الموضوع: كل شئ عن بيجو305

الله يبارك فيك بجد تعاون عظيم
بس يا ريت ليا سؤال
ايه الفرق بين البيجو 305 طياره و اللي مش طياره
و ايه اخبار استهلاكها للوقوه يا تري عالي ؟
و بالنسبه للجنوط بعد ما ركبتها لاحظن مميزات او فرق ؟

السلام عليكم ورحمة الله وبركاته
أخوتى وأحبائى من دواعى فخرى وسرورى
أن أكون من مجموعتكم الجميله ليس لأخذ
معلومات منكم رغم أنى أأخذها منكم وهى معلومات مفيده جداً ولكنى سعيد بمدى حبكم لهذه السياره الجميله وأنا ندمان إنى
لم أقتنى سياره 305 من قبل رغم مقدرتى على شرائها ولكن نصيبى وجهنى إليها بعد ان بعت سيارتى ولست نادما على أقتنائى هذه السيار إللى بتدلع صاحبها وتعتبر فى رأى ببلاش وأيضاً سعيد بصحبتكم التى فى نظرى أقوى من شركة بيجو نفسها وأعجبنى غيرتكم على هذا الموديل الجميل والمظلوم فى نفس الوقت وإن كنت لم أمتلك سياره بيجو 305 فأغفروا لى وأرجو منكم أن تقبلونى صديقاً فى مجموعة بيجو 305

الى الاستاذ ميدوووووووو اهلن بيك معانا بالنسبه لسوالك الفرق بين البيجو 305 الطياره والعاده اولا فى الشكل لو حضرتك لاحظت الموديل الجديد الطياره الى هو موديل التمانيات يختلف عن موديل القديم موديل السبعينات فى التبلوه والفوانيس وشويه امكانيات فى الماتور يعنى بصراحه الموديل الطياره احلى شويه وممكن تسقطله ماتور 405 وسرعته تزيد لانه الحوض بتاعه اوسع عن الموديل العاده اما عن استهلاك البنزين فهى عاديه هى4سلندر فاستهلاكها من وجه نظرى حلوووووووووووووو اوى ومش حراقه بنزين وده صورللعربيتين الولى طياره والتانيه عاده وحاجه اخيره ماتور العاده 1500 سىسى والطياره 1600 سى سى

جزاكم الله خيرا علي الافاده
طب من خبرتك
لو حبيت اجيب 305 ايه احلي موديل اجيبه ( سنه كام يعني )
و اجيب طياره و لا عاده