-
قشطة كده حضرتك حليت مشكلة فطع غيارها لان العربية دى عاجبانى بس لما سالت على قطع غيارها لقيتها مش موجودة طيب طولو بالكم معايا فى الاسئلة دى :
- الكبالن بتاعت 305 بكام لانى سمعت انها اغلى حاجة ومش موجودة
- هل كلها بتنزل بجنوط 3 خرم ولا الطيارة اللى بعد 1980 بتنزل 4 خرم ؟ و طنابير الطيارة دى بيركب عليها اى جنوط عادى ولا ابعادها مختلفة دى ال 504 اللى ليها جنوط معينة ؟
- موضوع تغيير الات الجر والعفشة ل 405 ايه نظامه يعنى لو شفت واحدة 305 تعبانة وعايز اغيرها ل 405 تتكلف كام لو جبتلها الاتى استيراد
موتور
فتيس
كبالن
عفشة كاملة
تكييف - و هل التكييف يدى نفس كفائته فى ال405 ولا هيكون فاشل ؟
خالص شكرى
-
وبعدين انا سالت ميكانيكى النهاردة قاللى ان قواعد الموتور مختلفة بين 305 و 405 حتى لو الطيارة
-
ايه يا جماعه ال 305
فين الردود و الانفعالات و المشاركات
-
الموضوع مشوق جدا لأني بفكر في العربية دي و ميالها و ياريت حد يعرفنا لو حولت عفشتها ل 405 هتكلف كام وهل هتبقى كده قطع الغيار اغلى بكتير و ياريت يا جماعه حد يرد
ايد في ايد نرجع سمعه ال 305 من جديد
-
بصوا يا جماعه الخير
بالنسبه لموضوع قطع الغيار عامه كلها لا استثناء موجوده استيراد
و 95% موجود جديد
بالنسبه لحكايه العفشه
لو غيرت من نظام لنظام هتغير الركبه كلها بالمساعد و الطنابير
و ركب اللي انت عاوزة
بس بكرر انا سمعت عنها و مجربتهاش
و لو اني مش بحب موضوع تغيير العفشه ده لكذا سبب
ليه
لانها بيبقوا حسبين الاحمال بتاعت وزن العربيا و ابعادها و مصممين القطع بتاعتها عليها
-
و بالنسبه لموضوع الاخ اللي كان عاوز يسال علي موتور استيراد
اح اقوله من كل قلبي بلاش موتور استيراد
غالي و مش مضمون زي البطيخه و انت و حظك
نصيحتي الفعليه
هات العربيه و لو موتورها مش اد كده يبقي حلو علشان هيقلل تمن العربيه و انت بتشتريها
و وديها لميكانيكي متخصص بيجو
و افتح علي بركه الله
و قولي ساعتها و انا تحت امرك احنا اخوات
نبص علي اجزاء المحجرك حته حته
و نصرف عليه صح و نغير اللي عاوز ستغير و نركب قطع غيار اوريجينال
و توكل علي الله
تستمتع بمحرك كانه جديد زيرو و لمده حوالي 10 سنين
لكن الاستيراد لا ثم لا ثم لا
و ده رأيي و تحت امرك في اي سؤال
-
انا عندي سؤال انا معايا 305 موديل 79 اقصى سرعة للعربية 120 ك
والسحب بتاع العربية مش قوى المفروض اللي انا قراته فى الكتالوج ان هي توصل ل100 ك فى 12ث وده مبيحصلش
اول لما اعدي 100 نقول 110 مثلا تبتدي الحرارة تعلي معايا خاصة لو قعدت علي السرعة دي 10 دقايق مثلا
لو حبيت اعلي سرعة العربية اوصل 140 مثلا اعمل اي
-
كده لوا بتوصل لسرعة عالية العربية بتسخن الواضح ان حضرتك عندك مشكلة فى طقم الدبرياج بيخلى العربية سحبها مش حلو وتسخن واستهلاك بنزين يقل اكشف برضه على طقم الكهرباء والكربراتير بس لو العربية بتنحر وانت بتجرى وتحس ان الموتور جايب اخره يبقى دبرياج لو حاسس ان الموتور صوته مش عالى ومش قادر يزيد عن كده ممكن كاربراتير او طقم كهرباء
-
-
السلام عليكم
انا احمد من دمنهور
انا كنت ناوي اشتري عربيه وطبعا زيي زي كتير مفكر ان العربيات الرخيصه يعني مفيش غير 128 و 127 و 124 و 131 و 132 و 1500 و 1200 وكده يعني
وده طبعا بيظلم عربيات تانيه احسن زي ال 305 بس بصراحه كده احسن خلينا نعرفو نشترو
بس انا كان ليا طلب عند الاعضاء المحترمين اللى لقيتهم موجدين هنا بصراحه كلهم ناس الحمدلله كويسه وبتحاول تقدم اي مساعده مش بيتاخرو
كنت عاوز اعرف اكتر عن 305 بالتفصيل زي مثلا
اول موديلاتها كام واخر موديلاتها كام وايه اول موديلات الطياره ؟؟؟؟؟
وايه الفرق بين العاديه والطياره هل الفرق فى حجم الحوض وبعض الشكل الخارجي ولا فى حاجات تانيه وقطع غيار العاديه والطياره مختلفين ؟؟؟
وموديلات الطياره مختلفه ولا واحده كلها ؟؟؟
وهل فرق الموديلات ده بيختلف مع المواتير يعني هو كل العاديه 1300 و الطياره 1500 ولا مش شرط وكده ؟؟؟؟
وياريت اللى يعرف محلات قطع الغيار يقول بالذات لو فى اسكندريه وياسلام لو فى حد مشارك معانا فى دمنهور ؟؟؟
وطبعا احسن الصنايعيه اللى اصحاب العربيات اشتغلو معاهم ولاقوهم تمام زي الكهربائي وعفشجي وميكانيكي وسمكره وكده علشان انا سمعت مش اي حد بيشتغل فيها ؟؟؟؟؟
وطبعا اسعارها العاديه متوسطها كام والطياره لو فى حاله كويسه ؟؟؟
وايه النصائح عند الشراء زي مثلا ناخد بالنا من ايه ايه الموديلات اللى نبعد عنها ؟؟؟؟ والنصائح اللى بعد الشرا فى الاستخدام ؟؟؟
وياريت لو نسيت حاجه انتو بقا متتوصوش ههههههههههههههههه
يعني من الاخر كده تقرير مفصل شامل عن ال الاسد القديم 305
انا عارف اني هتعبكم معايا بس بجد معلومات مهمه لواحد زيي معلوماته قليله ولازم لما اشتري عربيه اكون على درايه بكل مافيها
وشكرا مقدما لمعاليكم
Content Relevant URLs by
vBSEO 3.6.0 PL2