك تكشف عند ميكانيكى من طرفك إنت و يكون شغال فى البى إم دبليو و يكون اشتغل فى الفئه ده من البى إم دبليو, او اضعف الأيمان انك كنت كشفت عليها فى التوكيل و بجملة 350 جنية على ال 100000 جنية بدل ما لا قدر الله تدخل فى مشاكل و حوارات تانيه! الله و اعلم بالميكانيكى ده يكون قال الصدق ولا لأ و لا تنسى إنه الميكانيكى الذى يتعامل معه و هذا فيه كذا شىء من أهمهم إنه حتى إذا كانت فى السيارة شىء مش هيقول لأنه فى احالة ده ممكن يكون هو بيلعب على صاحب السيارة اساسا من الأول فإذا قال لك السيارة فيها شىء هو كان غيره قبل كده حتبقى مشكله له! عالعموم هذا إذا كان هو ميكانيكى مش أمين!
شكرا لك على المعلومه الخاصه بالفروق بين خامات ال e39 وخامات ال e60. أنا عالعموم كنت بنسبة 80% رأيى إن الجديد إمكانيات تمام أكثر من القديم و متعه فى القعود داخل السيارة! لكن من وضع يدى على السيارتين و بشكل عام بين السيارات القديمه والجديده بيكون هناك فرق فى الصاج و قوته, الكلام هذا سمعته من كذا شخص اشترى جديد و بيبيع القديم بتاعه! و التخبيط على الصاج بين الجديد و القديم يفرق!
انا شاكر جدا جدا لتعاونكم معايا فى الموضوع ده بس لو حد يعرف ميكانيكى كويس و بيتقى الله وما يكونش بتاع اشتغالات يدلنى عليه و له الاجر والثواب عند الله
اخوانى الكرام انا خلصت فى العربيه النهارده و استلمتها منه المهم علشان ما اطولش عليكو طبعا لمن لا يعلم انا نازل من سي 180 موديل 99 بصراحه العربيه دى انا كنت باموت فيها لكن اللى اخدها منى واحد عزيز على و العريه تعتبر مازالت بتاعتى ...المهم انا احترت و اتكسفت اتصل بالاستاذ عمرو لشدة ذوقه العالى و لما سالت الميكانيكى اللى انا كنت باتعامل معاه اخدنى و روحنا لواحد اسمه حمدى السيد فى شارع الجيش بصراحه الراجل اهتم بى اهتمام غير عادى و ركب العربيه و جربها شخصيا و قعد يقول لى كلام محترم جدا عن الموديل ده و طمنى جدا على العربيه بس المشكله ان العفشه بتاعتها ضايعه و تايهه من اول علبه الدركسيون لغايه المقصات و الشدادات بتاعة العفشه مرورا بالمساعدين وهو ورانى الفرق بينها و بين عربيه كانت واقفه عندة المهم كلمته و اتفقت معاه على عمل العفشه عندة و عملت لها سرفيس يعنى تغيير زيت و فلاتر الزيت و البنزين و الهواء و حط العربيه على الكومبيوتر و قالى ان الحساسات بتاعت الشكمان بايظه و ده يخلى العربيه تاكل بنزين المهم غيرت كمان طقم السيور و كانت الطنبورة بتاعت طلمبه المياه مكسورة غيرناها من عنده كان عنده واحدة استعمال و غير لى كمان طقم البلى بتاع الشدادات بتاع السيور و بص على زيت الفتيس و زوده نص كيلو من عنده كمان تخيلوا ياخد منى مصنعيه كام ......اخد منى 250 جنيه بالطنبورة بتاعته و الزيت بتاع الفتيس وانا اللى اشتريت بقيت الحاجات البوجيهات و الفلاتر و السيور و اشتريت لها كمان ستيبليزر اللى هو تحت طارة الدركسيون اللى فيه الكونترول بتاع الزراير و ده اداهونى استيراد من عند واحد اسمه احمد ب 400 جنيه واكنه جديد حقيقه العربيه موضوع تانى خالص انا كنت راكب حنطور ....اي و الله حنطور فعلا بس اللى عاملى ازمه موضوع العفشة ده حد يقدر يدلنى على مكان يكون عندة الحاجات دى باسعار معقوله و تكون اصلى انا سألت على سعر جوز المساعدين الامامى ماركه ساكس قالى بالف و ستميت جنيه و دة افضل نوع فى السوق فاضل لى المقصات و الشدادات و الصرر لانها كلها مبوشه و المصيبه الاكبر كانت علبه الدركسيون سالت عليها استعمال قالوا لى 2500 جنيه اما الجديد فيبدأ من 6000 جنيه ......... انا استغربت جدا من الاسعار دى ....دى عربيه موديل 2000 و على فكرة هو مصر على انها موديل 2002 لانه بيقولى انها دوبل فانوس ؟؟؟؟ ايه الدوبل فانوس ده هو عبارة عن جزء راكب فى وش السلندر من الامام و العربيه على فكرة 2500 سي سي مش عارف انا حاسس انى لبست فى الحيط لكن فى نفس الوقت لما قولت له السعر اللى انا واخدها بيه اللى هو 105000 انبهر بيه لان فعلا العريه بيتى قالى انها محتاجه حوالى 7000 تانى علشان اشوف يعتى ايه 523 .....انا فى غايه الحيرة اعمل ايه افيدونى افادكم اله
فى الأول والله أنا زعلان من اللى حصل لك و أنا قولت لك اتصل بى لأن أنا كنت مش متأكد من سعر السيارة بهذا الموديل بالسعر اللى حضرتك كنت قولت عليه! عالعموم قدر الله و ما شاء فعل رقم تليفونى معك كلمنى و إن شاء الله نروح لميكانيكى كويس و نعرف ايه اللى ممكن يتم بأقل الأسعار يعنى ما يمكن شراؤه استيراد و ما لا يمكن شراؤه إلا جديد! تمام و ربنا يسهل! أنا مش زعلان انك لم تتصل بى لكن انا زعلان على اللى حصل لك! و أنا تحت امرك ولا تجد حرج فى نفسك من الأتصال :shine[1]:!