كل شئ عن بيجو305

**PEUGEgggOT** · 16-06-2010 02:20 AM

حضرتك الى مطلوب منك انك تروح للعفشجى تفك الطنابير وتروح تخرطها فى المخرطه ممكنت عملها خمسه مسمار او اربعه مسمار وروح وخد معاك عفشجى يكون استاذ او ريح دماغك واشترى طنابير طياره واليك الصوره الاولى الى هيا خمسه مسمار

**PEUGEgggOT** · 16-06-2010 02:22 AM

والصوره الى هى اربعه خرم هيا ده

**saicol** · 03-07-2010 04:40 PM

موضوع جميل وانا لسة بفكر اجيب العربية دى ولا بولونيز.

**ahmdmagdy** · 03-07-2010 08:15 PM

المشاركة الأصلية كتبت بواسطة saicol

موضوع جميل وانا لسة بفكر اجيب العربية دى ولا بولونيز.

نفس الحيره بتاعتي و زياده عليهم اللادا 1500 و عاوز رأي قاطع

**caboo2021** · 04-07-2010 03:56 PM

طيب انا عندى سؤال انا عندة بيجو 305 بس متظبيطة ناقصلى فيها الجنوط الاسبور وانا عرفت ازاى هعدلها والحمد الله
بس السؤال التانى انا شوفت ناس كتير معاها بيجو مبيكنش نازل فيها تكييف وبعدلولها تكييف هل ال 305 ينفع اركب فيها تكييف

**أحمد علوان** · 05-07-2010 06:07 PM

شكرا على الموضوع الجامد دة وان شاء الله قريب انضملكم كمالك لبيجو 305 لأني ان شاء الله في الطريق لشرائها

**أحمد علوان** · 10-07-2010 05:43 PM

ممكن اذا حد من الزملاء يقولنا متوسط اسعار قطع غشار العربية يعني مثلا جاب ايه قريب للعربية دي بكام

**temraz1981** · 24-07-2010 11:01 AM

السلام عليكم ورحمة الله وبركاته
انا ناوى إن شاء الله اشترى بيجو 305 موديل 82 العربيه حالتها ممتازه الموتور 70% ودواخل فابريقه الكبالن مش وحشه بس فى طقه خفيفه فى الكوبلن اليمين مع الملفات غير كده مافيش اى مشكله فيها.
العربيه دى تساوى كام لأنى محتار بالنسبه لقطع الغيار علشان ناس كتير قالتلى مش حتلاقيها وغاليه؟؟
ارجو الافاده فى سعر الاسد الفرنسى
وشكراً جزيلاً

**madinabaza** · 07-08-2010 04:40 AM

انا معايا 305 ولما كنت بركب حد ورا كان الكاوتش بيحك في الرفرف رحت للعفشجي قالي عايزة تترفع من ورا هنركبلها لايات 132 وبعد ما ركبوها العربيه اترفعت شوية وبقت بترزع في اقل حفرة او مطب بس بقت تحمل كويس من غير ما تحك مع ان قبل ما اركب اللايات دي كانت ناعمة جدا في المطبات حد يعرف حاجه في الحوار ده يا جماعه؟؟

**dr_haitham79** · 10-08-2010 03:29 PM

شكرا ع الموضوع الرائع

كنت عايز اسأل عن معلومة انها دفع أمامى
هل ده كل الفرق بينها وبين 405 ؟؟
طب ودى تعمل فرق ايه على ارض الواقع ؟

وايه الفرق لو الجنط 3 مسمار ولا 4 ولا 5 ؟

سؤال تانى عن الكبالن
هل فعلا لازم تتغير؟
وتمن كبالن 405 دى بكام على كدة؟

وبسأل عن أخبارها مع السخونية
هل فيها مشكلة من الناحيادى؟؟

هل هية بتاعة سفر يوم ويوم 100 كلم مثلا؟

استهلاكها للبنزين
أد ايه لكل 100 كيلو؟
بنزين 80 ولا 90 ؟

هل فيه امكانية لتركيب تكييف ولا لأ؟

معلش لو كنت تقلت عليكو بس كرمكو طمعنى
والف شكر مقدما