انا شوفت عربية معروضة في معرض اسمها مونتيرو هيا شبه الباجيرو اوي بس صغيرة بصراحة العربية عجباني جدا وان شاء الله نويت اشتريها بس محتاج نصيحة انا اول مرة اشوف العربية دي وكنت عايز اعرف هي كويسة ولا لا هي موصفاتها 2000 سي سي 4*4 موديل 2001 فتحة سقف اوتومتيك وفتيس غرز وحالتها كويسة ومطلوب فيها 150000 فايريت تردو عليا في قطع الغيار والصيانة واكشف عليها ازاي وفين انا ساكن في المعادي متوفرة ولا لا والسعر ده كويس ولا غالي وبالنسبة لموضوع اعادة البيع سهل ولا صعب !? ياريت تسعدوني
أولا أهلا بيك في منتدى ميتسوبيشي
العربية دي حسب وصفك هي غالبا باجيرو آي أو - Pajero io (او مونتيرو آي أو لأن باجيرو هي مونتيرو هي شوجان لكن دي 3 أسماء لها حسب بلد التصدير) واحنا في مصر كنا بنجيبها حتى عام 2001 تقريبا حيث وقف انتاجها في اليابان رغم انها عربية حلوة جدا وكانت ماشية كويس
دي صور للعربية (الباجيرو آي أو Pajero io) أو (المونتيرو آي أو Montero io )
ومحركها كان 1800 أو 2000 سي سي
http://www3.0zz0.com/2008/02/12/06/277284369.jpg
http://www3.0zz0.com/2008/02/12/07/474387168.jpg
أما بخصوص الصيانة وقطع الغيار فهي موجودة عندنا في التوكيل لأن فيه عربيات كتير في السوق منها ولو حاجه مش موجودة بنطلبها وتيجي علطول
بخصوص السعر انا ما اعرفش في اسعار المستعمل
انما لو لقيت انها كويسة ومناسبة وحبيت تكشف عليها قبل الشراء فممكن تتفق مع المعرض انك قبل الشراء تكشف عليها في التوكيل على حسابك ولو العربية حالتها كويسة اكيد المعرض مش هيمانع
متشكر جدا ياباشا علي الرد ده وماكونتش متخيل انه يكون بالسرعة دي انا هحاول اعرف لو السعر مناسب ان شاء الله هتكل علي الله واجيبها بس كنت عايز اعرف يعني ايه io بمعني ايه رياضية مثلا اصل العربية حجمها صغير وده اللي عجني فيها
ده الشرح من ويكيبيديا
http://en.wikipedia.org/wiki/Mitsubishi_Pajero_iO
The Mitsubishi Pajero iO is a mini SUV produced by Mitsubishi Motors since June 15, 1998 in three-door form, and August 24, 1998 as a five-door.[1][2] The "iO" name is derived from the Italian for "me" which, according to Mitsubishi, "[g]enerates an image of being easy to get to know, easy to drive, and of being one's very own Pajero".
It was exported as the Montero iO, and to Europe as the Pajero Pinin, Shogun Pinin or simply Pinin to honour Pininfarina, which built the local market versions of the car at their factory near Turin, Italy.[3] It has also been produced in Brazil as the Pajero TR4 since 2002 under license. The name was changed after imported versions were referred to as "1.0" instead of "iO", which could lead to confusion about the engine sizes. The Brazilian TR4 has since July 2007 been Mitsubishi's first four-wheel drive flexible-fuel vehicle, running on a combination of gasoline, ethanol or a combination of the two.[4]
العربية إلي إنتا ناوي تجيبها ب 150ألف مدفوع منها 100 ألف جمارك لأنها 2000cc وجماركها 200% يعني قيمتها الحقيقية ماتعديش ال 50ألف
شكرا للردود
علي فكرة يا استاذ شاهين انا هجيبها مستعملة مش جديدة او من برا بس بصراحة انا شايف العربية تستاهل وكده كده احنا محكومين بسعر السوق لان بلدنا بصراحة فيها اسعار غريبة والعربية جيب 4*4 وياباني واوتوماتيك وفيها فتحة سقف بصراحة انا شايفها ممتازة بالنسبة لعربيات كتير تانية يعني لو قرنتها مثلا بالجيب الليبرتي اكيد هتكون احسن مع فرق سعر كبير يعني ليبرتي موديل 2003 مثلا ب 170 الف من غير فتحة سقف ده غير قطع الغيار الغالية جدا ده غير طبعا موضوع البنزين .
والف شكر علي الردود وياريت اسمع وجهات نظركو بردو انا محتار انا كنت هجيب تريوس زيرو بس لاقيت دي احسن منها بكتير
هو التمن هو اللي مبالغ فيه حبتين
لانها نفس الحجم بتاع الفيتارا ال 4 باب بالظبط
وكانت معروضه عليها واحد 99 او 2000 مش فاكر ب 110 حالتها تحفة وماشيةاقل من 100 الف
بس خد باللك ان ثباتها مش حلو وكانت مع واحد صاحبي بيخاف يعدي ال 120 بيها
على فكره معظم المعارض و تجار العربيات بيلعبوا فى عداد الكيلو متر
خللى بالك
شكرا ياكريم باشا علي المعلومة وربنا ياستر يا حسين باشا انا عارف تجار العربيات ربنا يسامحهم بقي