المشاركة الأصلية كتبت بواسطة kh_talaat
شوف يا عزيزي
الفيرنا سيارة محترمة جدا بالنسبة لفئتها وسعرها
ومع كل احترامي للفيفا فالفرق بينهم كبير لصالح الفيرنا وأنا كان معايا فيرنا 1600 cc موديل 2004 (وكنت شاريها مستعملة كمان ) وقعدت معايا 3 سنوات مغيرتش فيهم غير فلاتر وتيل فرامل وطقم سيور (دينامو - كاتينه - باور) وكان العداد عامل 95000 كم
وممكن الخصلك مميزات وعيوب الفيرنا في الآتي :-
المميزات
1- موتور قوي وطلعته جبارة ومعمر
2- قطع غيار متوفرة ورخيصة
3- ابعاد العربية حادة وواضحه وسهل التعود عليها خصوصا في الركن
4- سعر اعادة بيع محترم وبياعه جدا (مش عايز اقولك اني نزلت بيها سوق السيارات كنت بايعها قبل صلاة الجمعه)
العيوب
1- صوت الموتور عالي شوية
2- التقفيل المصري سيئ الى حد ما
3- ضيقة من الداخل مقارنة مثلا باللانوس
4- بتهبط من ورا لو حملت على الكنبة 3 افراد وتحك في المطبات
في النهاية عايز اقولك ان مفيش عربية كاملة لكل عربية مميزات وعيوب
المهم انك تفاضل بين المميزات والعيوب وتشوف اللي يناسبك
ونصيحة اخيرة لو ناوي على فيرنا هاتها 1600 فول اوبشن وربنا يوفقك