ياشباب نزلة الدائري الجديده اللي على شارع اللبيني المريوطية اشتغلت بس انا مش عارف هل دي هاتفيدني لو انا جاي من الوصله الجديده او ميدان لبنان ولا دي للي جاي من اتجاه اكتوبر والصحراوي فقط ياريت اللي جرب يقلنا
عرض للطباعة
ياشباب نزلة الدائري الجديده اللي على شارع اللبيني المريوطية اشتغلت بس انا مش عارف هل دي هاتفيدني لو انا جاي من الوصله الجديده او ميدان لبنان ولا دي للي جاي من اتجاه اكتوبر والصحراوي فقط ياريت اللي جرب يقلنا
متابع باهتمام
فين النازلة دي بظبط وبتنزل عند انهي جزء بظبط؟؟
دي للي جاي من اكتوبر و مستخدم الدائري فهيلاقي قبل المريوطية نزلة على اللبيني و منها لفيصل أو الهرم ,
لما بكون جاي من اكتوبر متفرق معايا جامد جداً ....
دي لو انت جاي من دريم مثلا وعايز تنزل مريوطيه بدل ماكنت بتنزل اسكندريه الصحراوي قبل كده
بالظبط زي ما أكرم باشا قال النزله دي هي النزله اللي هاتبقى وانت جاي من اكتوبر او من الصحراوي على يمينك قبل نزلة صفت وهاتنزلك على شارع النفقين اللي بيقولوا عليه شارع اللبيني ومنه الى الهرم وفيصل
بس السؤال يا أكرم باشا لو انا جاين ميدان لبنان او الوصله الجديده ينفع ننزلها ولا ايه عشان انا لسه ما استخدمتهاش
بس الوصلة دى هى اللى اخرها شارع السودان مش كده؟
ياه اخيرا عملوا في الحته دي نزله :E_braces[1]:
انا كنت دايما بعدي عليها واستغرب ازاي مفيش في المكان دة منزل للدائري خصوصا ان الشارع بتاع النفق واسع وكبير والنزله دي هتخدم قاطني الهرم وفيصل وهتخف الضغط على ميدان الرماية ومشعل
تصوروا كوبرى المريوطيه كله اتعمل علشان يخفف الضغط المرورى تحت شويه , لو بصيتوا على الكوبرى الساعه 5 العصر هتلاقوا ان الكوبرى فااااااااااااااااااااااضى وكل 3 دقايق تلاقى عربيه او 2 ماشيين وتحت الكوبرى زحمه مووووووت .
يعنى زى المثل " جوم يكحلوها عموها " , دول مش عموها دول شلفطوها خااالص حسبى الله ونعم الوكيل , احيانا باخد نص ساعه من اول نزله المريوطيه دائرى المنيب لحد البيت فى فيصل وهى اصلا متاخدش 5 دقايق =( .
التأخير في الحتة دي لسببين ,
أولاً : انهم خلصوا المحور بس منظفوش تحته و بالتالي في حتت بقت ضيقة , دا غير أن المفروض يعيدوا رصف الطريق كله , و كمان الناحية التانية للي جاي من المريوطية للدائري المنيب مقفولة :fdsa:
ثانياً : بسبب طريقة سواقة الناس اللي بتفهم !!! و الطريق بتاعهم لوحدهم .:8954[1]:
محمد باشا,
لو انت جاي من ميدان لبنان يبقى هتنزل نزلت المريوطية العادية الموجودة من زمان ,
و لو جاي من الوصلة الجديدة يا إما تآخد يمين على صفت و تلف من هناك و تيجي تنزل النزلة الأولى من الجديدة , يا إما تاخد شمال لنزلة الصحراول و تلف علشان تطلع الدائري تاني و ساعتها ممكن تستخدم النزلة الجديدة ,
بس انا بضطر و انا جاي من الدائري المعادي إن انزل نزلت المريوطية و مستخدمش الوصلة خالص علشان دي لفة كبيرة ...
