الكارينز خدت بوسة كبيرة من الياريس فى الخد الشمال(حادث)

**heshamsalah** · 07-06-2010 11:37 AM

ازيكم يا رجالة مشفتكوش من زمان
كدة أغيب شوية عن المنتدى ألقى الكارينز عمالة تتهزأ..شوية البطيخة وشوية التخينة :)

أهى التخينة وهى ماشى تتدلع كدة أشعلت نار الغيرة فى الياريس حتى انطلقت بسرعة جنونية من شارع جانبى فى القرية الذكية لتستقر فى عربية أخوكم..
الحمد لله العربية جابت اكصدام ورفرفرف وكبوت وسدر ومقص والله أعلم إيه كمان

هى حاليا فى التوكيل لعمل المقايسة وتقدير التكاليف. واضح من التقدير المبدأى إنها هتدخل كدة فى 17 ولا حاجة. الله المستعان
حاولت أقابل المهندس خال عشان يخدمنا فى اختصار الوقت ولكن لم يكن موجودا

كنت عايز أسأل أصحاب الخبرة..كنت بفكر لكبر البلغ أعمل الحاجات المهمة فى التوكيل وأخلى السمكرة برة؟ ايه رأيكم؟
لو فكرة كويسة مين جرب حد فى الكارينز وكان كويس عشان اللون وكدة

لو حد يعرف حد عمل حادث بالكارينز أو فى موضوع هنا على كدة يا ريت يقوللى. حفظ الله الجميع.

اإن شاء الله أبعتلكوا المقايسة لاستشارتكم فى إيه أعمله فى التوكيل و إيه اللى برة
جزاكم الله خيرا

**mohamed_selim** · 07-06-2010 12:15 PM

الحمد لله على سلامتك
رأيى المتواضع استنى شوف المقايسه كام و بعد كده قرر طالما ان فى تأمين

**ehab_osman** · 07-06-2010 12:31 PM

الحمد لله علي سلامتك ؟؟؟؟ وربنا يقويك ويقدرك ؟؟؟؟؟؟؟؟؟؟؟؟؟؟؟؟ شوف التوكيل حيقول ايه ؟؟؟ وموقف شركة التأمين منه ايه وبعد كده تقرر ؟؟؟

**hobaz** · 07-06-2010 12:55 PM

قدر الله وماشاء فعل حمد الله على سلامة حضرتك ومن رايي استنى وشوف التوكيل هيقول ايه وموقف التأمين ايه بالظبط...؟؟

**Khaled_Nowaihy** · 07-06-2010 01:27 PM

ألف سلامة عليك يا هشام باشا ... الحمد لله على كل حال وربنا ييسر الأمور وتتصلح كويس ان شاء الله
زميلنا فى المجموعة د. أحمد محفوظ كان عمل حادثة الشهر الماضى وعمل السمكرة خارج التوكيل
لو عاوز أى خدمة أو محتاج اى حد معاك انا تحت أمرك وربنا يعديها على خير ان شاء الله

**M7amD_7amDy** · 07-06-2010 02:57 PM

ألف سلامة ليك ياباشا

والمهم انك بخير

وإن شاء الله ترجع أحسن من الأول

**heshamsalah** · 07-06-2010 04:25 PM

المشاركة الأصلية كتبت بواسطة khaled_nowaihy

ألف سلامة عليك يا هشام باشا ... الحمد لله على كل حال وربنا ييسر الأمور وتتصلح كويس ان شاء الله
زميلنا فى المجموعة د. أحمد محفوظ كان عمل حادثة الشهر الماضى وعمل السمكرة خارج التوكيل
لو عاوز أى خدمة أو محتاج اى حد معاك انا تحت أمرك وربنا يعديها على خير ان شاء الله

أستاذ خالد بصفتك خبير المواضيع
أنا فاكر كان فى موضوع عن حادث كارينز وكان بردو قال سعر الوكيل وسعر برة.

لو فاكره يا ريت تبعتهولى