هية دى المشكلة إنهم أساسا معملوش نزلة للي جاي من المعادي عند الحتة دي مع إن كل اللى بيستخدم الدائري في المنطقة دي بيكون عايز يروح من عند القوس الغربي للشرقي وبالعكس
العبقرية بقى خلتهم يعملوت نزلة على اللبيني للي جاي من أكتوبر ... الوفروض كمان كان يتعمل نزلة أخرى على اللبيني للي جاي من المعادي ... لكن طبعا التخطيط مايسمحش بأكتر من كده إنتوا هاتطمعوا ولا إيه
عشان كده أنا عمري ماخدت الوصلة الجديدة غير كام مرة فقط وكان من باب الفضول ليس إلا ... لإني مثلا بكون جاي من على محور المنيب ورايح آخر فيصل ولأن مافيش نزلة من على الوصلة الجديدة غير على طريق إسكندرية وبتكون واقفة برضه عشان أعمال التوسعة فبنزل من تحت الوصلة الجديدة برغم الزحمة لكن بتكون أسهل كتير
على فكرة الطلعة الجديدة اللي على المريوطية للدائري للي رايح اكتوبر اشتغلت ,
و دي هتلاقيها في الناحية التانية من المنزل الجديد اللي بنتكلم عليه بس المطلع على المريوطية جنب شركة (بيلا) و دي للي جاي من ناحية كرداسة و رايح اكتوبر أو الصحراوي و طبعاً للي في فيصل يمشي تحت الدائري بجانب المريوطية و يعدي فلفلة في اتجاه كرداسة و يلف من على المريوطية بعد الدائري و يرجع تاني.
انا جربت النزلة ده ممتازة بس المشكلة شارع فيصل والهرم زحمة جدااااااااااااااااااااااا اااااااااااااا
الطلعة بتاعت اكتوبر انا كنت من اسبوعين هناك بستكشف المكان مشتغلتش ده لو اشتغلت تبقي بيس اووووي
هى فين النزلة دى ... أنا ماشوفتهاش.
دلوقتي الدائري مع المريوطية , هنلاقي مطلع بجوار فلفلة للي رايح اتجاه ميدان لبنان , و منزل الناحية التانية للي جاي من ميدان لبنان ,
لكن لو عايز اروح اكتوبر أو جاي من اكتوبر مفيش لا نزلة أو طلعة ,
المهم إنه بقى فيه النزلة للي جاي من اكتوبر و دي على طريق اللبيني و الطلعة الناحية التانية للي جاي من كرداسة أو فيصل بس هيلف عشان يطلعها في اتجاه اكتوبر .
يعني اتعمل طلعه يا اكرم قصاد النزله دي ولا ايه
طيب دلوقتى اللى جى من الرماية وساكن هناك او فى حدائق الاهرام وحابب يطلع طلعت الدائرى ويروح اتجاه ميدان لبنان ووسط البلد يطلع منين الطلع الجديدة
لان اخر مرة كنت هناك فى حدائق الاهرام كنت دايما بطلع الطلعة من الصحراوى مصر اسكندرية ولقتهم قفلين المطلع ده خالص من الاتجاهيين , وفضلت مكمل لغاية ما طلعت من طلعت المحور
يعنى كدا اجبرونا ندخل شارع فيصل او الهرم عشان ندخل على المريوطية ومنها على مطلع الدائرى , ولا ممكن ادخل من الشارع اللى قبل المريوطية اللى فيه النفق , هل فيه مطلع
ما انت علشان تدخل طريق اللبيني (اللي فيه النفق) ده لازم تدخل فيصل و توصل للمريوطية و تلف و ترجع تاني اتجاه الرماية علشان تدخل الطريق ده و في الآخر تلف يمين علشان تعدي المريوطية عند فلفلة و بعد كده تطلع المطلع القديم ,
.......... يعني ودنك منين ..........